મેલબોર્ન: ગયા વર્ષે ઓસ્ટ્રેલિયામાં એક ક્રિપ્ટોકરન્સી કંપનીએ (Cryptocurrency Company) તેના એક ગ્રાહકને આકસ્મિક રીતે ડોલર 100ને બદલે ડોલર 10.4 મિલિયન (Gave Customer 10 Million dollar) આપ્યા હતા. મહિલા ગ્રાહકને અચાનક આટલા પૈસા મળ્યા અને તેને તેની બહેન અને પુત્રી વચ્ચે વહેંચી દીધા હતા. મહિલાએ એક આલીશાન હવેલી ખરીદી અને તેની બહેનને ભેટમાં આપી હતી.
આ પણ વાંચો :વિશ્વનું પ્રથમ વાયરલેસ ઈયરબડ લોન્ચ
ગ્રાહકને ડોલર 100 આપવાને બદલે આપ્યા હતા ડોલર 10 મિલિયનમીડિયા અહેવાલો અનુસાર ટાઈપોને કારણે Crypto.com નામની કંપનીએ અપેક્ષિત ડોલર 100ને બદલે મેલબોર્નના રહેવાસી થેવામનોગ્રી મેનિવેલ ગ્રાહકને ડોલર 10.4 મિલિયન આપ્યા હતા. આ મની ટ્રાન્સફર ગયા વર્ષે મે મહિનામાં થઈ હતી, પરંતુ ઑડિટ કરતી વખતે ક્રિપ્ટો એક્સચેન્જ ફર્મને ડિસેમ્બર 2021માં જ ભૂલનો અહેસાસ થયો હતો.
મનીવેલે 6 લોકોને વહેંચ્યા હતા પૈસા :પૈસા મળ્યા પછી મનીવેલે તેની પુત્રી અને બહેન સહિત અન્ય 6 લોકોમાં પૈસા વહેંચ્યા હતા. Crypto.com મનીવેલ અને અન્ય 6 લોકો સામે કેસ કર્યો જેમણે પૈસા મેળવ્યા હતા. કોર્ટમાં દાખલ કરાયેલા દસ્તાવેજો અનુસાર તેઓએ ભૂલથી ગ્રાહકને ડોલર 10,474,143 ટ્રાન્સફર કરી દીધા હતા. મહિલાએ કથિત રીતે એક્સચેન્જને ખોટા વળતરની જાણ કરવાને બદલે તેની બહેન થિલાગવતી ગંગાદોરીને ભેટ આપવા માટે ડોલર1.35 મિલિયન ખર્ચ્યા હતા, જેમાં 4 બેડરૂમ, 4 બાથરૂમનો સમાવેશ થાય છે.
આ પણ વાંચો :કેનેડાએ આ પ્રથમ કોવિડ 19 બૂસ્ટરને મંજૂરી આપી
વિક્ટોરિયન સુપ્રીમ કોર્ટે મનીવેલને પૈસા પરત કરવાનો આપ્યો આદેશ :વિક્ટોરિયન સુપ્રીમ કોર્ટે શુક્રવારે મનીવેલને વ્યાજ સહિત એક્સચેન્જને પૈસા પરત કરવાનો આદેશ આપ્યો હતો. કોર્ટે મેનિવેલને ઘર વેચીને ક્રિપ્ટો એક્સચેન્જ કંપનીને પૈસા પરત કરવા કહ્યું છે. કંપનીએ ફેબ્રુઆરીમાં કોર્ટમાં પેપરો દાખલ કર્યા હતા અને મેનિવેલના ખાતા સીલ કર્યા હતા. જો કે, ત્યાં સુધીમાં મોટાભાગના પૈસા ગંગાદોરી અને અન્ય 5 લોકોને મોકલી દેવામાં આવ્યા હતા.
