Bhilwara urine mixed in water : રાજસ્થાનમાં વિદ્યાર્થીનીએ પાણીમાં યુરિયન ભેળવવાનો લગાવ્યો આરોપ, ગ્રામજનોએ શાળાના ગેટ પર કર્યો હંગામો

રાજસ્થાનના ભીલવાડા જિલ્લાના ગામડાની શાળામાં અભ્યાસ કરતી એક વિદ્યાર્થીનીએ પીવાના પાણીની બોટલમાં યુરિયન મિક્સ કરવાનો આરોપ લગાવ્યો છે. જે બાદ સોમવારે ગ્રામજનોએ હોબાળો મચાવ્યો હતો. બગડતી પરિસ્થિતિને સંભાળવા માટે પોલીસે હળવો બળપ્રયોગ કરવો પડ્યો હતો.

રાજસ્થાન : ભીલવાડા જિલ્લાની એક સરકારી શાળામાં ભણતી એક વિદ્યાર્થીનીએ પીવાના પાણીની બોટલમાં યુરિયન ભેળવવાનો આરોપ લગાવ્યો છે. આ ઘટના જિલ્લાના લુહરિયા નગરની સરકારી શાળાની જણાવવામાં આવી રહી છે. જેના વિરોધમાં સોમવારે લુહારીયા ગામનું વાતાવરણ ગરમાયું હતું. મોટી સંખ્યામાં ગ્રામજનો શાળાના ગેટ પર પહોંચ્યા હતા અને શાળાના મુખ્ય દરવાજાને તાળું મારીને વિરોધ શરૂ કર્યો હતો. બગડતું વાતાવરણ જોઈને શાળા પ્રશાસને પોલીસને જાણ કરી હતી. અધિક પોલીસ અધિક્ષક ઘનશ્યામ શર્મા સહિત પોલીસ અને વહીવટી અધિકારીઓ ઘટના સ્થળે પહોંચી ગયા હતા. તેમણે રોષે ભરાયેલા ગ્રામજનોને શાંત પાડી મામલો થાળે પાડવાનો પ્રયાસ કર્યો હતો.

સ્કુલમાં થઇ વિચિત્ર ઘટના : લુહારિયા નગરની એક શાળાના ધોરણ VIII માં અભ્યાસ કરતી એક વિદ્યાર્થીએ શુક્રવારે રિશેષ દરમિયાન તેના પીવાના પાણીની બોટલમાં યુરિયન ભેળવવાનો આરોપ મૂક્યો હતો. આ આરોપ એક ખાસ સમુદાયના શાળાના વિદ્યાર્થી પર છે. આ ઘટનાના વિરોધમાં ગ્રામ્ય, ભાજપ અને અન્ય સંગઠનોના રાજકારણીઓ ઘટના સ્થળે પહોંચી ગયા હતા. લોકોએ આરોપી શાળાના છોકરાને બરતરફ કરવાની માંગ સાથે હંગામો મચાવ્યો હતો. સ્થિતિ વણસતી જોઈને પોલીસે ભારે જબ્બર બંદોબસ્ત ગોઠવી દીધો હતો. પોલીસની વધી રહેલી હાજરી જોઈને ગ્રામજનો પણ હાથમાં લાકડીઓ અને સળિયા લઈને આવ્યા હતા. આ બનતું જોઈને પોલીસે પણ ભીડને વિખેરવા હળવો બળપ્રયોગ કર્યો હતો.

પોલિસ કાફોલ તૈનાત થયો : પોલીસની માહિતી મુજબ, શુક્રવારે એટલે કે 28 જુલાઈના રોજ, ધોરણ 8 ના એક વિદ્યાર્થીનીએ એક ખાસ સમુદાયના વિદ્યાર્થી પર પીવાના પાણીની બોટલમાં યુરિયન ભેળવવાનો આરોપ લગાવ્યો હતો. આ ઘટનાની જાણ ગામમાં આગની જેમ ફેલાઈ ગઈ હતી. શનિવાર અને રવિવારની રજાના કારણે લોકો શાળામાં વિરોધ પ્રદર્શન કરી શક્યા ન હતા. સોમવારે જ્યારે સ્કૂલ ખુલી ત્યારે સ્કૂલની બહાર લોકોનું ટોળું એકઠું થઈ ગયું હતું. ગ્રામજનોના ટોળાએ શાળા પ્રશાસન પર દબાણ લાવવાનું શરૂ કર્યું. ઘટનાની તપાસ કરવાની સાથે આરોપી વિદ્યાર્થીને તાત્કાલિક શાળામાંથી બરતરફ કરવાની માંગ કરી હતી. જ્યારે શાળા પ્રશાસન આ માટે તૈયાર ન હતું ત્યારે ગ્રામજનોએ શાળાના ગેટને તાળા મારીને વિરોધ શરૂ કર્યો હતો. આ અંગે પોલીસને જાણ થતાં ગ્રામજનો વધુ ઉશ્કેરાયા હતા. આના પર ગ્રામજનો પણ હાથમાં લાકડા અને સળિયા લઈને સ્થળ પર પહોંચવા લાગ્યા હતા. શરૂઆતમાં પોલીસ અધિકારીઓએ તેમને શાંત પાડવાનો પ્રયાસ કર્યો હતો, પરંતુ વાતાવરણ બગડતા જોઈને પોલીસે હળવો બળપ્રયોગ કરવો પડ્યો હતો.