પાલી(રાજસ્થાન):બાંદ્રાથી જોધપુર જઈ રહેલી સૂર્યનગરી એક્સપ્રેસ સોમવારે સવારે પાલી સ્ટેશન પહોંચતા (Suryanagari Express derailed )પહેલા પાટા પરથી ઉતરી ગઈ હતી. આ ટ્રેનના 9 ડબ્બા પલટી ગયા અને 3 ડબ્બા પાટા પરથી ઉતરી ગયા. આ અકસ્માતમાં બે ડઝનથી વધુ મુસાફરો ઘાયલ થયા હોવાના અહેવાલ છે. રેલ્વે પોલીસ અને વહીવટી અધિકારીઓ ઘટનાની જાણ થતાં જ ઘટનાસ્થળે પહોંચી ગયા હતા. અકસ્માત બાદ ઘટનાસ્થળે નાસભાગ મચી ગઈ હતી.
રાહત ટ્રેન:નોર્થ વેસ્ટર્ન રેલવેના સીપીઆર અનુસાર, દુર્ઘટનાની જાણકારી મળતા જ જોધપુરથી એક રાહત ટ્રેનને ઘટનાસ્થળે મોકલવામાં આવી છે. મળતી માહિતી મુજબ, રાજસ્થાનમાં જોધપુર ડિવિઝનના રાજકીવાસ-બોમાદરા રેલવે સેક્શનની મધ્યમાં આજે સવારે 03.27 વાગ્યે બાંદ્રા ટર્મિનસ-જોધપુર સૂર્યનગરી એક્સપ્રેસ નંબર 12480ના 12 ડબ્બા પાટા પરથી ઉતરી ગયા હતા.
આ પણ વાંચો:ટાર્ગેટ કિલિંગઃ કાશ્મીરમાં આતંકવાદી હુમલો, 4 ગ્રામીણોનાં મોત
પરિસ્થિતિ પર નજર:ઘટનાની માહિતી મળતાં જ રેલવે દ્વારા જોધપુરથી એક અકસ્માત રાહત ટ્રેન રવાના કરવામાં આવી છે અને ઉચ્ચ અધિકારીઓ સ્થળ પર પહોંચી રહ્યા છે. વિજય શર્મા, જનરલ મેનેજર-ઉત્તર પશ્ચિમ રેલવે અને અન્ય ઉચ્ચ અધિકારીઓ હેડક્વાર્ટર, જયપુર ખાતેના કંટ્રોલ રૂમમાં પરિસ્થિતિ પર નજર રાખી રહ્યા છે. આ ઘટનામાં 20થી વધુ મુસાફરો ઘાયલ થયા હોવાનું કહેવાય છે. તે જ સમયે, કોઈ ગંભીર રીતે ઘાયલ થયાની કોઈ માહિતી નથી.
મુસાફરોને ઈજા:ઉત્તર પશ્ચિમ રેલવેના સીપીઆરઓએ જણાવ્યું કે આ દુર્ઘટનામાં કોઈ જાનહાનિ થઈ નથી. તેણે જણાવ્યું કે કેટલાક મુસાફરોને ઈજા થઈ છે. હાલ જોધપુરથી રાહત ટ્રેનને ઘટનાસ્થળે રવાના કરવામાં આવી છે. આ ટ્રેન આવ્યા બાદ વાસ્તવિક સ્થિતિ સામે આવશે. તેમણે જણાવ્યું કે ઉચ્ચ અધિકારીઓ ઘટનાસ્થળે પહોંચી ગયા છે. ડીએઆરએમ-એડીઆરએમ રાહત વાહન સાથે વિભાગીય અધિકારીઓ ઘટના સ્થળે પહોંચી ગયા છે. કંટ્રોલરૂમથી તેના પર નજર રાખવામાં આવી રહી છે.
હેલ્પલાઈન નંબર જારી- રેલ્વેએ હેલ્પલાઈન નંબર જારી કર્યો છે. જોધપુર(helpline numbers for passengers and family ) હેલ્પલાઇન નંબરો- 02912654979, 02912654993, 02912624125, 02912431646. પાલી- 02932250324. આ સિવાય તમે 138 અને 102 પર પણ ઘટના વિશે માહિતી મેળવી શકો છો.
