World Music Day: સંગીતની એક જુદી જ શૈલી વિકસાવવા તરફ યુવાનો

વિશ્વમાં દર વર્ષે 21 જૂને વિશ્વ સંગીત દિવસ(world music day)ની ઉજવણી કરવામાં આવે છે. ત્યારે, ધર્મ અને આધ્યાત્મિકતાનું શહેર, કાશી, સંગીત સાથે ખૂબ જ જૂનો સંબંધ ધરાવે છે. બનારસ ઘરાનાએ ઘણા મોટા સંગીતકારો અને નર્તકોએ દેશ અને દુનિયામાં નામના મેળવી છે. હાલમાં પણ કાશીના ઘણા યુવા સંગીતકારો સંગીતની આ શૈલીને આગળ ધપાવવા મથી રહ્યા છે.

• આજે 21 જૂનના રોજ વિશ્વ સંગીત દિવસ
• મહાદેવના શહેર કાશીનો સંગીત સાથેનો લાંબો સંબંધ
• નવી પેઢી પ્રાચીન સંગીત પરંપરાને આગળ વધારવામાં વ્યસ્ત

વારાણસી(ઉત્તરપ્રદેશ):21 જૂન ઘણી રીતે ખાસ છે. આ દિવસે આંતરરાષ્ટ્રીય યોગ દિવસની સાથે, વિશ્વ સંગીત દિવસની પણ ઉજવણી કરવામાં આવે છે. ત્યારે, મહાદેવના શહેર કાશીનો સંગીત સાથેનો લાંબો સંબંધ ધરાવે છે. બનારસનું સંગીત ઘરાના એ તેના ઇતિહાસની વિશેષતા છે. બીજી બાજુ, સંગીતકારોની નવી પેઢી પણ આ ઇતિહાસને આગળ વધારવામાં અને સંગીતના ક્ષેત્રમાં એક અલગ ઓળખ આપવવા મથી રહ્યા છે. આ તકે, ETV Bharat ના માધ્યમથી કાશીના 3 યુવાનો સાથે પરિચય કરવા જઈ રહ્યા છીએ. આ યુવાનો સંગીત ક્ષેત્રે પોતાનું જીવન સમર્પિત કરવા અને વિશ્વ મંચ પર સંગીતની એક નવી ઓળખ સાથે રજૂ કરવામાં વ્યસ્ત છે.

World Music Day: સંગીતની એક જુદી જ શૈલી વિકસાવવા તરફ યુવાનો

આ પણ વાંચો:world music day: સુર અને સ્વરના સાધકો માટે આજે છે વિશ્વ સંગીત દિવસ

યુવા સંગીતકારો સંગીતની એક અલગ શૈલી વિકસાવવામાં વ્યસ્ત

ફ્રાન્સમાં 1982 માં સંગીત દિવસની ઉજવણીની શરૂઆત થઈ હતી. આ ઉજવણી પાછળનો મુખ્ય ઉદ્દેશ લોકોને સંગીતના વિવિધ પ્રકારો વિશેની માહિતી આપવા સાથે સાથે એક નવા કલાકારોને તક અને મંચ આપવાનો છે. જેથી આ ક્ષેત્રે તેઓ પોતાની ઓળખ બનાવી શકે. આ જ કારણ છે કે આ દિવસે ઘણી જગ્યાએ ખાસ કાર્યક્રમોનું આયોજન કરવામાં આવે છે. આથી, કાશીના યુવાનો પ્રાંજલ, પ્રિયાંશ અને હેમંત આ ઉદ્દેશ્યને વાસ્તવિક બનાવવાના પ્રયાસ કરી રહ્યા છે. આ યુવાનો પ્રાચીન સંગીત પરંપરા અને પશ્ચિમી સંગીતને જોડીને તેમના પોતાના ઘરે સ્ટુડિયો બનાવીને નવી શૈલી વિકસિત કરવાનો પ્રયાસ કરી રહ્યા છે.

બાળકોને આપે છે નિ:શુલ્ક સંગીત શિક્ષણ

પ્રાંજલ કહે છે કે, તેઓ ઓનલાઇન અને ઓફલાઇન લોકોને નિઃશુલ્ક સંગીત શિક્ષણ પણ આપે છે. જેથી જે લોકો સંગીત શીખવા માંગે છે તેઓ કોઈપણ સમસ્યા વિના સંગીત શીખી શકે છે. પ્રાંજલે વધુમાં કહ્યું કે, તે ફક્ત વારાણસીમાં જ નહીં પરંતુ અન્ય રાજ્યોમાં તેમજ વિદેશમાં પણ વિદ્યાર્થીઓને સંગીત શિક્ષણ આપે છે.

આ પણ વાંચો:વિશ્વ સંગીત દિવસ પર ગાયકોએ લોકડાઉન દરમિયાનના તેમના અનુભવ શેર કર્યા

સંગીતનું મહત્વ

સંગીત માત્ર માનસિક જ નહીં પરંતુ, શારીરિક પણ સકારાત્મક અસર કરે છે. આ જ કારણ છે કે મ્યુઝિક થેરેપીનો ઉપયોગ ઘણા અસાધ્ય રોગોની સારવાર માટે થાય છે. આ બાબતે સંશોધનકારો કહે છે કે, મ્યુઝિક થેરેપી ડિમેન્શિયા, ઓટીઝમ, અસ્વસ્થતા, હતાશા, સ્ટ્રોક, પાર્કિન્સન, સ્કિઝોફ્રેનિઆ, સામાજિક વર્તન, અલ્ઝાઇમર વગેરે જેવા અનેક રોગોના ઉપચારમાં મદદગાર છે.