નવી દિલ્હીઃ કોંગ્રેસની પૂર્વ અધ્યક્ષ સોનિયા ગાંધીને વાયરલ રેસ્પિરેટરી ઈન્ફેક્શનને કારણે બુધવારે ગંગારામ(SONIA GANDHI ADMITTED TO GANGARAM HOSPITAL ) હોસ્પિટલમાં દાખલ કરવામાં આવ્યા છે. ડોક્ટરોએ આ જાણકારી આપી હતી. હોસ્પિટલના મેનેજમેન્ટ બોર્ડના અધ્યક્ષ ડૉ. અજય સ્વરૂપે જણાવ્યું કે સોનિયા ગાંધીને ચેસ્ટ મેડિસિન વિભાગમાં દાખલ કરવામાં આવ્યા છે. સોનિયા ગાંધીની પુત્રી પ્રિયંકા ગાંધી વાડ્રા હોસ્પિટલમાં દાખલ થવા સમયે તેમની સાથે હતી. હોસ્પિટલના બોર્ડ ઓફ મેનેજમેન્ટના વડા ડૉ. અજય સ્વરૂપે એક નિવેદનમાં જણાવ્યું હતું કે, "સોનિયા ગાંધીને આજે અમારી હોસ્પિટલમાં દાખલ કરવામાં આવ્યા હતા. તેઓ ડૉ. અરૂપ બસુ અને તેમની ટીમની દેખરેખ હેઠળ 'ચેસ્ટ મેડિસિન' વિભાગમાં દાખલ છે."
મંગળવારથી સોનિયા ગાંધીની તબિયત ખરાબ:તેમણે કહ્યું કે સોનિયા ગાંધીની વાયરલ શ્વસન (SONIA GANDHI ADMITTED )સંક્રમણની સારવાર કરવામાં આવી રહી છે. સૂત્રોએ જણાવ્યું કે મંગળવારથી સોનિયા ગાંધીની તબિયત ખરાબ હતી, જેના કારણે રાહુલ ગાંધી અને પ્રિયંકા ગાંધી ઉત્તર પ્રદેશમાં 'ભારત જોડો યાત્રા'માં પ્રવેશવા માટે સાત કિલોમીટર ચાલીને મંગળવારે સાંજે દિલ્હી પરત ફર્યા હતા. પાર્ટીના સૂત્રોનું કહેવું છે કે કોંગ્રેસની 'ભારત જોડો યાત્રા' આજે સવારે 6 વાગ્યે બાગપતના માવી કલાનથી ફરી શરૂ થઈ. જોકે પ્રિયંકા ગાંધી બુધવારે રાહુલ ગાંધી સાથે પદયાત્રામાં જોડાયા ન હતા. હોસ્પિટલના બુલેટિન અનુસાર, ગાંધીને વાયરલ શ્વસન ચેપની ફરિયાદ છે. જેની સારવાર ચાલી રહી છે. ભૂતપૂર્વ કોંગ્રેસ અધ્યક્ષ છેલ્લે 28 ડિસેમ્બરના રોજ કોંગ્રેસના સ્થાપના દિવસ પર જાહેરમાં જોવા મળ્યા હતા. આ પહેલા તેણે 24 ડિસેમ્બરે દિલ્હીમાં ભારત જોડો યાત્રામાં ભાગ લીધો હતો.