ભુવનેશ્વર: CID ક્રાઈમ બ્રાન્ચની સ્પેશિયલ ટાસ્ક ફોર્સ (STF) એ ઓડિશાના જાજપુર જિલ્લામાંથી કેટલાક શંકાસ્પદ રાષ્ટ્રવિરોધી તત્વો સાથે સંબંધ ધરાવતા કાશ્મીરી છેતરપિંડી કરનારની ધરપકડ કરી છે. આરોપીની ઓળખ સૈયદ ઈશાન બુખારી ઉર્ફે ઈશાન બુખારી ઉર્ફે ડો. ઈશાન બુખારી (37) તરીકે થઈ છે. STF અધિકારીઓએ જણાવ્યું કે દરોડા દરમિયાન 100 થી વધુ દસ્તાવેજો જપ્ત કરવામાં આવ્યા છે.
એસટીએફની વિશેષ ટીમે જાજપુર જિલ્લાના નેઉલપુર વિસ્તારમાં દરોડા પાડીને બુખારીની ધરપકડ કરી હતી. એસટીએફના વરિષ્ઠ અધિકારીઓએ જણાવ્યું હતું કે આરોપી કાશ્મીર પોલીસને છેતરપિંડી અને બનાવટીના કેસમાં પણ વોન્ટેડ છે અને તેની સામે બિનજામીનપાત્ર વોરંટ પેન્ડિંગ છે. "એવું પણ જાણવા મળ્યું હતું કે તે કેરળમાં શંકાસ્પદ વ્યક્તિઓ અને કેટલાક પાકિસ્તાની નાગરિકોના સંપર્કમાં હતો." એસટીએફએ એક રિલીઝમાં જણાવ્યું હતું.
કર્યા અનેક લગ્ન:એક ચોંકાવનારો ખુલાસો એવો પણ સામે આવ્યો છે કે આરોપી સૈયદ ઈશાન બુખારીએ કાશ્મીર, ઉત્તર પ્રદેશ, મહારાષ્ટ્ર અને ઓડિશા સહિત ભારતના વિવિધ ભાગોમાંથી ઓછામાં ઓછી 6-7 છોકરીઓ સાથે લગ્ન કર્યા છે.
તે વિવિધ વેબસાઈટ/એપ્સ પર પણ સક્રિય હતો અને આંતરરાષ્ટ્રીય ડિગ્રી ધરાવતો ડોક્ટર તરીકેનો પોઝ આપીને ઘણી છોકરીઓ સાથે રોમેન્ટિક સંબંધોમાં હતો. અમેરિકાની કોર્નેલ યુનિવર્સિટી, કેનેડિયન હેલ્થ સર્વિસ ઇન્સ્ટિટ્યૂટ, ક્રિશ્ચિયન મેડિકલ કોલેજ વેલ્લોર દ્વારા જારી કરાયેલ મેડિકલ ડિગ્રી સર્ટિફિકેટ જેવા ઘણા નકલી દસ્તાવેજો જપ્ત કરવામાં આવ્યા છે. કેટલાક ખાલી સહી કરેલા દસ્તાવેજો/સોગંદનામા/બોન્ડ, કેટલાક ઓળખ કાર્ડ, એટીએમ કાર્ડ, કોરા ચેક, આધાર કાર્ડ, વિઝિટિંગ કાર્ડ પણ જપ્ત કરવામાં આવ્યા છે.
- નકલી DySPએ તો ભારે કરી ! પોલીસ તપાસમાં નકલી DySP વિનીત દવેએ કર્યા આશ્ચર્યજનક ખુલાસા
- Fake IPS officer Caught: સુરતમાં વાહનો ચેકીંગ કરીને મેમો આપતો ડુપ્લીકેટ IPS પકડાયો
