સોપોર હુમલામાં લશ્કરના આતંકી શામેલ હોવાના સંકેત: પોલીસ

પોલીસે જણાવ્યું હતું કે, પ્રાથમિક તપાસથી સંકેત મળ્યા છે કે એક સ્થાનિક આતંકી મુદાસિર પંડિત તેમજ આતંકવાદી સંગઠનો લશ્કર અને વિદેશી આતંકવાદીઓ પણ આ હુમલામાં શામેલ છે.

• સોપોર હુમલામાં લશ્કરના આતંકી શામેલ હોવાના સંકેત
• પ્રાથમિક તપાસમાં આતંકી મુદાસિર પંડિત તેમજ આતંકવાદી સંગઠનો શામેલ
• ગોળીબારી દરમિયાન ચાલી રહી હતી પરિષદ

શ્રીનગર: જમ્મુ-કાશ્મીરના બારામુલા જિલ્લાના સોપોરમાં આતંકવાદીઓએ બ્લોક ડેવલપમેન્ટ કાઉન્સિલ (BDC)ના સભ્ય અને તેના અંગત સુરક્ષા કર્મચારીઓને ઠાર કર્યા છે. પોલીસે આ માહિતી આપી હતી.

સોપોર હુમલામાં લશ્કરના આતંકી શામેલ હોવાના સંકેત

આ સાથે જ પોલીસે સોપોરમાં થયેલા આતંકી હુમલા અંગે પણ ખુલાસો કર્યો છે. પોલીસે જણાવ્યું હતું કે, પ્રાથમિક તપાસમાં સ્થાનિક આતંકી મુદાસિર પંડિત તેમજ આતંકવાદી સંગઠનો લશ્કર અને વિદેશી આતંકવાદીઓ પણ આ હુમલામાં શામેલ હોવાના સંકેત આપ્યા હતા. ઉલ્લેખનીય છે કે, સોમવારે બપોરે લગભગ 1.15 વાગ્યે અજાણ્યા બંદૂકધારીઓે સોપોર પાલિકા પરિસરમાં પ્રવેશ્યા હતા અને સ્વતંત્ર BDCના સભ્ય રિયાઝ અહેમદ અને તેના સુરક્ષાકર્મી શફકત અહમદને ગોળી મારી દીધી હતી.

આ પણ વાંચો: સોપોર હુમલામાં આગળ તપાસ ન કરવા માટે 4 પોલીસકર્મીને સસ્પેન્ડ કર્યા

પ્રાથમિક તપાસમાં આતંકી મુદાસિર પંડિત તેમજ આતંકવાદી સંગઠનો શામેલ

પોલીસે કહ્યું હતું કે, રિયાઝ અને શફ્કતનું ઘટનાસ્થળે જ મૃત્યું થયું હતુ. ઘટના સમયે પરિષદની બેઠક ચાલી રહી હતી. અધિકારીઓએ જણાવ્યું કે, આતંકી હુમલામાં એક અન્ય સદસ્ય શમશુદ્દીન પીર પણ ઈજાગ્રસ્ત થયા છે. પીરના પગમાં ગોળી લાગી હતી અને તેઓને ઈલાજ માટે હોસ્પિટલ ખસેડવામાં આવ્યા હતા.

ગોળીબારી દરમિયાન ચાલી રહી હતી પરિષદ

ભાજપના રાજ્ય એકમના અધ્યક્ષ રવિન્દ્ર રૈનાએ કહ્યું કે, કાશ્મીરમાં ઘણાં રક્તપાત થઈ ચૂક્યા અને જ્યારે રાજ્ય પ્રગતિ માટે પ્રયાસ કરી રહ્યું છે, ત્યારે આતંકવાદી સંગઠનો અને તેમના અધિકારીઓ આશ્ચર્યચકિત થઈ ગયા છે.

આ પણ વાંચો: બારામુલા જિલ્લાના સોપોર ક્ષેત્રમાં આંતકવાદી હુમલો

હુમલાખોરોનું સર્ચ ઓપરેશન શરૂ

ઉલ્લેખનીય છે કે રિયાઝ અને શફકત અહમદનું ઘટના સ્થળે જ મોત થઈ ગયું હતું, જ્યારે અન્ય એક વ્યક્તિ ઈજાગ્રસ્ત થયો હતો. પોલીસે ક્ષેત્રની નાકાબંધી કરીને હુમલાખોરોને પકડવાનું અભિયાન શરૂ કર્યું છે.