મુંબઈઃકારોબારી સપ્તાહના અંતિમ દિવસે શેરબજારમાં જબરદસ્ત ઉછાળો જોવા મળ્યો હતો. ગ્રીન ઝોનમાં બજાર બંધ. BSE પર સેન્સેક્સ 1,039 પોઈન્ટના ઉછાળા સાથે 71,483 પર બંધ રહ્યો હતો.
NSE પર 1.39 ટકાના વધારા સાથે 21,477 પર બંધ રહ્યો હતો. આજના કારોબાર દરમિયાન TCS, HCL Tech, Infosys, SBIમાં તેજી સાથે વેપાર થયો. તે જ સમયે, નેસ્લે ઈન્ડિયા, એચડીએફસી લાઈફ, એસબીઆઈ લાઈફ, બજાજ ઓટોમાં ઘટાડા સાથે કારોબાર થયો છે. 15 ડિસેમ્બરના રોજ, નિફ્ટી આઇટી અને નિફ્ટી પીએસયુ બેન્કના સૂચકાંકોનું પ્રદર્શન કરતા ટોચના સેક્ટર અનુક્રમે 4 ટકા અને 2 ટકાના વધારા સાથે ઉભરી આવ્યા છે.
રોકાણકારોની મૂડી વધી:સપ્તાહના અંતિમ દિવસે શેરબજાર લીલા નિશાન પર ખુલ્યું હતું. BSE પર સેન્સેક્સ 308 પોઈન્ટના ઉછાળા સાથે 70,800 પર ખુલ્યો હતો. તે જ સમયે, NSE પર નિફ્ટી 0.46 ટકાના વધારા સાથે 21,279 પર ખુલ્યો હતો. દિવસના કારોબાર દરમિયાન સેન્સેક્સ પ્રથમ વખત 71,000 પોઈન્ટના સ્તરે પહોંચ્યો હતો. PTIના જણાવ્યા અનુસાર પ્રારંભિક ટ્રેડિંગમાં રોકાણકારોની મૂડીમાં 2 લાખ કરોડનો વધારો થયો છે.
વૈશ્વિક બજારમાં સકારાત્મક વલણ અને વિદેશી ભંડોળના સતત પ્રવાહને કારણે સ્થાનિક બજારને વેગ મળ્યો છે. BSE લિસ્ટેડ કંપનીઓનું માર્કેટ કેપિટલાઇઝેશન (MCAP) શરૂઆતના વેપારમાં 357 લાખ કરોડની વિક્રમી ટોચે પહોંચ્યું હતું.
- કેનેડા સરકારે 23 વર્ષ પછી ફી બમણી કરી, ભારતીય વિદ્યાર્થીઓને થશે અસર
- નહીં વધે EMI, RBIએ રેપો રેટ રાખ્યો સ્થિર, કહ્યું- દેશની અર્થવ્યવસ્થા મજબૂત છે
