Amit Shah: અમિત શાહ ઓડિશા પહોંચ્યા, CM પટનાયક સાથે બેઠકમાં હાજરી આપશે

ગૃહપ્રધાન અમિત શાહ ઓડિશાના પ્રવાસે છે. અમિત શાહનું વિમાન 11.50 વાગ્યે એરપોર્ટ પર ઉતર્યું હતું. જ્યાં ભાજપના કાર્યકરોએ તેમનું ઉષ્માભર્યું સ્વાગત કરવામાં આવ્યું હતું. અમિત શાહ શનિવારે નેશનલ હાઈવે પ્રોજેક્ટનું ઉદઘાટન કરશે. તેમજ ડાબેરી ઉગ્રવાદ અને આપત્તિ વ્યવસ્થાપનને લગતા મુદ્દાઓ પરની બેઠકોમાં હાજરી આપશે.

ભુવનેશ્વરઃલોકસભાની ચૂંટણી નજીક આવી રહી છે. ત્યારે તમામ નેતાઓ એક્ટિવ મોડમાં જોવા મળી રહ્યા છે. ત્યારેકેન્દ્રીય ગૃહપ્રધાન અમિત શાહ શુક્રવારે રાત્રે ભુવનેશ્વર પહોંચ્યા હતા. શાહનું વિમાન 11.50 વાગ્યે એરપોર્ટ પર ઉતર્યું હતું, જ્યાં ભારતીય જનતા પાર્ટી (BJP) ઓડિશા એકમના પ્રમુખ મનમોહન સામલ અને ભુવનેશ્વરના સાંસદ અપરાજિતા સારંગી સહિત અન્ય નેતાઓએ તેમનું સ્વાગત કર્યું હતું. શાહે એક ખાનગી હોટલમાં રાત્રિ આરામ કર્યો હતો.

ઉદઘાટન કાર્યક્રમમાં ભાગ લેશે: મળતી માહિતી મુજબ શાહ આજે સવારે 11 થી 12 વાગ્યા સુધી નેશનલ હાઈવે પ્રોજેક્ટના ઉદઘાટન કાર્યક્રમમાં ભાગ લેશે. 12 થી 12.30 વાગ્યા સુધી તેઓ નક્સલ વિરોધી પગલાં અને કુદરતી આફતો સામે લડવા માટે યોજાનારી બેઠકમાં ભાગ લેશે. મુખ્યપ્રધાન નવીન પટનાયક રાજ્ય સચિવાલયમાં બેક ટુ બેક બેઠકોમાં પણ ભાગ લેશે. આ પછી અમિત શાહ પાર્ટીની બેઠકમાં ભાગ લેશે. પાર્ટીની બેઠક પૂરી થયા બાદ અમિત શાહ પાર્ટી ઓફિસમાં લંચ લેશે. આ પછી શાહ બપોરે 2 થી 5 વાગ્યા સુધી પાર્ટીના વરિષ્ઠ નેતાઓ સાથે બંધ બારણે બેઠક કરશે.

લોન્જમાં એક મીટિંગ: શાહ અને પટનાયકની એકબીજા સાથેની મુલાકાત અંગે કોઈ સત્તાવાર પુષ્ટિ નથી પરંતુ કેન્દ્રીય મંત્રીના એજન્ડા પરથી જાણવા મળ્યું છે કે રાજ્ય સચિવાલયમાં બે બેઠકો પછી 30 મિનિટની બેઠક નક્કી કરવામાં આવી છે. જો કે તે દરમિયાન અમિત શાહ કોને મળશે તે અંગે કોઈ ઉલ્લેખ કરવામાં આવ્યો નથી. અધિકારીઓના જણાવ્યા અનુસાર, ગૃહપ્રધાન સાંજે દિલ્હી જતા પહેલા એરપોર્ટ લોન્જમાં એક મીટિંગમાં ભાગ લેશે, પરંતુ આ મીટિંગમાં કોણ હાજર રહેશે તેની માહિતી આપવામાં આવી નથી.