નવી દિલ્હી: ગાઝિયાબાદના દશના દેવી મંદિરના મુખ્ય પૂજારી યતિ નરસિમ્હાનંદે કથિત રીતે (Yeti Narasimhanand statement) કહ્યું છે કે, જો કોઈ મુસ્લિમ વ્યક્તિ દેશના વડાપ્રધાન બનશે તો 20 વર્ષમાં 50 ટકા હિંદુઓનું ધર્માંતરણ થઈ (controversial statements) જશે. દિલ્હી વહીવટીતંત્રની પરવાનગી વિના આયોજિત હિંદુ મહાપંચાયતને સંબોધતા, નરસિમ્હાનંદે કથિત રીતે હિંદુઓને તેમના અસ્તિત્વને બચાવવા માટે શસ્ત્રો ઉપાડવા માટે પ્રોત્સાહિત કર્યા.
આ પણ વાંચો:Its A Boy: પ્રખ્યાત કોમેડિયન ભારતી બની માતા, પુત્રને આપ્યો જન્મ
મુસ્લિમ વિરોધી સૂત્રોચ્ચાર:બુરારી મેદાન ખાતે મહાપંચાયતનું આયોજન એ જ સંસ્થા દ્વારા કરવામાં (Yeti Narasimhanand controversial statement in delhi ) આવ્યું હતું, જેણે અગાઉ હરિદ્વાર અને દિલ્હીના જંતર-મંતર ખાતે સમાન કાર્યક્રમોનું આયોજન કર્યું હતું, જ્યાં કથિત રીતે મુસ્લિમ વિરોધી સૂત્રોચ્ચાર કરવામાં આવ્યા હતા. બુરારી મેદાનમાં રવિવારે આયોજિત કાર્યક્રમમાં હિન્દુ શ્રેષ્ઠતાની ભાવના ધરાવતા ઘણા નેતાઓએ હાજરી આપી હતી. નરસિમ્હાનંદ હાલ હરિદ્વારની ઘટનાના મામલે જામીન પર બહાર છે. તેમણે કહ્યું કે, વર્ષ 2029 કે વર્ષ 2034 કે વર્ષ 2039માં મુસ્લિમ વડાપ્રધાન બનશે.
20 વર્ષમાં 50 ટકા હિંદુઓનું ધર્માંતરણ: જો એક વખત મુસ્લિમ વડાપ્રધાન બને તો, આગામી 20 વર્ષમાં 50 ટકા હિંદુઓનું ધર્માંતરણ થઈ જશે, 40 ટકાની હત્યા થઈ જશે અને બાકીના 10 ટકા કાં તો શરણાર્થી શિબિરોમાં અથવા અન્ય દેશમાં હશે. સોશિયલ મીડિયા પર મહાપંચાયતના વીડિયોમાં નરસિમ્હાનંદ કથિત રીતે કહેતા સાંભળવા મળે છે કે, આ હિન્દુઓનું ભવિષ્ય હશે. જો તમારે આ ભવિષ્યમાંથી બચવું હોય તો માણસ બનો અને હથિયાર ઉઠાવો.
મુસ્લિમ સભ્યો પર હિન્દુ ટોળા દ્વારા હુમલો: જો કે, એજન્સી આ વીડિયોની સત્યતાની સ્વતંત્ર રીતે તપાસ કરી શકી નથી. કાર્યક્રમ કવર કરવા ગયેલા દિલ્હીના કેટલાક પત્રકારો સાથે કથિત ગેરવર્તણૂકના અહેવાલો છે. જોકે પોલીસે તેને કસ્ટડીમાં લેવાના દાવાને નકારી કાઢ્યો છે. આ કાર્યક્રમને કવર કરનારા એક પત્રકારે ટ્વિટ કરીને આરોપ લગાવ્યો હતો કે મીડિયાના બે મુસ્લિમ સભ્યો પર મહાપંચાયતમાં હિન્દુ ટોળા દ્વારા હુમલો કરવામાં આવ્યો હતો અને તેમની અટકાયત પણ કરવામાં આવી હતી.
આ પણ વાંચો:કેજરીવાલ અને ભગવંત માનની ગુજરાત યાત્રા થઇ પુર્ણ, 'મિશન ગુજરાત 2022'ની બ્લ્યુ પ્રિન્ટ કરી તૈયાર
કોઈની અટકાયત કરવામાં આવી નથી: ઉત્તર પશ્ચિમ દિલ્હી પોલીસ કમિશનર ઉષા રંગનાનીએ ટ્વિટર પર કહ્યું કે, કોઈની અટકાયત કરવામાં આવી નથી. તેમણે ટ્વીટ કર્યું કે, કેટલાક સંવાદદાતાઓ તેમની હાજરીનો વિરોધ ટાળવા માટે ત્યાં હાજર પોલીસ પીસીઆરમાં સ્વેચ્છાએ બેઠા હતા અને સુરક્ષાના કારણોસર પોલીસ સ્ટેશનમાં જવાનું પસંદ કર્યું હતું. કોઈને પણ કસ્ટડીમાં લેવામાં આવ્યા નથી. જરૂરી પોલીસ સુરક્ષા પુરી પાડવામાં આવી હતી. રંગનાનીએ ટ્વીટ કર્યું કે, ભ્રામક માહિતી ફેલાવવા બદલ આવા લોકો સામે જરૂરી કાર્યવાહી કરવામાં આવશે.
