- બીસીસીઆઈ અધ્યક્ષ સૌરવ ગાંગુલીનું સફળ ઓપરેશન
- તેમની એન્જીયોપ્લાસ્ટી સફળ રહી
- ગાંગુલીને હૃદયમાં બે છેદ છે
- સોમવારે વધુ ઓપરેશન કરવું કે કેમ તે નિર્ણય લેવાશે
કોલકાતાઃ સફળ ઓપરેશન બાદ બીસીસીઆઈના પ્રમુખ સૌરવ ગાંગુલીને 24 ઓબ્ઝર્વેશનમાં રાખવામાં આવશે. કોલકાતાની વુડલેન્ડ્સ હોસ્પિટલના ડો.આફતાબ ખાને પુષ્ટિ કરી કે તેઓ એન્જીયોપ્લાસ્ટી કરાવ્યા બાદ સંપૂર્ણ સભાન છે. તેમના હૃદયમાં બે છેદ છે જેના માટે તેમની સારવાર કરવામાં આવશે. તેઓ હવે સ્થિર હાલતમાં હોવાથી, સોમવારે અમારી બેઠક મળશે અને ત્યારબાદ અમે નિર્ણય કરીશું.હાલમાં હાર્ટ એટેક પછી આરામ તેમને થવા દેવાશે. જોકે તેઓ જોખમ મુક્ત છે અને તે વાત કરી રહ્યાં છે.
- ત્રણ નિષ્ણાત ડૉકટરની ટીમ સતત રાખે છે દેખભાળ
આપને જણાવીએ કે પોતાના ઘરમાં જીમમાં કસરત કરતી વેળાએ સૌરવ ગાંગુલીને છાતીમાં દુઃખાવાની ફરિયાદ બાદ બેહોશ થઈ ગયાં હતાં જેથી તેમને બપોરે એક વાગે કોલકાતાની વૂડલેન્ડ હોસ્પિટલમાં દાખલ કરવામાં આવ્યાં હતાં. ડૉ. સરોજ મંડળની અધ્યક્ષતામાં ત્રણ સભ્યોની ટીમ સતત તેમની દેખભાળ કરી રહી છે. જ્યારે તેમને બપોરે 1 વાગ્યે હોસ્પિટલમાં લવાયાં, ત્યારે તેની પલ્સ 70 / મિનિટ, બીપી 130/80 મીમી એચજી અને અન્ય ક્લિનિકલ પરિમાણો સામાન્ય મર્યાદામાં હતાં.
- ગાંગુલીનો વંશાનુગત આઈએચડીનો પારિવારિક ઇતિહાસ
ડૉક્ટરોના જણાવ્યાં પ્રમાણે ગાંગુલીને વંશાનુગત આઈએચડી-ઇસ્કેમિક હૃદયરોગનો પારિવારિક ઇતિહાસ હતો.ઇકો ટેસ્ટમાં જણાયું કે લેફ્ટ વેન્ટ્રીક્યૂલર ફંકશનમાં સામાન્ય હાઇપોક્નેસીયા છે.તે હેમોડાયનેમિકલી સ્થિર છે. એન્ટિપ્લેટલેટના ડોઝ બાદ પ્રાયમરી એન્જીયોપ્લાસ્ટી બાદ તેઓ સ્થિર હાલતમાં છે.
