જગદલપુરઃ અમિત શાહે જગદલપુરના લાલબાગમાં આયોજિત પરિવર્તન સંકલ્પ મહાસભાને સંબોધિત કરી છે. અમિત શાહે કહ્યું કે છત્તીસગઢમાં ત્રણ દિવાળી ઉજવવી છે. પ્રથમ દિવાળી તહેવાર, બીજી દિવાળી 3 ડિસેમ્બરે જ્યારે અહીં કમળ ખીલશે અને ત્રીજી દિવાળી જાન્યુઆરીમાં પ્રભુ શ્રીરામના મંદિરના નિર્માણ વખતે ઉજવીશું.
છત્તીસગઢને નકસલ મુક્ત કરીશુંઃઅમિત શાહે કર્યુ કે બસ્તર એક જમાનામાં ભયંકર નકસલી વિસ્તાર ગણાતો હતો. આજે છત્તીસગઢ નકસલવાદ સિવાય અનેક સમસ્યાઓથી ઘેરાયેલું છે. અમિત શાહે દાવો કર્યો છે કે ભાજપની સરકાર બનાવી દો અમે સમગ્ર છત્તીસગઢને નકસલવાદમાંથી મુક્ત કરી દઈશું.
અમિત શાહના વાકપ્રહારઃ અમિત શાહે છત્તીસગઢની ભૂપેશ સરકાર પર વાકપ્રહાર કર્યા છે. ભૂપેશ સરકારે દારુ વેચવાની દુકાન શરૂ કરી અને 2000 કરોડનું દારુ કૌભાંડ કર્યુ. કોલસા કૌભાંડ કર્યુ. ગરીબોના અનાજમાં 1300 કરોડનું કૌભાંડ કર્યુ છે. પીડીએસમાં 600 કરોડનું કૌભાંડ, મહાદેવ એપમાં 5 હજાર કરોડનું કૌભાંડ. 267 એસટીએસસી પદો પર એવી ભરતી કરાઈ કે યુવાઓએ નિવસ્ત્ર થઈને રેલી કાઢવી પડી. આદિવાસીઓના હજારો કરોડ રૂપિયા કૌભાંડમાં ખાઈ ગયા.
ભૂપેશ સરકાર કૉંગ્રેસનું એટીએમઃ અમિત શાહે ભૂપેશ સરકારને કૉંગ્રેસનું એટીએમ ગણાવ્યું છે. અમિત શાહ કહે છે કે ભૂપેશ સરકાર આદિવાસીઓના હકના પૈસામાં ભ્રષ્ટાચાર કરી પૈસા દિલ્હી મોકલે છે. ભૂપેલ બધેલ સરકાર જુઠ્ઠાણું ચલાવે છે. નગરનાર સ્ટીલ પ્લાન્ટનું ખાનગીકરણ નહીં થાય. આ પ્લાન્ટ પર આદિવાસી ભાઈ બહેનોનો હક છે.
મોદી સરકારની સિદ્ધિઓઃઅમિત શાહે દાવો કર્યો કે નરેન્દ્ર મોદી વડા પ્રધાન બન્યા ત્યારબાદ આદિવાસી ક્ષેત્રોનો વિકાસ વધી રહ્યો છે. પહેલા 90 એકલવ્ય વિદ્યાલય હતા,જ્યારે આજે 740 એકલવ્ય વિદ્યાલય છે. 40 હજાર શિક્ષકોની ભરતી ઝડપથી થવાની છે. ડીએમએફ ફંડ દ્વારા 9 વર્ષમાં 75 હજાર કરોડ રુપિયા જિલ્લાના વિકાસ માટે આપવામાં આવ્યા છે. જેમાં પીવાનું પાણી, પ્રાથમિક શિક્ષણ, વીજળી અને બીજા અનેક વિકાસકાર્યો થઈ રહ્યા છે. 2047 સુધી ભારતમાં એક પણ આદિવાસી સિકલસેલ એનિમિયાથી પીડિત નહીં હોય. આ મિશન મોદી સરકારે શરૂ કર્યુ છે. આદિવાસી તાલુકાઓમાં મોદી સરકાર વિકાસકાર્યોને મહત્વ આપી રહી છે.
- Gandhinagar News: ઈન્ડિયન ફાર્મા સેકટરમાં ઈનોવેશન અને રિસર્ચ માટે સરકાર કુલ 35,000 કરોડનું રોકાણ કરશેઃ મનસુખ માંડવિયા
- Swachhata hi Seva Campaign: કેન્દ્રીય ગૃહપ્રધાન અમિત શાહ અને CM ભૂપેન્દ્ર પટેલે સફાઈ અભિયાન હાથ ધર્યું
