વિજિયાનગરમ:આંધ્રપ્રદેશમાં ટ્રેન દુર્ઘટના સામે આવી છે. મળતી માહિતી મુજબ, આ ટ્રેન દુર્ઘટના વિઝિયાનગરમ જિલ્લાના કોઠાવલસા મંડલના કંટકપ્પલ્લીમાં થઈ હતી. વિશાખાથી રાયગડા જતી પેસેન્જર ટ્રેન અને પલાસાથી વિઝિયાનગરમ તરફ આવતી પેસેન્જર ટ્રેન એકબીજા સાથે અથડાઈ હતી. રેલવે અધિકારીઓએ જણાવ્યું કે આ દુર્ઘટનામાં 14 લોકોના મોત થયા છે, જ્યારે ઘણા લોકો ગંભીર રીતે ઘાયલ થયા છે. દુર્ઘટના બાદ રેલવે મંત્રાલયે હેલ્પલાઇન નંબર જારી કર્યા છે.
ટ્રેનના 3 ડબ્બા પાટા પરથી ઉતરી ગયા: મળેલી માહિતી અનુસાર અથડામણને કારણે રાયગડા પેસેન્જર ટ્રેનના 3 ડબ્બા પાટા પરથી ઉતરી ગયા. કહેવામાં આવી રહ્યું છે કે ઇલેક્ટ્રિક વાયર કપાવાને કારણે ઘટનાસ્થળે અંધારું હતું. અંધારાના કારણે અહીં બચાવ કાર્યમાં મુશ્કેલી પડી રહી છે. જો કે રેલ્વે બચાવકર્મીઓ અને પોલીસ ઘટના સ્થળે પહોંચી ગયા છે. અકસ્માતને કારણે ટ્રેનના ડબ્બા એક બીજા પર દોડી ગયા હતા.
મૃતકોની સંખ્યા વધી શકે છે: આ અકસ્માતના કારણે મુસાફરો પણ ચોંકી ઉઠ્યા હતા. આ અકસ્માત બાદ મુસાફરો દ્વારા તેમના પરિવારના સભ્યોને બચાવવા અને બહાર કાઢવાના પ્રયાસો હાથ ધરવામાં આવ્યા હતા. મુસાફરોએ કહ્યું કે જ્યારે તેઓ આ અકસ્માતને યાદ કરે છે ત્યારે તેમનો આત્મા કંપી ઉઠે છે. દુર્ઘટના સ્થળને જોતા અનુમાન લગાવવામાં આવી રહ્યું છે કે મૃતકોની સંખ્યા વધી શકે છે.
અકસ્માત અંગે માહિતી આપતાડિવિઝનલ રેલવે મેનેજરે જણાવ્યું કે વિશાખાપટ્ટનમ-પલાસા પેસેન્જર ટ્રેન અને વિશાખાપટ્ટનમ-રગડા પેસેન્જર ટ્રેન વચ્ચે પાછળથી ટક્કર થઈ હતી. આ દુર્ઘટનામાં 3 કોચ સામેલ હતા અને 100થી વધું ઘાયલ થયા હતા. બચાવ કામગીરી ચાલી રહી છે, સ્થાનિક વહીવટીતંત્ર અને NDRFને મદદ અને એમ્બ્યુલન્સ માટે જાણ કરવામાં આવી છે. અકસ્માત રાહત ગાડીઓ ઘટનાસ્થળે પહોંચી ગઈ છે.
- Bangladesh Train Accident : બાંગ્લાદેશમાં મોટી દુર્ઘટના, બે ટ્રેન અથડાતાં 20 મુસાફરોના મોત
- Bihar Train Accident Update : બિહાર ટ્રેન દુર્ઘટનાના 35 કલાક બાદ પણ કામગીરી ખોરવાઈ, ટ્રેક રિપેર થતા ટ્રેનો રદ્દ કરાઇ
