દેશમાં કોરોનાની વેક્સિન સ્પૂતનિક વી 995 રૂપિયામાં મળશે

દેશમાં કોરોનાના કેસ વધી રહ્યા છે તો બીજી તરફ એક પછી એક નવી નવી કોરોનાની વેક્સિન બજારમાં આવતી જાય છે, જેના કારણે લોકોમાં રાહત જોવા મળી રહી છે. તેવામાં રશિયાની કોરોનાની વેક્સિન સ્પૂતનિક વી વેક્સિન ભારત પહોંચી ગઈ છે. ભારતમાં ડોક્ટર રેડ્ડીઝ લેબોરેટરીઝ આ વેક્સિનનું ઉત્પાદન કરી રહી છે. આ અંગે ડોક્ટર રેડ્ડીઝ લેબોરેટરીઝે કહ્યું હતું કે, રશિયામાંથી આવેલી કોરોનાની વેક્સિન સ્પૂતનિક વી ભારતમાં 995.40 રૂપિયામાં મળશે.

• દેશમાં કોરોના સામે લડવા વધુ એક વેક્સિનનો વધારો
• દેશમાં રશિયાની સ્પૂતનિક વી વેક્સિનનું ઉત્પાદન થશે
• ડોક્ટર રેડ્ડીઝ લેબોરેટરીઝ સ્પૂતનિક વીનું ઉત્પાદન કરી રહી છે
• ભારતમાં સ્પૂતનિક વી વેક્સિનની કિંમત રૂ. 995 હશે

હૈદરાબાદઃ દેશમાં રશિયાની કોરોનાની વેક્સિન સ્પૂતનિક વીનું ઉત્પાદન ડોક્ટર રેડ્ડીઝ લેબોરેટરીઝ કરી રહી છે. ત્યારે દેશમાં હવે આ સ્પૂતનિક વી વેક્સિન 948 + 5 ટકા GST સાથે 995.40 રૂપિયામાં વેક્સિન ઉપલબ્ધ થશે. આ અંગે કંપનીએ જણાવ્યું હતું કે, ડોક્ટર રેડ્ડીઝ લેબોરેટરીઝમાં કસ્ટમ ફાર્મા સર્વિસીઝના ગ્લોબલ હેડ દિપક સપરાને હૈદરાબાદમાં વેક્સિનનો પહેલો ડોઝ આપવામાં આવ્યો છે.

આ પણ વાંચોઃભારતે 'સ્પૂતનિક વી' રસીને ઇમર્જન્સી ઉપયોગની મંજૂરી આપી

પૂરવઠો પધતા વેક્સિનની કિંમત ઘટે તેવી શક્યતા

ડોક્ટર રેડ્ડીઝ લેબોરેટરીઝે આ અંગે જણાવ્યું હતું કે, એક BSE ફાઈલિંગમાં કહેવામાં આવ્યું હતું કે, વેક્સિનની હાલમાં 995 રૂપિયા કિંમત નક્કી કરવામાં આવી છે. આ સાથે જ સ્થાનિક પૂરવઠો શરૂ થવા પર કિંમત ઓછી હોવાની સંભાવના છે.

આ પણ વાંચોઃભારત બાયોટેકે 1 મેથી કોવેક્સિનનો સીધો સપ્લાય શરૂ કરી દીધો

જૂન સુધીમાં વેક્સિનના 5 મિલિયન ડોઝ મળવાની આશા

ઉલ્લેખનીય છે કે, સ્પૂતનિક વી વેક્સિનને ભારતમાં મંજૂરી મળી ચૂકી છે. આવતા મહિનામાં આ વેક્સિનનો અન્ય જથ્થો આવે તેવી આશા છે. આ અંગે મળતી માહિતી અનુસાર, ભારતને જૂન સુધી વેક્સિનના 5 મિલિયન ડોઝ મળવાની આશા છે. મીડિયા રિપોર્ટ્સ અનુસાર, વેક્સિનની લગભગ 1,50,000થી 2,00,000નો પૂરવઠો શરૂઆતમાં અને મેના અંત સુધીમાં 30 લાખથી વધારે પૂરવઠો મોકલવામાં આવશે.