Punjab News: પટિયાલાના ગુરુદ્વારામાં મહિલાની ગોળી મારી હત્યા, સેવાદારને પણ ઈજા

પટિયાલાના ગુરુદ્વારા દુઃખનિવારન સાહિબમાં ધર્મનિંદાની એક ભયાનક ઘટના પ્રકાશમાં આવી છે. અહીં ટાંકી પાસે બેઠેલી એક મહિલા દારૂ પી રહી હતી, ત્યારે એક વ્યક્તિએ મહિલાની ગોળી મારીને હત્યા કરી દીધી, જ્યારે એક નોકર ઘાયલ થયો. મૃતકની ઓળખ પટિયાલાની રહેવાસી પરમિંદર કૌર તરીકે થઈ છે.

પટિયાલા (પંજાબ):અહીં રવિવારે સાંજે દુઃખનિવારન સાહિબ ગુરુદ્વારા સંકુલમાં મેનેજરના રૂમની બહાર 33 વર્ષીય મહિલાની કથિત રીતે ગોળી મારીને હત્યા કરવામાં આવી હતી. મહિલાને ગોળી મારનાર વ્યક્તિની ધરપકડ કરવામાં આવી છે. પોલીસે જણાવ્યું કે પીડિત મહિલાની ઓળખ પરમિંદર કૌર તરીકે થઈ છે. તેણી કથિત રીતે દારૂના નશામાં હતી અને ગુરુદ્વારા પરિસરમાં સરોવર પાસે કથિત રીતે 'દારૂ પીતી' હતી.

મેનેજરના રૂમમાં ગોળી મારી:લોકોની ફરિયાદ પર મહિલાને મેનેજરના રૂમમાં લઈ જવામાં આવી હતી. ભીડમાંથી કોઈએ તેને મેનેજરના રૂમમાં ગોળી મારી દીધી. જે બાદ પોલીસને ઘટનાની જાણ કરવામાં આવી હતી. આ ઘટનામાં મહિલાએ તળાવ પાસે દારૂ પીવા સામે વાંધો ઉઠાવનાર ગુરુદ્વારાના સેવાદારને પણ ઈજા થઈ હતી. તેને હોસ્પિટલ લઈ જવામાં આવ્યો. પોલીસના જણાવ્યા અનુસાર, આરોપીની ઓળખ અર્બન એસ્ટેટ, પટિયાલાના રહેવાસી નિર્મલજીત સિંહ તરીકે થઈ છે.

પટિયાલાના SSP વરુણ શર્માએ કહ્યું કે:આરોપી ધાર્મિક રીતે ઉત્સાહી જણાતો હતો. તેણે મહિલા પર પાંચ ગોળીઓ ચલાવી હતી. જેમાંથી ત્રણ મહિલાને વાગતાં તેનું ઘટનાસ્થળે જ મોત થયું હતું. નિર્મલજીત સિંહને ઓળખનારાઓએ જણાવ્યું કે આરોપીના તાજેતરમાં જ છૂટાછેડા થયા છે. તે નિયમિત રીતે ગુરુદ્વારામાં જતો હતો. ડીએસપી જસવિંદર તિવાનાએ મીડિયાને જણાવ્યું કે આરોપી પ્રોપર્ટી ડીલિંગનું કામ કરે છે અને તે ક્રિકેટર પણ છે. તેમણે કહ્યું કે ઘટનાના કારણની તપાસ કરવામાં આવી રહી છે. SSP વરુણ શર્માએ જણાવ્યું કે તેઓ વધુ તપાસ કરી રહ્યા છે. વધુ વિગતો થોડા સમયમાં બહાર આવશે.