- વીડિયો કોન્ફરન્સથી 28મેએ GST બેઠકનું આયોજન
- બેઠકમાં નાણા રાજ્યપ્રધાન અનુરાગસિંહ ઠાકુર પણ જોડાશે
- તમામ રાજ્યોના નાણાપ્રધાન બેઠકમાં ઉપસ્થિત રહેશે
નવી દિલ્હીઃ દેશના નાણાંપ્રધાન નિર્મલા સીતારમણ 28મેએ વીડિયો કોન્ફરન્સના માધ્યમથી 28મેએ GST બેઠકને સંબોધશે. તેમના કાર્યાલયે ટ્વિટર પર આ અંગેની માહિતી આપી હતી. આ બેઠકમાં તેમની સાથે નાણા રાજ્યપ્રધાન અનુરાગસિંહ ઠાકુર પણ હશે.
આ પણ વાંચોઃભારતીય અર્થવ્યવસ્થા ઝડપથી પાટા પર આવી રહી છેઃ કેન્દ્રીય નાણા રાજ્યપ્રધાન અનુરાગ ઠાકુર
28મેએ સવારે 11 વાગ્યે ઓનલાઈન બેઠક યોજાશે
આ અંગે મળતી માહિતી અનુસાર, નાણાંપ્રધાન નિર્મલા સીતારમણ 28 મેએ સવારે 11 વાગ્યે 43મી GST પરિષદની બેઠક યોજશે. આ બેઠકમાં તેમની સાથે નાણાં રાજ્યપ્રધાન સહિત અન્ય રાજ્યો અને કેન્દ્રશાસિત પ્રદેશોના નાણાપ્રધાન તેમ જ વરિષ્ઠ સરકારી અધિકારી ઉપસ્થિત રહેશે.
આ પણ વાંચોઃબારડોલી પ્રદેશ ચેમ્બર ઓફ કોમર્સ એન્ડ ઈન્ડસ્ટ્રીઝ દ્વારા GST પત્રકો ભરવાની મુદત લંબાવવા માગ કરાઈ
પશ્ચિમ બંગાળના નાણાપ્રધાને GST બેઠક બોલાવવા આગ્રહ કર્યો હતો
ઉલ્લેખનીય છે કે, આ પહેલા પશ્ચિમ બંગાળના નાણાપ્રધાન અમિત મિત્રાએ બુધવારે કેન્દ્રિય નાણાંપ્રધાન નિર્મલા સીતારમણ સાથે રાજ્યોમાં અછતના સંદર્ભમાં ઉલ્લેખનીય અછત અંગે ચર્ચા માટે GST પરિષદની ઓનલાઈન બેઠક બોલાવવા આગ્રહ કર્યો હતો.
