ચાઈબાસા(ઝારખંડ): પશ્ચિમ સિંહભૂમના જિલ્લા મુખ્યાલય ચાઈબાસામાં ક્રૂરતાનો મામલો સામે આવ્યો છે. (gangrape case in jharkhand )અહીંના મુફાસિલ પોલીસ સ્ટેશન વિસ્તારમાં એરપોર્ટ નજીક એક સોફ્ટવેર એન્જિનિયર પર દસ યુવકોએ દુષ્કર્મગુજાર્યો હતો. પીડિતાની ફરિયાદના આધારે પોલીસે પોલીસ સ્ટેશનમાં ગુનો નોંધી આરોપીની શોધખોળ હાથ ધરી છે.
બધાએ દુષ્કર્મ કર્યો:પોલીસને આપેલી ફરિયાદમાં પીડિતાએ જણાવ્યું કે, તે વ્યવસાયે સોફ્ટવેર એન્જિનિયર છે અને હાલમાં ઘરેથી કામ કરી રહી છે. તે ચાઈબાસાના મુફાસિલ પોલીસ સ્ટેશન હેઠળના વિસ્તારમાં ભાડાના મકાનમાં રહીને પોતાનું કામ કરે છે. પીડિતાએ જણાવ્યું હતુ કે, સાંજે લગભગ 5.30 વાગ્યે તે તેના મિત્ર સાથે સ્કૂટી પર એરપોર્ટ પર ગઈ હતી. અહીં તેણે સ્કૂટી પાર્ક કરી અને મિત્ર સાથે વાત કરવા લાગી હતી. સાંજ સુધીમાં અંધારું થઈ રહ્યું હતું.
રૂપિયા પણ છીનવી લીધા:આ દરમિયાન 10 યુવકો ત્યાં આવ્યા હતા અને માર માર્યા બાદ તેને એકાંત સ્થળે ખેંચી ગયા હતા. અહીં બધાએ દુષ્કર્મ કર્યો હતો. યુવકોએ પીડિતા અને તેના મિત્ર પાસેથી મોબાઈલ અને 5,000 રૂપિયા પણ છીનવી લીધા હતા. યુવતીના નિવેદન પર 10 અજાણ્યા લોકો વિરુદ્ધ કેસ નોંધવામાં આવ્યો છે.
મેડિકલ તપાસ કરવામાં આવી:જ્યારે પીડિતાની હાલત ગંભીર થવા લાગી તો તમામ છોકરાઓ તેને ત્યાં છોડીને ભાગી ગયા હતા. પીડિતા કોઈક રીતે ત્યાંથી તેના ઘરે આવી અને પરિવારના સભ્યોને આ વાત કહી હતી. તે જ સમયે, પરિવારના સભ્યો મુફસ્સીલ પોલીસ સ્ટેશન ગયા અને ઘટનાની જાણ કરી હતી. પોલીસને માહિતી મળ્યા બાદ બાળકીને સદર હોસ્પિટલમાં લાવવામાં આવી હતી. ત્યાં તેની મેડિકલ તપાસ કરવામાં આવી છે. મુફસિલ પોલીસ સ્ટેશનના પ્રભારી પવન ચંદ્ર પાઠકે કહ્યું હતુ કે,"આ મામલાની તપાસ કરવામાં આવી રહી છે, આ સમયે 10 અજાણ્યા લોકો વિરુદ્ધ કેસ નોંધવામાં આવ્યો છે. કોર્ટમાં 164નું નિવેદન નોંધવામાં આવ્યું છે."
