પુદુકોટ્ટઈ:તમિલનાડુના પુડુકોટ્ટાઈમાં જાહેર તળાવમાં નહાવા માટે અર્ધ નગ્ન મહિલાઓને માર (WOMEN PULLED OUT OF A PUBLIC POND IN A HALF NAKED) મારવામાં આવી અને પછી ત્યાંથી ભગાડવાનો ચોંકાવનારો કિસ્સો (TAMILNADU BRUTAL INHUMAN TREATMENT OF WOMEN) પ્રકાશમાં આવ્યો છે. પુડુકોટ્ટાઈ જિલ્લાના અરથાંગી નજીકના કુથનગુડી ગામની અનુસૂચિત સમુદાયની મહિલાઓએ જિલ્લા મેજિસ્ટ્રેટ અને જિલ્લા પોલીસ અધિક્ષકને જાતિય દુર્વ્યવહારની ફરિયાદ નોંધાવી હતી.
મહિલાઓને જાનથી મારી નાખવાની ધમકી: ફરિયાદમાં જણાવાયું છે કે નવા વર્ષના દિવસે ગામની 3 મહિલાઓ પેરુનગાડુ પંચાયત હેઠળ આવતા વૈરાંડી તળાવમાં સ્નાન કરી રહી હતી. દરમિયાન ત્યાં આવેલા અયપ્પન અને મુથુરામ નામના વ્યક્તિઓએ મહિલાઓનો પીછો કર્યો હતો. ફરિયાદમાં એવો પણ આક્ષેપ કરવામાં આવ્યો છે કે બંનેએ કહ્યું હતું કે નીચલી જાતિના લોકોને જાહેર તળાવમાં ન્હાવાની મંજૂરી નથી. લાકડીઓ વડે પીછો કરીને મહિલાઓને જાનથી મારી નાખવાની ધમકી આપવામાં આવી હતી.
મહિલાઓ પર પથ્થરમારો: જિલ્લા મેજિસ્ટ્રેટને ફરિયાદ નોંધાવ્યા બાદ ETV ભારત સાથે વાત કરતા મહિલાઓએ જણાવ્યું કે તેઓ જ્યારે સ્નાન કરી રહી હતી ત્યારે તેમના પર પથ્થરમારો કરવામાં આવ્યો હતો. મહિલાઓએ જણાવ્યું હતું કે આરોપીઓએ તેમના કપડા કાંટાળી ઝાડીઓ પર ફેંકી દીધા હતા અને તેમને માર મારવામાં આવ્યા હતા અને અર્ધ નગ્ન અવસ્થામાં લઈ ગયા હતા.
આ પણ વાંચો:ઝારખંડમાં મહિલા પર બળાત્કાર કરવાનો પ્રયાસ નિષ્ફળ જતાં સળગાવી
પોલીસે ફરિયાદ લેવાની ના પાડી:આ સંદર્ભે મીડિયા સાથે વાત કરતા તમિલનાડુ અસ્પૃશ્યતા નિવારણ મોરચા સંગઠનના પ્રશાસક જીવનનંદમે કહ્યું કે જાતિ આધારિત ઉત્પીડનને કારણે મહિલાઓને તેમના ઘરે માત્ર અંદરના કપડામાં જ જવું પડતું હતું. જીવનનંદમે એ પણ ઉલ્લેખ કર્યો કે જ્યારે તેણે ફરિયાદ કરવાનો પ્રયાસ કર્યો ત્યારે તેણે મહિલાઓ સાથે દુર્વ્યવહાર પણ કર્યો. એક પીડિતાના પતિએ જણાવ્યું કે 1 જાન્યુઆરીએ થયેલી નિર્દયતા બાદ તેની પત્ની રડતી રડતી ઘરે આવી અને તેણે હકીકત જણાવી. બીજા દિવસે પરિવારજનોની મદદથી પોલીસમાં ફરિયાદ નોંધાવી હતી. તેણે કહ્યું કે જ્યારે તે અરથાંગી પોલીસ સ્ટેશન ગયો, ત્યારે તેઓએ તેની ફરિયાદ લેવાનો ઇનકાર કર્યો અને પછી તે નાગુડી પોલીસ સ્ટેશન ગયો, જ્યાં તેની ફરિયાદ નોંધવામાં આવી. પોલીસે નાગુડી પોલીસ સ્ટેશનમાં નોંધાવેલી ફરિયાદના આધારે અયપ્પન અને મુથુરામન વિરુદ્ધ અત્યાચાર નિવારણ અધિનિયમ હેઠળ કેસ નોંધ્યો છે. અયપ્પન અને મુથુરમન હાલ ફરાર છે અને પોલીસ તેમની શોધમાં છે.
આ પણ વાંચો:સામાજિક કાર્યકર પર બળાત્કાર, મકાન બતાવવાના બહાને આચર્યું દુષ્કર્મ
આરોપીઓ ફરાર:નાગુડી પોલીસ ફરાર અયપ્પન અને મુથુરમનને શોધી રહી છે. જિલ્લા વહીવટીતંત્રના જણાવ્યા અનુસાર અરજીઓ પર યોગ્ય કાર્યવાહી કરવામાં આવશે. થોડા દિવસો પહેલા પુડુકોટ્ટાઈ જિલ્લામાં પાણીની ટાંકીમાં માનવ મળમૂત્ર ભેળવવાની ઘટનાએ હોબાળો મચાવ્યો હતો. આ પછી, જિલ્લા મેજિસ્ટ્રેટે વિસ્તારમાં તપાસ હાથ ધરીને ડબલ કપ સિસ્ટમનો અંત લાવી કાર્યવાહી કરી હતી. અનુસૂચિત જાતિના લોકોને મંદિરની અંદર પ્રવેશ આપવામાં આવતો નથી તે જાણીને લોકો વહીવટીતંત્રની મદદથી મંદિરમાં પ્રવેશ્યા હતા. આવી સ્થિતિમાં જાતિ હિંસાની વધુ એક ઘટનાએ દેશને હચમચાવી નાખ્યો છે.
