ભારતની વધુ એક સિદ્ધિ, સ્વદેશી લાંબી રેન્જ બોમ્બનું કર્યું સફળ પરીક્ષણ

ભારતે સ્વદેશી(Indigenous) લોંગ રેન્જ બોમ્બ(Range bombs)નું સફળ પરીક્ષણ કર્યું છે. લાંબા અંતરના બોમ્બનું સંરક્ષણ સંશોધન અને વિકાસ સંગઠન (DRDO) અને ભારતીય વાયુસેનાની ટીમ દ્વારા સંયુક્ત રીતે પરીક્ષણ કરવામાં આવ્યું છે.

• ભારતે સ્વદેશી લોંગ રેન્જ બોમ્બનું સફળતાપૂર્વક પરીક્ષણ કર્યું
• મિસાઈલ 5,000 કિમી સુધીના લક્ષ્યોને મારી શકે છે
• મિસાઈલ પરમાણુ હથિયાર લઈ જવા માટે સક્ષમ

દિલ્હી: ભારતે સ્વદેશી લોંગ રેન્જ બોમ્બ(Range bombs)નું સફળ પરીક્ષણ કર્યું છે. લાંબા અંતરના બોમ્બનું સંરક્ષણ સંશોધન અને વિકાસ સંગઠન (DRDO) અને ભારતીય વાયુસેનાની ટીમ દ્વારા સંયુક્ત રીતે પરીક્ષણ કરવામાં આવ્યું છે.

બોમ્બનું નિશાન અચૂક છે

ડીઆરડીઓએ જણાવ્યું હતું કે, ભારતીય વાયુસેનાના ફાઇટર એરક્રાફ્ટમાંથી છોડવામાં આવ્યા બાદ લાંબા અંતરના વોરહેડને ચોક્કસ રેન્જમાં સચોટતા સાથે લાંબા અંતરના જમીન આધારિત લક્ષ્ય પર નિર્દેશિત કરવામાં આવ્યું હતું. આ સાથે DRDOએ કહ્યું કે આ બોમ્બનું નિશાન અચૂક છે.

ઉલ્લેખનીય છે કે, અગાઉ બુધવારે તેની સૈન્ય શક્તિમાં વધારો કરતા, ભારતે સપાટીથી સપાટી પર પ્રહાર કરતા બેલેસ્ટિક મિસાઈલ અગ્નિ-5 મિસાઈલનું સફળતાપૂર્વક પરીક્ષણ કર્યું હતું, જે અત્યંત ચોકસાઈ સાથે 5,000 કિમી સુધીના લક્ષ્યોને મારી શકે છે.

મિસાઈલ દોઢ ટન સુધી હથિયાર લઈ જઈ શકે

અગ્નિ-વી રિંગ-લેસર ગાયરોસ્કોપ આધારિત નેવિગેશનને કારણે, તે લક્ષ્યને ચોક્કસ રીતે પ્રહાર કરે છે. આ મિસાઈલ દોઢ ટન સુધી પરમાણુ હથિયાર લઈ જઈ શકે છે. તેની ઝડપ મેક 24 છે, એટલે કે અવાજની ગતિ કરતા 24 ગણા વધુ છે. અગ્નિ-વીને સરળતાથી લઈ જઈ શકાય છે. આ મિસાઈલ(Missile) પરમાણુ હથિયાર લઈ જવા માટે સક્ષમ છે.

આ પણ વાંચોઃ ખેતી પાકને રાની પશુઓથી બચાવવા પાટણના ખેડૂતે બનાવી દેશી મિસાઈલ

આ પણ વાંચોઃ યુએસ અને ઇયુએ ઉત્તર કોરિયા પર સંયુક્ત રાષ્ટ્રની મંજૂરીઓ માટે કૉલ કર્યો