Weather update : ભારત પર મેઘમહેર જારી રહેશે, કયા રાજ્યોમાં ભારે વરસાદની ચેતવણી અપાઇ જાણો

ચોમાસાની મોસમની મેઘમહેર ભારત દેશ પર યથાવત રહેશે. ભારતીય હવામાન વિભાગે ગુરુવારે જણાવ્યું હતું કે આગામી પાંચ દિવસ દરમિયાન ઉત્તરાખંડના વિવિધ વિસ્તારોમાં ભારે વરસાદની સંભાવના છે. આ સાથે હિમાચલ પ્રદેશ, હરિયાણા અને રાજસ્થાનમાં ભારે વરસાદની ગતિવિધિ ચાલુ રહેવાની શક્યતા છે.

નવી દિલ્હી :ભારતીય હવામાન વિભાગે ગુરુવારે જણાવ્યું હતું કે ઉત્તરાખંડમાં આગામી પાંચ દિવસ દરમિયાન ભારેથી અતિ ભારે વરસાદની ગતિવિધિ ચાલુ રહેશે. પાંચ દિવસ બાદ તેમાં ઘટાડો થવાની સંભાવના છે. ગુરુવારે જારી એક બુલેટિનમાં હવામાનની આગાહી કરતી એજન્સીએ જણાવ્યું હતું કે આગામી બે દિવસ સુધી ઉત્તર પ્રદેશમાં અલગ અલગ સ્થળોએ ભારેથી અતિ ભારે વરસાદ સાથે ઉત્તર પશ્ચિમ ભારતમાં એકદમ વ્યાપક વરસાદની સંભાવના છે. આ પછી છૂટાછવાયો ભારે વરસાદ પડશે.

ભારે વરસાદને લઇને પૂર્વાનુમાન:હિમાચલ પ્રદેશમાં આગામી પાંચ દિવસ સુધી વિવિધ સ્થળોએ ભારે વરસાદની સંભાવના છે, જ્યારે ઉત્તર હરિયાણામાં આગામી ત્રણ દિવસ સુધી ભારે વરસાદ પડશે. ભારતીય હવામાન વિભાગે વધુ આગાહી કરી છે કે પૂર્વ રાજસ્થાનમાં 14 અને 17 જુલાઈના રોજ અલગ અલગ સ્થળોએ ભારે વરસાદ પડી શકે છે. જ્યારે ઉત્તરાખંડમાં આગામી પાંચ દિવસમાં ભારેથી અતિ ભારે વરસાદ થવાની સંભાવના છે.

ઉત્તરપૂર્વ ભારતમાં વ્યાપક વરસાદ: પૂર્વ અને અડીને આવેલા ઉત્તરપૂર્વ ભારતમાં વ્યાપક વરસાદ પડશે. આઈએમડીએ વધુમાં કહ્યું કે "આસામ, અરુણાચલ પ્રદેશ અને બિહારમાં આગામી બે દિવસ સુધી ભારેથી અતિભારે વરસાદ પડશે. ત્યારબાદ વરસાદમાં ઘટાડો થશે." આગામી પાંચ દિવસ સુધી ઓડિશામાં છૂટાછવાયા સ્થળોએ ભારે વરસાદની અપેક્ષા છે. જ્યારે નાગાલેન્ડ અને મણિપુરમાં આગામી ચાર દિવસ સુધી ભારે વરસાદ પડશે.

મધ્યપ્રદેશમાં ભારે વરસાદ:હવામાન વિભાગની યાદીમાં વધુમાં જણાવાયું છે કે 15 જુલાઈના રોજ ગંગાના પશ્ચિમ બંગાળમાં વિવિધ સ્થળોએ ભારે વરસાદની સંભાવના છે. 13 અને 14 જુલાઈના રોજ ઉપહિમાલયન પશ્ચિમ બંગાળ અને સિક્કિમ અને મેઘાલયમાં છૂટાછવાયા સ્થળોએ ભારેથી અતિ ભારે વરસાદ થશે. ત્યારબાદ તેમાં ઘટાડો જોવા મળશે. આગામી બે દિવસ સુધી મધ્ય ભારતમાં હળવાથી મધ્યમ વરસાદ અને મધ્યપ્રદેશમાં ભારે વરસાદ પડશે. આઈએમડીએ આગાહી કરી છે કે, '15 થી 16 જુલાઈ સુધી વરસાદની ગતિવિધિઓ ઘટશે અને પછી 17 જુલાઈથી ફરી વધશે.'

ગુજરાતમાં હળવો મધ્યમ વરસાદ:તો પશ્ચિમ ભારતમાં, કોંકણ અને ગોવા અને મધ્ય મહારાષ્ટ્રના ઘાટ પ્રદેશોમાં આગામી પાંચ દિવસ સુધી છૂટાછવાયા ભારે ધોધ સાથે હળવોથી મધ્યમ વ્યાપક વરસાદ ચાલુ રહેશે. ગુજરાતમાં આગામી બે દિવસ સુધી સ્થિતિ એવી જ રહેશે. જો કે, દક્ષિણ ભારતમાં હળવાથી મધ્યમ, એકદમ વ્યાપક વરસાદ પડશે. આગામી ત્રણ દિવસ સુધી કોસ્ટલ કર્ણાટક, દક્ષિણ આંતરિક કર્ણાટક અને કેરળમાં છૂટાછવાયા સ્થળોએ ભારે વરસાદ પડશે. તામિલનાડુ, તટીય આંધ્રપ્રદેશ અને તેલંગાણામાં પણ આગામી બે દિવસ સુધી મધ્યમ વરસાદનો અંદાજ લગાવવામાં આવ્યો છે.