લખનઉ : ભારતીય ક્રિકેટ ટીમે 29 ઓક્ટોબરના રોજ ડિફેન્ડિંગ ચેમ્પિયન ઇંગ્લેન્ડ સામે બાથ ભીડી 100 રનથી કારમી હાર આપી હતી. ભારતીય કેપ્ટન રોહિત શર્માએ 87 રનની ધમાકેદાર ઇનિંગ રમી હતી. જ્યારે સૂર્યકુમાર યાદવે પણ 49 રન બનાવીને ટીમના સ્કોરમાં મહત્વપૂર્ણ યોગદાન આપ્યું હતું. ભારતીય ટીમના ખેલાડીઓએ પ્રથમ ઈનિંગના અંને 229/9 નો સન્માનજનક સ્કોર બનાવ્યો હતો. ત્યારબાદ ભારતીય બોલિંગ યુનિટે ઇંગ્લેન્ડ ટીને 129 ના કુલ સ્કોર ઓલઆઉટ કરી મેચને એક અણધાર્યો અંત આપ્યો હતો.
પેસર મોહમ્મદ શમીએ 4 વિકેટ જ્યારે ઝડપી બોલર જસપ્રિત બુમરાહે ત્રણ વિકેટ ઝડપી હતી ઈંગ્લેન્ડ ટીમના રનમશીનને બ્રેક મારી હતી. ભારતીય ટીમ માટે આ જીત ખાસ બની રહેશે કારણ કે, તેઓએ સેમિ-ફાઇનલમાં પોતાનું સ્થાન લગભગ બુક કરી લીધું છે. આ લીગ મેચના અંત સુધીમાં ભારતીય ટીમ ટોપ 4 માં ન આવે તેવી શક્યતા નહિવત છે.
ભારતીય ટીમના પ્રદર્શને માત્ર દર્શકોને જ પ્રભાવિત નથી કર્યા પરંતુ દેશના અનેક પ્રસિદ્ધ હસ્તીઓએ ભારતીય ટીમની પ્રશંસા કરતા પોતાના પ્રતિભાવ આપ્યા હતા. ભારતના ભૂતપૂર્વ સ્પિનર અનિલ કુંબલેએ સોશિયલ મીડિયા પ્લેટફોર્મ X પર પોસ્ટ કરતા કહ્યું કે, ભારતને તેમના શાનદાર પ્રદર્શન માટે અભિનંદન. વધુમાં તેઓએ લખ્યું હતું કે, ટીમ ઈન્ડિયાને આ અવિશ્વસનીય જીત માટે હાર્દિક અભિનંદન !