UP Crime News : યુવકને તેના મિત્ર પાસે જ થપ્પડોથી માર મરાવ્યો, ચકેરી પોલીસ પર મૂકાયો ગંભીર આરોપ

ઉત્તરપ્રદેશના કાનપુરમાં થપ્પડકાંડનો અલગ બનાવ સામે આવ્યો છે. આરોપ છે કે સબઇન્સ્પેક્ટરે યુવકને તેના મિત્ર દ્વારા જ થપ્પડ મરાવી હતી. જેનાથી દુઃખી થયેલા યુવકે આપઘાતનો પ્રયાસ પણ કર્યો હતો. પીડિતની માતાએ પોલીસ પર ગંભીર આરોપ લગાવ્યા છે.

ઉત્તરપ્રદેશ - કાનપુર : મુઝફ્ફરનગર બાદ હવે કાનપુરમાં થપ્પડ મારવાની ઘટના સામે આવી છે. આરોપ છે કે એક સબ ઇન્સ્પેક્ટરે યુવકને તેના મિત્ર દ્વારા થપ્પડ મરાવી હતી. આ બાબતને લઇને અપમાનિત અનુભવતાં યુવકે આપઘાતનો પ્રયાસ પણ કર્યો હતો. જે બાદ પીડિત યુવકનીની માતાએ પોલીસ પર ગંભીર આરોપ લગાવ્યા છે.

કાનપુરના ચકેરીમાં બની ઘટના : થોડા દિવસો પહેલા મુઝફ્ફરનગરમાં એક શિક્ષકે તેની શાળામાં એક વિદ્યાર્થીને અન્ય વિદ્યાર્થીએ એમ કહીને થપ્પડ મારી હતી કે તે તેને ફટકારવામાં અસમર્થ છે. દેશ અને દુનિયામાં આ બાબતની ચર્ચા થઈ હતી. હવે આવો જ એક કિસ્સો કાનપુરના ચકેરી પોલીસ સ્ટેશન વિસ્તારના લાલ બંગલામાં સામે આવ્યો છે. લાલ બંગલાનો રહેવાસી દિલજોત તેની માસીના ઘરે રહે છે. તેને મિત્ર થકી શિવ ગોદાવરી ચોકી પર સબ ઇન્સ્પેક્ટર દ્વારા થપ્પડ મરાવી હતી. આ બાબતથી દુઃખી થયેલા દિલજોત તેની માતા અમરપ્રીત કૌર સાથે ગયો અને પોલીસ કમિશનરને ફરિયાદ કરી. પોલીસ કમિશનરે એસીપી ચકેરી અમરનાથ યાદવને તપાસનો આદેશ આપ્યો છે.

બે દિવસ પહેલાંની ઘટના :દિલજોતની માતા અમરપ્રીતે ઈટીવી ભારતને જણાવ્યું કે તેનો પુત્ર બંગડીઓ બનાવવાનું કામ કરે છે. તેની બર્રામાં દુકાન છે. બે દિવસ પહેલા રાત્રે દુકાન બંધ કરીને લાલ બંગલા ખાતે ઘરે જઈ રહ્યો હતો. આરોપ છે કે લાલ બંગલા પાસે રસ્તામાં ડાયલ-100ના કોન્સ્ટેબલોએ દિલજોતને રોક્યો અને પછી તેની સાથે દુર્વ્યવહાર કર્યો.

મિત્ર પાસે જ થપ્પડોથી માર મરાવ્યો :દિલજોતે કહ્યું કે મેં કોઈ ભૂલ નથી કરી તો તું આવું કેમ વર્તે છે? જો કોઈ નિયમ તોડ્યો હોય તો તેનું ચલણ આપો. કો જવાબમાં કોન્સ્ટેબલે તેને થપ્પડ મારી દીધી હતી. ત્યારબાદ કોન્સ્ટેબલ દિલજોત અને તેના મિત્રને શિવગોદાવરી ચોકી પર લઈ ગયો. આરોપ છે કે જ્યાં ચોકીના ઈન્ચાર્જે દિલજોત સાથે દુર્વ્યવહાર કર્યો હતો. ડરી ગયેલા દિલજોતે તેની માતા અમરપ્રીતને કોન્સ્ટેબલ સાથે વાત કરાવી તો આરોપ છે કે ચોકીના ઈન્ચાર્જે કહ્યું કે હું પણ ફિરોઝાબાદનો રહેવાસી છું, હું તને જોઈ લઈશ. આ બાગદ ચોકી ઇન્ચાર્જે પોતાના રુમમાં લઇ જઇ દિલજોતના મિત્ર દ્વારા અનેક વાર થપ્પડ મરાવી હતી. જ્યારે દિલજોત ઘરે પાછો આવ્યો ત્યારે તે આ ઘટનાથી દુઃખી થયો હતો અને તેણે આત્મહત્યા કરવાનો પ્રયાસ કર્યો હતો. પરંતુ કોઈક રીતે તેની બહેને તેને અટકાવ્યો હતો.

પોલીસનો ઇનકાર :આ સમગ્ર મામલે એસીપી ચકેરી અમરનાથે જણાવ્યું કે ચોકીના ઈન્ચાર્જે દિલજોતને થપ્પડ નથી મરાવી. દિલજોત અને તેના મિત્રએ સૈનિકો સાથે હૂટિંગ કર્યું હતું. જેના જવાબમાં સૈનિકોએ તેમને રોક્યા હતાં અને ગાળો આપી હતી. હુમલો કે અભદ્રતાના આક્ષેપો પાયાવિહોણા છે. તો પોલીસ કમિશનરના સ્ટાફ ઓફિસર અશોકસિંહે જણાવ્યું કે આ મામલે એક ફરિયાદ પત્ર મળ્યો છે. જેને ડીસીપી પૂર્વને પાઠવી દેવામાં આવ્યો છે.