Tejashwi Yadav Defamation case: બિહારના ડેપ્યુટી CM તેજસ્વી યાદવ સામે અમદાવાદ કોર્ટમાં સુનવણી, જાણો શું છે મામલો

બિહારના ડેપ્યુટી સીએમ તેજસ્વી યાદવ સામેના માનહાનિ કેસની આજે અમદાવાદ કોર્ટમાં ફરી સુનાવણી થશે. 20 મેના રોજ હાથ ધરાયેલી સુનાવણીમાં અરજદાર દ્વારા રજૂ કરાયેલા પુરાવાઓ તપાસ્યા હતાં. આજે નક્કી કરવામાં આવશે કે તેજસ્વીને સમન્સ મોકલવામાં આવશે કે નહીં.

અમદાવાદ: બિહારના નાયબ મુખ્યપ્રધાન તેજસ્વી યાદવના માનહાનિના કેસમાં આજે સુનવણી હાથ ધરવામાં આવશે. અમદાવાદના એડિશનલ મેટ્રોપોલિટન મેજિસ્ટ્રેટ ડી.જે. પરમારની કોર્ટમાં ત્રીજી વખત સુનવણી થશે. ગુજરાતના સામાજિક કાર્યકર અને ઉદ્યોગપતિ હરેશ મહેતાની અરજી પર ભારતીય દંડ સંહિતાની કલમ 499 અને 500 હેઠળ આ સુનવણી થવાની છે.અરજદારે કોર્ટમાં રજૂ કરેલા પુરાવા પર આજે સુનાવણી થવાની છે. જે બાદ તે નક્કી કરવામાં આવશે કે તેજસ્વી યાદવને સમન્સ મોકલવામાં આવે કે નહીં. મહેતાના વકીલ પી.આર.પટેલે કોર્ટમાં પુરાવા તરીકે સીડી (CD) અને પેન ડ્રાઈવ રજૂ કરી છે. જેમાં તેજસ્વી યાદવની કથિત નિવેદનના રેકોર્ડ છે.

શું છે બદનક્ષીનો મામલોઃ ઈન્ટરપોલની 'રેડ નોટિસ'માંથી હીરાના વેપારી મેહુલ ચોક્સીનું નામ હટાવ્યા બાદ તેજસ્વી યાદવે ગુજરાતીઓને ઠગ કહ્યા હતા. તેમણે પટનામાં કહ્યું હતું કે, વર્તમાન પરિસ્થિતિમાં ગુંડાઓ માત્ર ગુજરાતીઓ છે. તેમને પણ માફ કરવામાં આવ્યા છે.આ નિવેદન બાદ અમદાવાદના બિઝનેસમેન હરેશ મહેતાએ એડિશનલ મેટ્રોપોલિટન મેજિસ્ટ્રેટ ડી.જે. પરમારની કોર્ટમાં તેજસ્વી યાદવ વિરુદ્ધ ફરિયાદ દાખલ કરી હતી. 21 માર્ચે તેજસ્વી યાદવ વિરુદ્ધ IPC કલમ 499 અને 500 હેઠળ કેસ નોંધવામાં આવ્યો હતો. જો કે, તેજસ્વીએ તેની સ્પષ્ટતામાં કહ્યું હતું કે તેણે તમામ ગુજરાતીઓને ઠગ નથી કહ્યા.

રાહુલ ગાંધી બદનક્ષી મામલોઃ તેજસ્વી યાદવ પહેલા કોંગ્રેસ નેતા રાહુલ ગાંધીને પણ માનહાનિના કેસમાં સુરતની કોર્ટે 2 વર્ષની સજા ફટકારી છે. આ સજા બાદ રાહુલ ગાંધીએ લોકસભાની સદસ્યતા ગુમાવી દીધી છે. હકીકતમાં, તેમણે કર્ણાટકમાં એક ચૂંટણી સભામાં કહ્યું હતું કે 'બધા મોદી અટકના લોકો ચોર છે'. રાહુલ ગાંધીની સજા બાદ હવે લોકોની નજર તેજસ્વી યાદવ પર ટકેલી છે.

રાજનીતિક હલચલ:આ કેસ એવા સમયે ચાલી રહ્યો છે જ્યારે તમામ પાર્ટીઓ 2024ની સામાન્ય ચૂંટણીની તૈયારીમાં વ્યસ્ત છે. વિપક્ષી એકતા માટે પ્રયાસો થઈ રહ્યા છે, જેમાં તેજસ્વી યાદવની પણ મહત્વની ભૂમિકા છે. વિપક્ષી એકતા અંગે 23 જૂને પટનામાં એક મોટી બેઠક પણ યોજાવા જઈ રહી છે. આવી સ્થિતિમાં જો તેજસ્વી યાદવને સમન્સ મોકલવામાં આવે છે તો દેશના રાજકારણમાં મોટી હલચલ મચી શકે છે.