પંજાબમાં કેજરીવાલને ઝટકો, રૂપિન્દર કૌરએ કૉંગ્રેસનો હાથ પકડ્યો

ભટિંડા ગ્રામીણના ધારાસભ્ય ( MLA of Bhatinda Grameen)રુપિન્દર કૌર રૂબી ( Rupinder Kaur Ruby)કૉંગ્રેસનો (Congress)હાથ પકડ્યો છે. મંગળવારે રાત્રે તેમણે પોતાના ટ્વિટર હેન્ડલ દ્વારા AAP છોડવાના નિર્ણયની જાહેરાત કરી હતી.

• રુપિન્દર કૌર રૂબીનું AAPના સભ્યપદેથી રાજીનામું
• ભટિંડા ગ્રામીણના ધારાસભ્ય રુપિન્દર કૌર રૂબી કોંગ્રેસમાં જોડાઈ
• રાજ્ય વિધાનસભાની ચૂંટણી લડવા AAPમાંથી ટિકિટ મળવાની આશા નથી

ચંડીગઢ:ભટિંડા ગ્રામીણના ધારાસભ્ય( MLA of Bhatinda Grameen)રુપિન્દર કૌર રૂબી( Rupinder Kaur Ruby)કોંગ્રેસમાં જોડાઈ ગયા છે. મંગળવારે રાત્રે તેમણે પોતાના ટ્વિટર હેન્ડલ દ્વારા AAPછોડવાના નિર્ણયની જાહેરાત કરી હતી.

હું તાત્કાલિક અસરથી આમ આદમી પાર્ટીના સભ્યપદેથી રાજીનામું આપી રહી છું

રુબીએ એક ટ્વીટમાં કહ્યું હતું કે અરવિંદ કેજરીવાલ, AAP કન્વીનર અને ભગવંત માન જી, તમને જાણ કરવામાં આવે છે કે હું તાત્કાલિક અસરથી આમ આદમી પાર્ટીના સભ્યપદેથી રાજીનામું આપી રહી છું. કૃપા કરીને મારું રાજીનામું સ્વીકારો. આભાર, રૂપિન્દર કૌર રૂબી (ધારાસભ્ય, ભટિંડા ગ્રામીણ).

વિધાનસભામાં વિપક્ષના નેતા હરપાલ સિંહ ચીમાએ રૂબી પર કટાક્ષ કર્યો

તેમના રાજીનામા પર પ્રતિક્રિયા આપતા, AAP ધારાસભ્ય અને પંજાબ વિધાનસભામાં વિપક્ષના નેતા હરપાલ સિંહ ચીમાએ રૂબી પર કટાક્ષ કર્યો. તેણે કહ્યું કે તે કૉંગ્રેસમાં જોડાઈ રહી છે કારણ કે આગામી રાજ્ય વિધાનસભાની ચૂંટણી લડવા માટે તેને AAPમાંથી ટિકિટ મેળવાની કોઈ આશા નથી.

ટિકિટ મળવાની કોઈ શક્યતા નથી એટલે કૉંગ્રેસમાં જોડાઈ

ચીમાએ ટ્વીટ કર્યું કે રુપિન્દર રૂબી અમારી નાની બહેન છે, તે જ્યાં જાય છે ત્યાં ખુશ રહે છે. આ વખતે તેમને તમારી પાસેથી ટિકિટ મળવાની કોઈ શક્યતા નથી. તેથી જ તે કૉંગ્રેસમાં જોડાઈ રહી છે. કૉંગ્રેસને વિનંતી છે કે રૂબીને છેતરે નહીં અને ભટિંડા ગ્રામ્ય બેઠક પરથી ટિકિટ આપે.

આ પણ વાંચોઃકેબિનેટ બેઠકમાં જીતુ વાધાણીએ શું જણાવ્યું તે બાબતે જાણો...

આ પણ વાંચોઃગિરનારની પ્રતીકાત્મક લીલી પરિક્રમા યોજાશે, લગાતાર વિચાર વિમર્શ બાદ લેવાયો નિર્ણય