UP Cabinet Expansion : રાજ્યપાલ આનંદીબેન પટેલે નવા પ્રધાનોને લેવડાવ્યા શપથ

ઉત્તર પ્રદેશની યોગી આદિત્યનાથ(CM Yogi Adityanath) સરકારમાં ભારે ફેરફારો કરવામાં આવ્યા છે. સરકાર દ્વારા પ્રધાનમંડળ (UP Cabinet Expansion)નું આજે રવિવારે વિસ્તરણ કરવામાં આવ્યું છે. આ તકે રાજ્યપાલ આનંદીબેન પટેલે ( Governor Anandiben Patel ) 7 નવા પ્રધાનોને પદ અને ગુપ્તતાના શપથ લેવડાવ્યા હતા. આ અગાઉ ભાજપે ગુજરાતમાં નો રિપીટ થીયરી અપનાવીને મુખ્યપ્રધાન અને પ્રધાનોની નવી ટીમ બનાવી હતી.

• ઉત્તર પ્રદેશના રાજકારણમાં ગરમાવો
• યોગી સરકારના પ્રધાન મંડળનુ વિસ્તરણ કરવામાં આવ્યું
• રાજ્યપાલ આનંદીબેન પટેલે સાત નવા પ્રધાનોને શપથ લેવડાવ્યા

લખનઉ, ઉત્તર પ્રદેશ :રાજ્યની યોગી આદિત્યનાથ (CM Yogi Adityanath) સરકારના પ્રધાનમંડળનું આજે રવિવારે વિસ્તરણ (UP Cabinet Expansion)કરવામાં આવ્યું છે. રાજ્યપાલ આનંદીબેન પટેલે ( Governor Anandiben Patel )સાત નવા પ્રધાનોને પદ અને ગુપ્તતાના શપથ લેવડાવ્યા હતા. જેમાં છત્રપાલ ગેંગવોર, જિતિન પ્રસાદ, પલ્તુ રામ, સંજય ગૌર, ધરમવીર પ્રજાપતિ, સંગીતા બિંદુ અને દિનેશ ખાટીકને શપથ અપાવવામાં આવ્યા હતા.

જિતિન પ્રસાદ કોંગ્રેસના મજબૂત નેતા રહ્યા છે

યોગી પ્રધાનમંડળમાં સામેલ થયેલા જિતિન પ્રસાદ તાજેતરમાં જ કોંગ્રેસ છોડીને ભાજપમાં જોડાયા હતા. એવું માનવામાં આવે છે કે, ભાજપે જિતીન પ્રસાદને બ્રાહ્મણ મતદારોને તેમની તરફેણમાં લાવવા માટે આ દાવ રમ્યો છે.

છત્રપાલ સિંહ ગેંગવોર બીજી વખત વિધાનસભામાં પહોંચ્યા છે

યોગી પ્રધાનમંડળમાં છત્રપાલ સિંહ ગંગવારના સમાવેશની ચર્ચા છે. છત્રપાલ સિંહ ગંગવાર બરેલીની બરહેડી વિધાનસભા બેઠક પરના ધારાસભ્ય છે. દામઘોડાના રહેવાસી છત્રપાલ સિંહ ગંગવાર અગાઉ 2007 માં ભારતીય જનતા પાર્ટીની ટિકિટ પર બહેરી વિધાનસભા બેઠક જીત્યા બાદ વિધાનસભામાં પહોંચ્યા હતા. રાજકીય નિષ્ણાતો માને છે કે, યોગી કેબિનેટમાં છત્રપાલ સિંહનો સમાવેશ કરીને આગામી વિધાનસભામાં કુર્મી મતદારોને આકર્ષવાના પ્રયાસો કરવામાં આવી રહ્યા છે.

પલતુ રામ બલરામપુર સદરથી ધારાસભ્ય

યોગી કેબિનેટ વિસ્તરણમાં સ્થાન મેળવનાર પલતુ રામ હાલમાં બલરામપુર સદરની અનામત વિધાનસભા બેઠક પરથી ભાજપના ધારાસભ્ય છે. ગોંડા જિલ્લાના પરેડ સરકાર ગામના રહેવાસી પલતુ રામને રાજકારણ વારસામાં મળ્યું નથી, પરંતુ પોતે આ પદ પ્રાપ્ત કર્યું છે.

ધરમવીર પ્રજાપતિ માટી કલા બોર્ડના પ્રમુખ છે

યોગી કેબિનેટ વિસ્તરણમાં સ્થાન મેળવનાર ધર્મવીર પ્રજાપતિ હાલમાં આગ્રાના MLC છે. હાથરસ જિલ્લાના બહાડોઇ ગામના રહેવાસી ધર્મવીર વિધાન પરિષદના સભ્ય તેમજ માટી કલા બોર્ડના ચેરમેન છે. આ પહેલા પણ ધરમવીરે ભાજપમાં ઘણી મહત્વની જવાબદારીઓ નિભાવી છે. માનવામાં આવે છે કે, ધર્મવીર પ્રજાપતિને કુંભાર સમાજના ચહેરા તરીકે કેબિનેટમાં સ્થાન આપવામાં આવી રહ્યું છે.

સંગીતા બિંદ પહેલી વખત ધારાસભ્ય બન્યા

યોગી કેબિનેટમાં પ્રધાન પદ માટે જે નામોની ચર્ચા થઈ રહી છે. તેમાં ગાજીપુર સદરથી ધારાસભ્ય સંગીતા બિંદનું નામ પણ સામેલ છે. સંગીતા બિંદનો જન્મ ગાઝીપુર શહેરમાં થયો હતો. તેના પિતા પોતે રામસુરત બિંદ નિવૃત્ત ટપાલી છે. સંગીતાના પતિ વ્યવસાયે હોમિયોપેથિક ડોક્ટર છે.

દિનેશ કુમાર ખાટીકના ઘરે ખુશીનું વાતાવરણ

યોગી પ્રધાનમંડળમાં જોડાયેલા દિનેશ કુમાર ખાતિક હાલમાં મેરઠની હસ્તિનાપુર વિધાનસભા બેઠકના ધારાસભ્ય છે. કહેવાય છે કે રાષ્ટ્રીય સ્વયંસેવક સંઘમાં દિનેશ કુમાર ખાતિકની મજબૂત પકડ છે. આ સિવાય દિનેશ કુમાર ખાટીક પછાત સમાજના છે. આ વખતે કેબિનેટ વિસ્તરણમાં પછાત જાતિના ચહેરાઓને સ્થાન આપવાની ચર્ચા હતી.

સંજય કુમાર 1978 માં જનસંઘમાંથી ધારાસભ્ય હતા

ભાજપના ધારાસભ્ય સંજીવકુમાર ગૌડ ઉર્ફે સંજયનું નામ પણ પ્રધાન પદની રેસમાં ચાલી રહ્યું હતું. સંજય ગૌડ 1978 માં જનસંઘમાંથી ધારાસભ્ય રહી ચૂક્યા છે. તત્કાલીન જનતા દળ ગઠબંધન સરકારમાં સંજય ગૌડે ઉદ્યોગ મંત્રાલયની જવાબદારી પણ સંભાળી છે.

આ પણ વાંચો: