મેટ્રો ટ્રેક પર પી કરતો વીડિયો વાયરલ, DMRC એ આપ્યા તપાસના આદેશ

સોશિયલ મીડિયા પર વાયરલ થયેલા એક વીડિયોમાં એક વ્યક્તિ દિલ્હી મેટ્રોના પ્લેટફોર્મ પર ઉભો છે અને ટ્રેક પર પેશાબ કરતો જોવા મળે છે. (urinating on metro track in delhi goes viral )દિલ્હી મેટ્રો સ્ટેશનનું પરિસર સ્વચ્છતા માટે જાણીતું છે અને થૂંકવા પર દંડ પણ થાય છે, પરંતુ આ વ્યક્તિએ મેટ્રો ટ્રેક પર જ પેશાબ કરવાનું શરૂ કરી દીધું હતું.

નવી દિલ્હીઃ દિલ્હી મેટ્રોના ઈતિહાસમાં કદાચ આવો પહેલો કિસ્સો સામે આવ્યો છે, જેમાં કોઈ વ્યક્તિ મેટ્રોના ટ્રેક પર જ પેશાબ કરવા લાગ્યો હોય. કોઈએ તેનો વીડિયો બનાવ્યો અને તેને પૂછ્યું કે તે શું(urinating on metro track in delhi goes viral ) કરે છે. ત્યારબાદ વીડિયો બનાવનાર અન્ય મેટ્રોમાં ગયો અને ત્યાંથી પણ વીડિયો બનાવ્યો હતો.

માલવિયા નગર મેટ્રો:આ વિડિયો સંજીવ બબ્બર નામના વ્યક્તિ સુધી પહોંચ્યો હતો, જેણે 29 ઓક્ટોબરે ટ્વિટર પર અપલોડ કર્યો અને દિલ્હી મેટ્રોને ટેગ કર્યો અને તે પછી ખબર પડી કે તે દક્ષિણ દિલ્હીના માલવિયા નગર મેટ્રો સ્ટેશનનો છે. આ વીડિયો 29 ઓક્ટોબરનો જણાવવામાં આવી રહ્યો છે, પરંતુ તે પછી એક-બે દિવસથી આ વીડિયો ઝડપથી વાયરલ થઈ રહ્યો છે. તેના પર દિલ્હી મેટ્રોએ કહ્યું કે, વીડિયોના આધારે સંજ્ઞાન લેવામાં આવ્યું છે. ઓળખ બાદ આ મામલે કાર્યવાહી કરવામાં આવશે.

સુરક્ષા હેલ્પલાઇન:આની જાણ કરવા બદલ ટ્વિટર યુઝરનો આભાર માનવા સાથે, ડીએમઆરસીએ લોકોને તેમની 24-કલાકની સુરક્ષા હેલ્પલાઇન પર કૉલ કરવાનું સૂચન કર્યું છે. DMRCએ કહ્યું,"હેલો, પ્રતિભાવ બદલ આભાર. જો આવી કોઈ પ્રવૃત્તિ જોવા મળે, તો મુસાફરો નજીકના DMRC અધિકારીનો સંપર્ક કરી શકે છે અથવા અમારી 24x7 હેલ્પલાઈન નંબર 155370 અથવા સુરક્ષા હેલ્પલાઈન નંબર 155655 પર સંપર્ક કરી શકે છે જેથી તાત્કાલિક પગલાં લેવામાં આવે."

દંડની જોગવાઈ:દિલ્હી મેટ્રોના પ્રવક્તા અનુજ દયાલનું કહેવું છે કે, મેટ્રો પરિસરમાં ગંદકી ફેલાવવા પર 200 રૂપિયાના દંડની જોગવાઈ છે, આ કૃત્ય કરનાર વ્યક્તિની શોધ કરવામાં આવી રહી છે. મળેલા વીડિયો અને સીસીટીવી ફૂટેજની મદદ લેવામાં આવી રહી છે.