કર્ણાટક:'ઓનર કિલિંગ'ની એક કથિત ઘટનામાં કર્ણાટકના તુમાકુરુમાં એક અલગ જ્ઞાતિના છોકરા સાથે પ્રેમ સંબંધ હોવાના કારણે 17 વર્ષની છોકરીની તેના પરિવારના સભ્યો દ્વારા હત્યા કરવામાં આવી હતી. પોલીસે શુક્રવારે જણાવ્યું હતું. આ મામલે યુવતીના પિતા, ભાઈ અને કાકાની ધરપકડ કરવામાં આવી છે.
ત્રણેય આરોપીઓની ધરપકડ:તુમાકુરુના એસપી રાહુલ કુમાર શાહપુરવાડે જણાવ્યું હતું કે તેના પિતા પરશુરામ, ભાઈ શિવરાજુ અને કાકા તુકારામ સહિત ત્રણેય આરોપીઓની ધરપકડ કરવામાં આવી છે અને તેમની પૂછપરછ કરવામાં આવી રહી છે. પોલીસે જણાવ્યું હતું કે, આરોપીઓએ છોકરીનું ગળું દબાવીને હત્યા કરી હતી. કારણ કે તેઓ સાંભળીને ગુસ્સે થયા હતા કે તેણી અનુસૂચિત જાતિના છોકરા સાથે પ્રેમમાં છે. પીડિતા, જે અનુસૂચિત જનજાતિની હતી તે હોસ્ટેલમાં રહેતી હતી અને તેને એક છોકરા સાથે પ્રેમ થયો હતો, પોલીસે જણાવ્યું હતું.
પરિવારે ઝેર પીવા દબાણ કર્યું: પોલીસે જણાવ્યું હતુ્ં કે બે અઠવાડિયા પહેલા યુવતી ગુમ થઈ ગઈ હતી. તેના માતા-પિતાએ તેને શોધી કાઢી અને 9 જૂનના રોજ તેને ઘરે પરત લાવ્યા. ત્યારથી, પરિવારના સભ્યો તેના છોકરા સાથેના સંબંધને સમાપ્ત કરવા માટે તેના પર દબાણ કરવાનો પ્રયાસ કરી રહ્યા હતા. પરંતુ, યુવતીએ સંબંધમાંથી બહાર આવવાની ના પાડી દીધી હતી. જેના પગલે તેના પરિવારે તેને ઝેર પીવડાવવા દબાણ કર્યું હતું.
પરિવારજનોએ આત્મહત્યાનો કર્યો દાવો: પોલીસના જણાવ્યા અનુસાર, જ્યારે છોકરીએ ઝેર પીવાનો વિરોધ કર્યો તો આરોપી પરિવારના સભ્યોએ દોરડા વડે તેનું ગળું દબાવીને હત્યા કરી નાખી. ત્યારબાદ તેના પરિવારજનોએ દાવો કર્યો હતો કે તેનું ઝેર પીધા બાદ મૃત્યુ થયું હતું અને ઉતાવળમાં તેના અંતિમ સંસ્કાર કરવામાં આવ્યા હતા. જો કે, ગ્રામજનોને ખોટી રમતની શંકા હતી અને તેણે પોલીસને ફરિયાદ કરી હતી. જેના પગલે પોલીસે આપઘાતનો ગુનો દાખલ કરી તપાસ હાથ ધરી હતી. તપાસ દરમિયાન જાણવા મળ્યું હતું કે યુવતીની હત્યા કરવામાં આવી હતી અને તેના પરિવારજનો પર આ ગુનો કરવાનો આરોપ હતો.
- Uttar Pradesh Crime : પત્નીને પ્રેમી સાથે રંગરેલિયાની સ્થિતિમાં જોઈ પતિનું લોહી ઉકળ્યુ, બંનેની હત્યા કરી નાખી
- Ahmedabad Crime: યુવતીને લગ્નની લાલચ આપી વિધર્મી યુવકે દુષ્કર્મ આચર્યું, ગર્ભ રહી જતાં તરછોડી
