ત્રિપુરામાં પૂજારીઓ પર કરાયો હુમલો, વાહનોમાં કરી તોડફોડ

ત્રિપુરાના પૂર્વ મુખ્યપ્રધાન બિપ્લબ દેબના (former Tripura Chief Minister Biplab Debs) ઘરની બહાર અજાણ્યા લોકોએ પૂજારીઓ પર હુમલો કર્યો (Tripura Mob attacked on priests) હતો. આ ઉપરાંત વાહનોની તોડફોડ પણ કરી હતી. આ હુમલા બાદ આ વિસ્તારમાં તણાવ વધી ગયો હતો.

ગોમતી: મંગળવારે મોડી રાત્રે ગોમતી જિલ્લાના ઉદયપુરમાંત્રિપુરાના પૂર્વ મુખ્યપ્રધાન બિપ્લબ કુમાર દેબના (former Tripura Chief Minister Biplab Debs) પૈતૃક ઘરની બહાર અજાણ્યા લોકોએ પુજારીઓ પર હુમલો (Tripura Mob attacked on priests) કર્યો હતો. આ ઘટના ત્યારે બની જ્યારે પૂજારીઓનું એક જૂથ ઉદયપુરના જમજુરી વિસ્તારમાં રાજનગર સ્થિત દેબના ઘરે પહોંચ્યું.

ટોળામાં સામેલ લોકોએ હુમલો કર્યો: પુજારી બુધવારે દેબના પિતાના વાર્ષિક શ્રાદ્ધ સમારોહ માટે ભારતીય જનતા પાર્ટી (BJP)ના રાજ્યસભા સાંસદના નિવાસસ્થાને (Tripura Mob attacked priests near CM house) યજ્ઞ કરવા આવ્યા હતા. બદમાશોએ સંતો પર હુમલો કર્યો અને તેમના વાહનોમાં તોડફોડ કરી. આસપાસના લોકો અને સ્થાનિક લોકોએ પૂજારીને બચાવ્યા, ત્યારબાદ બદમાશો ભાગી ગયા. આ હુમલામાં અસરગ્રસ્ત કૌશિકે કહ્યું, 'હું મા ત્રિપુરા સુંદરી મંદિરના દર્શન કરવા આવ્યો હતો. આ પછી હું બુધવારે યોજાનાર યજ્ઞની તૈયારીઓ જોવા મારા ગુરુદેવજીની સૂચનાથી અહીં આવ્યો છું. અચાનક એક ટોળું આવ્યું અને મારા પર હુમલો કર્યો. ટોળામાં સામેલ લોકોએ મારા વાહનની તોડફોડ કરી હતી. અવાજ કરતાં તેઓ ભાગી ગયા હતા. તેઓ CPI(M) કે કોઈ નહીંના નારા લગાવી રહ્યા હતા .

સ્થાનિક લોકોએ વિરોધ શરૂ કર્યો: આ ઘટનાનો સ્થાનિક લોકોએ વિરોધ શરૂ કર્યો હતો. આ દરમિયાન દેખાવકારોએ હુમલાખોરોની દુકાનોમાં તોડફોડ કરી હતી. આ પછી ભારે પોલીસ બંદોબસ્ત ગોઠવી દેવામાં આવ્યો છે. પરિસ્થિતિને કાબૂમાં લેવા માટે સબ-ડિવિઝનલ પોલીસ ઓફિસર નિરુપમ દેબ બર્મા અને એડિશનલ સુપરિન્ટેન્ડેન્ટ ઑફ પોલીસ દેબાંજના રોય ઘટનાસ્થળે પહોંચ્યા હતા. આ પહેલા ગયા વર્ષે ઓગસ્ટ મહિનામાં ત્રિપુરા કોંગ્રેસના એક વરિષ્ઠ નેતા પર ખૂની હુમલાનો મામલો સામે આવ્યો હતો. કોંગ્રેસના વરિષ્ઠ નેતા સુદીપ રોય બર્મન (Senior Congress leader Sudip Roy Burman) જ્યારે ભારત જોડો યાત્રાથી પરત ફરી રહ્યા હતા ત્યારે તેમના પર હુમલો કરવામાં આવ્યો હતો. આ હુમલામાં હુમલાખોરોએ બર્મનની કારની પણ તોડફોડ કરી હતી.