AUS vs NED: વોર્નર ODI વર્લ્ડ કપમાં સૌથી વધુ સદી ફટકારનાર બીજો બેટ્સમેન બન્યો

ઓસ્ટ્રેલિયાના ઓપનર ડેવિડ વોર્નરે ICC વર્લ્ડ કપ 2023ની 24મી મેચમાં શાનદાર સદી ફટકારીને એક મોટો રેકોર્ડ પોતાના નામે કરી લીધો છે. હવે તે ICC ODI વર્લ્ડ કપના ઈતિહાસમાં સૌથી વધુ સદી ફટકારનાર બીજો બેટ્સમેન બની ગયો છે.

નવી દિલ્હી: ICC ODI વર્લ્ડ કપ 2023ની 24મી મેચ ઓસ્ટ્રેલિયા અને નેધરલેન્ડ વચ્ચે દિલ્હીના અરુણ જેટલી સ્ટેડિયમમાં રમાઈ રહી છે. આ મેચમાં પ્રથમ બેટિંગ કરતા ઓસ્ટ્રેલિયાએ અત્યાર સુધી 48 ઓવરમાં 6 વિકેટ ગુમાવીને 355 રન બનાવ્યા છે. આ મેચમાં ઓસ્ટ્રેલિયાના ઓપનર ડેવિડ વોર્નરે શાનદાર બેટિંગ કરી હતી અને શાનદાર સદી ફટકારી હતી. આ તેની ODI કારકિર્દીની 22મી સદી છે જ્યારે ODI વર્લ્ડ કપ 2023ની બીજી સદી છે. આ પહેલા વોર્નરે પાકિસ્તાન સામે 163 રનની સદીની ઇનિંગ રમી હતી.

આ મેચમાં ડેવિડ વોર્નરે સદી ફટકારીને એક મોટો રેકોર્ડ પોતાના નામે કરી લીધો છે. તે ODI વર્લ્ડ કપના ઈતિહાસમાં સૌથી વધુ સદી ફટકારનાર બેટ્સમેનોની યાદીમાં બીજા સ્થાને પહોંચી ગયો છે. 104 રનની ઈનિંગ સાથે વોર્નર ODI વર્લ્ડ કપમાં સૌથી વધુ સદી ફટકારનાર બીજો બેટ્સમેન બની ગયો છે. તેણે સચિન તેંડુલકરની 6 વર્લ્ડ કપ સદીની બરાબરી કરી લીધી છે. વોર્નર હવે માત્ર ભારતીય કેપ્ટન રોહિત શર્માથી પાછળ છે. ડેવિડ વોર્નરે 23 ઇનિંગ્સમાં 66.15ની એવરેજથી 6 સદી ફટકારી છે.

આ મેચમાં ડેવિડ વોર્નર ઇનિંગની શરૂઆત કરવા આવ્યો હતો. તેણે પહેલા મિશેલ માર્શ અને પછી ડેવિડ વોર્નર અને માર્નસ લાબુશેન સાથે ઇનિંગ્સને આગળ ધપાવી. આ મેચમાં વોર્નરે 93 બોલમાં 11 ચોગ્ગા અને 3 છગ્ગાની મદદથી 104 રનની શાનદાર ઇનિંગ રમી હતી. આ ઈનિંગ દરમિયાન વોર્નરનો સ્ટ્રાઈક રેટ 111.83 હતો. પોલ વાન મીકેરેને તેને આર્યન દત્તના હાથે કેચ આઉટ કરાવીને પેવેલિયન મોકલી દીધો હતો.