શિલોંગ/અગરતલા/કોહિમા: ત્રિપુરા, મેઘાલય અને નાગાલેન્ડની વિધાનસભા ચૂંટણીના પરિણામો આજે જાહેર કરવામાં આવશે. ત્રણ રાજ્યોની 178 બેઠકો માટે 16 અને 27 ફેબ્રુઆરીએ મતદાન થયું હતું. સવારે 8 વાગ્યાથી મતગણતરી શરૂ થશે. નાગાલેન્ડમાં 60 બેઠકો છે, 59 બેઠકો પર ચૂંટણી યોજાઈ હતી કારણ કે, એક મતવિસ્તાર (અકુલુતો) ભારતીય જનતા પાર્ટી (BJP) દ્વારા બિનહરીફ જીતવામાં આવી હતી.
આ પણ વાંચો:Akasa Air: અકાસા એરએ પણ મોટા પાયે વિમાનો માટે કર્યો ઓર્ડર
ત્રિપુરાના પરિણામો ભાજપ માટે મહત્વના: મેઘાલયમાં પણ કુલ સંખ્યા 60 થી ઘટીને 59 પર આવી ગઈ કારણ કે, એક સીટ પર ઉમેદવારની હત્યા બાદ ચૂંટણી રદ કરવામાં આવી હતી. ત્રિપુરાના પરિણામો ભાજપ માટે મહત્વના રહેશે. 2018 માં, ભાજપે આ ડાબેરી ગઢ પર કબજો કર્યો. મેઘાલય અને નાગાલેન્ડની ચૂંટણીના પરિણામો એ પ્રશ્નનો જવાબ આપશે કે શું આ પૂર્વોત્તર રાજ્યોમાં ભાજપને મજબૂતી મળી છે કે, પછી વિપક્ષો ભાજપના પ્રભાવને ડામવામાં સફળ થયા છે. નાગાલેન્ડના કોહિમામાં સવારે 8 વાગ્યાથી મતગણતરી શરૂ થશે. મતગણતરી કેન્દ્રો પર ભારે સુરક્ષા વ્યવસ્થા ગોઠવવામાં આવી છે. ત્રણ રાજ્યોમાં 178 બેઠકો માટે મતદાન 16 ફેબ્રુઆરીના રોજ યોજાયું હતું.
આ પણ વાંચો:G-20 Summit in Ranchi: G-20 સમિટ માટે રાંચીમાં પહોંચેલા વિદેશી મહેમાનોનું ઝારખંડી સ્ટાઈલમાં સ્વાગત
કોણ કેટલા વોટથી આગળ: મેઘાલયમાં કોનરેડ સંગમાની પાર્ટી NPP શરૂઆતના વલણોમાં આગળ છે. મેઘાલયમાં 40 સીટોના ટ્રેન્ડમાં એનપીપી 28 અને ભાજપ 10 સીટો પર આગળ છે. ટીએમસી પણ સારી લડત આપી રહી છે અને 10 બેઠકો પર આગળ છે. ત્રિપુરામાં ભાજપ 22 બેઠકો પર આગળ છે, ત્રિપુરામાં ડાબેરી મોરચા 10 બેઠકો પર આગળ છે, ત્રિપુરામાં 60 માંથી 45 બેઠકો માટે પ્રારંભિક વલણોમાં. અહીં ભાજપ 22 સીટો પર, ડાબેરી મોરચા 10 અને ટીપરા 13 સીટો પર આગળ છે. મેઘાલયની 59માંથી 52 સીટોનો ટ્રેન્ડ આવી ગયો છે. અહીં NPP 28, BJP 10, કોંગ્રેસ 4 અને TMC 10 સીટો પર આગળ છે. નાગાલેન્ડમાં 60માંથી 22 બેઠકો માટે વલણ બહાર આવ્યું છે, જેમાં ભાજપ 21 પર આગળ છે, NPF 1 પર છે.