દિલ્હી ક્ષેત્રીય સુરક્ષા વાર્તામાં બુધવારે અફઘાનિસ્તાનની સ્થિતિની ચર્ચા થશે

ભારત બુધવારે અફઘાનિસ્તાન પર સુરક્ષા વાર્તા માટે રશિયા, ઈરાન અને પાંચ મધ્ય એશિયાઈ દેશોના ઉચ્ચ સુરક્ષા અધિકારીઓનું હોસ્ટિંગ કરશે, જે અફઘાન સંકટ પછી આતંકવાદ, કટ્ટરપંથ અને કેફી પદાર્થોના વધતા જોખમનો સામનો કરવામાં વ્યવહારિક સહયોગ માટે અભિગમો શોધશે. વિદેશ મંત્રાલયે કહ્યું હતું કે, વાર્તામાં ઈરાન, કઝાકિસ્તાન, કિર્ગિઝ ગણરાજ્ય, રશિયા, તઝાકિસ્તાન, તુર્કમેનિસ્તાન અને ઉઝ્બેકિસ્કાનની વિસ્તૃત ભાગીદારી જોવા મળશે તથા દેશનું પ્રતિનિધિત્વ તેમના સંબંધિત રાષ્ટ્રીય સુરક્ષા સલાહકાર કે સુરક્ષા પરિષદોના સચિવો દ્વારા કરાશે.

• ભારતમાં બુધવારે અફઘાનિસ્તાન પર સુરક્ષા વાર્તા માટે હોસ્ટિંગ કરશે
• ભારત રશિયા, ઈરાન અને 5 મધ્ય એશિયાઈ દેશોના ઉચ્ચ સુરક્ષા અધિકારીઓનું હોસ્ટિંગ કરશે
• વાર્તામાં ઈરાન, કઝાકિસ્તાન, કિર્ગિઝ ગણરાજ્ય, રશિયા, તઝાકિસ્તાન, તુર્કમેનિસ્તાન અને ઉઝ્બેકિસ્કાનની વિસ્તૃત ભાગીદારી જોવા મળશેઃ વિદેશ મંત્રાલય

નવી દિલ્હીઃ ભારત બુધવારે અફઘાનિસ્તાન પર સુરક્ષા વાર્તા (Security story on Afghanistan) માટે રશિયા, ઈરાન અને પાંચ મધ્ય એશિયાઈ દેશોના ઉચ્ચ સુરક્ષા અધિકારીઓનું (High security officials) હોસ્ટિંગ કરશે, જે અફઘાન સંકટ પછી આતંકવાદ, કટ્ટરપંથ અને કેફી પદાર્થોના વધતા જોખમનો સામનો કરવામાં વ્યવહારિક સહયોગ માટે અભિગમો શોધશે. સૂત્રોના મતે, ચીનને અફઘાનિસ્તાન પર દિલ્હી ક્ષેત્રીય સુરક્ષા વાર્તા (Delhi Regional Security Story) માટે આમંત્રિત કરવામાં આવ્યું હતું, પરંતુ તેણે ભારતને પહેલાથી જ જણાવ્યું હતું કે, તે કાર્યક્રમના સમયથી સંબંધિત કેટલાક મુદ્દાના કારણે બેઠકમાં સામેલ નહીં થઈ શકે. પાકિસ્તાને પણ બેઠકમાં સામેલ ન થવાનો નિર્ણય કર્યો છે. રાષ્ટ્રીય સુરક્ષા સલાહકાર અજિત ડોભાલની અધ્યક્ષતામાં યોજાનારા સંવાદમાં કઝાકિસ્તાન, કિર્ગિસ્તાન, તઝાકિસ્તાન, તુર્કમેનિસ્તાન અને ઉઝ્બેકિસ્તાનના ઉચ્ચ સુરક્ષા અધિકારી પણ સામેલ થશે.

આ પણ વાંચો-પાકિસ્તાને પાકિસ્તાની તાલિબાન સાથે એક મહિનાના યુદ્ધવિરામની જાહેરાત કરી

અમેરિકી બળોએ અફઘાનિસ્તાનમાં છોડેલા સૈન્ય સાધનો અને હથિયારોથી ઉત્પન્ન ખતરા પર પણ વિચારવિમર્શની આશા

સૂત્રોના મતે, બેઠકમાં સામેલ થઈ રહેલા 8 દેશ વચ્ચે અફઘાનિસ્તાન પર તાલિબાનના (Taliban) કબજા પછીની સુરક્ષા જટિલતાઓ પર ચર્ચા થશે અને વાતચીત મુખ્યરૂપે પડકારોનો સામનો કરવા માટે વ્યવહારિક ચીજો પર સહયોગ કરવા પર કેન્દ્રિત રહેશે. તેમણે કહ્યું હતું કે, અફઘાનિસ્તાનથી લોકોની સીમા પારથી અવરજવરની સાથે સાથે ત્યાં અમેરિકી બળો દ્વારા છોડવામાં આવેલા સૈન્ય સાધનો અને હથિયારોથી ઉત્પન્ન ખતરા પર પણ સુરક્ષા અધિકારીઓ વિચારવિમર્શ કરે તેવી આશા છે.

અફઘાનિસ્તાનમાં હાલની સ્થિતિથી ઉત્પન્ન સુરક્ષા સ્થિતિની સમીક્ષા કરાશે

વિદેશ મંત્રાલયે (Ministry of External Affairs) જણાવ્યું હતું કે, વાર્તામાં ઈરાન, કઝાકિસ્તાન, કિર્ગિસ ગણરાજ્ય, રશિયા, તઝાકિસ્તાન, તુર્કમેનિસ્તાન અને ઉઝ્બેકિસ્તાનની વિસ્તૃત ભાગીદારી જોવા મળશે તથા દેશોના પ્રતિનિધિત્વ તેમના સંબંધિત રાષ્ટ્રીય સુરક્ષા સલાહકાર કે સુરક્ષા પરિષદોના સચિવો દ્વારા કરાશે. તેમણે એક નિવેદનમાં જણાવ્યું હતું કે, ઉચ્ચસ્તરીય વાર્તામાં ક્ષેત્રમાં અફઘાનિસ્તાનમાં હાલની સ્થિતિથી ઉત્પન્ન સુરક્ષા સ્થિતિની સમીક્ષા કરાશે. આમાં પ્રાસંગિક સુરક્ષા પડકારોનો સામનો કરવા માટેના ઉપાયો પર વિચાર કરાશે અને શાંતિ, સુરક્ષા તથા સ્થિરતાને પ્રોત્સાહન આપવામાં અફઘાનિસ્તાનના લોકોનું સમર્થન કરાશે.

અફઘાનિસ્તાનના લોકોની સાથે ભારતના ઘનિષ્ઠ સંબંધ રહ્યા છે

વિદેશ મંત્રાલયે (Ministry of External Affairs) વધુમાં ઉમેર્યું હતું કે, ભારતમાં પરંપરાગત રીતે અફઘાનિસ્તાનના લોકોની સાથે ઘનિષ્ઠ અને મૈત્રીપૂર્ણ સંબંધ રહ્યા છે અને નવી દિલ્હીએ અફઘાનિસ્તાન સામે ઉત્પન્ન સુરક્ષા અને માનવીય પડકારોનું સમાધાન કરવા માટે સંકલિત આંતરરાષ્ટ્રીય પ્રતિભાવનું આહ્વાન કર્યું છે. આ બેઠક તે દિશામાં એક પગલું છે. સૂત્રોના મતે, વાર્તામાં સામેલ થઈ રહેલા દેશમાંથી કોઈએ પણ તાલિબાનને માન્યતા નથી આપી અને અફઘાનિસ્તાનની સ્થિતિ પર તે તમામ લોકોની ચિંતા એક જેવી છે.

સંમેલનમાં ચીન સામેલ નહીં થાય

તેમણે વધુમાં કહ્યું હતું કે, અફઘાનિસ્તાન પર પાકિસ્તાનની કાર્યવાહીઓ અને ઈરાદાઓ વચ્ચે વિશ્વસનીયતા સંબંધિત અંતર છે. વાર્તામાં ચીનની ગેરહાજરી અંગે સૂત્રોએ કહ્યું હતું કે, જો બેઈજિંગ કાર્યક્રમના સમયે સંબંધિત કેટલીક જટિલતાઓના કારણે સંમેલનમાં સામેલ નથી થઈ રહ્યું, પરંતુ તેણે અફઘાનિસ્તાનના મુદ્દા પર દ્વિપક્ષીય અને બહુપક્ષીય માધ્યમોથી ભારતની સાથે સંપર્કમાં રહેવાની વાત કહી છે. તેમણે કહ્યું હતું કે, જો ચીન આમાં સામેલ થશે તો અમને આનંદ થાત, પરંતુ જો CPCની કેન્દ્રિય સમિતિની બેઠક તેમના સામેલ ન થવાનું એક કારણ હોઈ શકે છે.

પાકિસ્તાને વર્ષ 2018-19માં પણ સંવાદની અગાઉની આવૃત્તિઓમાં ભાગ નહતો લીધો

તો પાકિસ્તાનના રાષ્ટ્રીય સુરક્ષા સલાહકારોના સંવાદની (Dialogue of Pakistan's National Security Advisors) અગાઉની આવૃત્તિઓમાં વર્ષ 2018 અને 2019માં પણ આમાં ભારતની ભાગીદારીના કારણે સામેલ થવાથી ઈનકાર કરી દીધો હતો. સૂત્રોના મતે, ઈરાનનું પ્રતિનિધિત્વ ત્યાંની સર્વોચ્ચ રાષ્ટ્રીય સુરક્ષા પરિષદના સચિવ રિયર એડમિરલ અલી શામખાની કરશે, જ્યારે રશિયાનું પ્રતિનિધિત્વ ત્યાંની સુરક્ષા પરિષદના સચિવ નિકોલાઈ પી. કરશે. તેમણે કહ્યું હતું કે, કઝાકિસ્તાનની રાષ્ટ્રીય સુરક્ષા સમિતિના અધ્યક્ષ કરીમ માસીમોવ પોતાના દેશનું પ્રતિનિધિત્વ કરશે. જ્યારે કિર્ગિસ્તાન પોતાની સુરક્ષા પરિષદના સચિવ મરાત મુકાનોવિચ ઈમાંકુલોવને મોકલી રહ્યું છે.

આ પણ વાંચો-રાફેલ ડીલને લઇને ફ્રેન્ચ મેગેઝિન મીડિયાપાર્ટે કર્યો વધુ એક ચોંકાવનારો ખુલાસો

સુરક્ષા અધિકારીઓ સંયુક્ત રીતે વડાપ્રધાન નરેન્દ્ર મોદી (PM Narendra Modi) સાથે મુલાકાત કરશે

તઝાકિસ્તાનની સુરક્ષા પરિષદના સચિવ નસરુલ્લો રહમતઝોન મહમૂદઝોદા (Nasrallah Rahmatzan Mahmoudzoda, Secretary of the Security Council of Tajikistan) અને તુર્કમેનિસ્તાનના સુરક્ષા મામલાના મંત્રીમંડળ ઉપાધ્યક્ષ ચાર્મીરત કાકલયેવવિચ અમાવોવ (Turkmenistan's Deputy Minister of Security Affairs Charmirat Kakalyevich Amavov) પોતપોતાના દેશનું પ્રતિનિધિત્વ કરશે. સુરક્ષા અધિકારીઓ સંયુક્ત રીતે વડાપ્રધાન નરેન્દ્ર મોદી (PM Narendra Modi) સાથે મુલાકાત કરવાનો પણ કાર્યક્રમ છે. ડોભાલ પોતાના અતિથિ સમકક્ષોની સાથે દ્વિપક્ષીય બેઠક કરશે.