YS શર્મિલાએ તેલંગાણા સરકાર સામે મોરચો ખોલ્યો, દિલ્હી પોલીસ દ્વારા જંતર-મંતરથી અટકાયત

YSRTP ચીફ વાયએસ શર્મિલાને જંતર-મંતર પર તેલંગાણા સરકાર વિરુદ્ધ વિરોધ કરવા બદલ દિલ્હી પોલીસે કસ્ટડીમાં લીધા હતા. વાયએસ શર્મિલા આંધ્રપ્રદેશના મુખ્યમંત્રી વાયએસ જગનમોહન રેડ્ડીની નાની બહેન છે. સોમવારે, શર્મિલાએ પ્રોજેક્ટમાં ગેરરીતિઓને લઈને અધિકારીઓ પર નિશાન સાધ્યું અને કહ્યું કે તેના વિરોધ પાછળનું કારણ સંસદ અને દેશનું ધ્યાન આકર્ષિત કરવાનું છે.

નવી દિલ્હી:દિલ્હીના જંતર-મંતર પર તેલંગાણા સરકાર વિરુદ્ધ પ્રદર્શન કરી રહેલા YSRTP ના વડા વાયએસ શર્મિલાને દિલ્હી પોલીસે કસ્ટડીમાં લઈ લીધા છે. પ્રાપ્ત માહિતી અનુસાર, તેલંગાણાના મુખ્યમંત્રી કે ચંદ્રશેખર રાવની સરકાર વિરુદ્ધ વિરોધ પ્રદર્શન દરમિયાન મંગળવારે સવારે દિલ્હી પોલીસે YS શર્મિલાની અટકાયત કરી હતી. આ દરમિયાન વાયએસ શર્મિલાના સમર્થકો પણ કેસીઆર ડાઉન-ડાઉનના નારા લગાવતા જોવા મળ્યા હતા.

આ પણ વાંચોBudget Session: સસ્પેન્શન બાદ પણ કોંગ્રેસ ધારાસભ્ય ગૃહની બહાર ન નીકળ્યા, હંગામો ચાલુ, મદન બિષ્ટે માઈક તોડ્યું

પ્રોજેક્ટમાં ગેરરીતિઓને લઈને બાયો ચઢાવી:તમને જણાવી દઈએ કે YSRTP ચીફ વાયએસ શર્મિલા આંધ્રપ્રદેશના મુખ્યપ્રધાન વાયએસ જગનમોહન રેડ્ડીની નાની બહેન છે. વાયએસ શર્મિલાએ સોમવારે કહ્યું હતું કે તેમણે કાલેશ્વરમ લિફ્ટ સિંચાઈ પ્રોજેક્ટમાં ગેરરીતિઓને ઉજાગર કરવા માટે જંતર-મંતરથી સંસદ સુધી શાંતિપૂર્ણ કૂચ કરવાની પણ યોજના બનાવી છે. તેમણે કહ્યું કે ભૂપાલપલ્લી જિલ્લામાં ગોદાવરી નદી પર સિંચાઈના હેતુથી આ પ્રોજેક્ટ અમલમાં મૂકવામાં આવ્યો છે. સોમવારે, શર્મિલાએ પ્રોજેક્ટમાં ગેરરીતિઓને લઈને અધિકારીઓ પર નિશાન સાધ્યું અને કહ્યું કે તેના વિરોધ પાછળનું કારણ સંસદ અને દેશનું ધ્યાન આકર્ષિત કરવાનું છે.

આ પણ વાંચોNatu Natu in Rajya Sabha: થોડીવાર માટે રાજ્યસભામાં નટુ-નાટુ સોન્ગ મામલે હંગામો

સિંચાઈ પ્રોજેક્ટમાં ગેરરીતિ: વાયએસ શર્મિલાએ કહ્યું કે હું જંતર-મંતરથી સંસદ સુધી ચાલીશ જેથી કરીને આખા દેશને કૌભાંડ અને છેલ્લા બે વર્ષથી ચાલી રહેલી અમારી લડાઈનો અહેસાસ થાય અને જનતા આ ભ્રષ્ટાચાર વિશે જાણી શકે. પ્રોજેક્ટની કિંમત રૂ. 38,500 કરોડથી વધારીને રૂ. 1.20 લાખ કરોડ કરવામાં આવી હતી, પરંતુ સોમવારે બીઆરએસ મંત્રીએ દાવો કર્યો હતો કે માત્ર 1.5 લાખ એકર જમીન જ સિંચાઈની છે. આ દર્શાવે છે કે કલેશ્વરમ સરકારનો સૌથી મોટો ફ્લોપ શો છે. YS શર્મિલાએ તેલંગાણામાં સિંચાઈ પ્રોજેક્ટમાં ગેરરીતિનો આરોપ લગાવ્યો છે.