હાપુરઃ જો કંઇક કરવાનો જુસ્સો હોય તો વ્યક્તિ પ્રતિકૂળ સંજોગોમાં પણ સફળતા મેળવી શકે છે. હાપુડના પિલખુવામાં રહેતી 7 વર્ષની પુત્રીની માતા શિવાંગી ગોયલે પણ આવું જ કર્યું છે. શિવાંગી ગોયલે UPSC પરીક્ષામાં 177મો રેન્ક મેળવીને (Shivangi Goyal got 177th rank) પોતાનું ભાગ્ય બદલી નાખ્યું છે. ઘરેલુ હિંસાનો સામનો કરનાર શિવાંગી દેશભરની મહિલાઓ માટે પ્રેરણાસ્ત્રોત બની છે. જ્યારથી UPSC નું પરિણામ આવ્યું છે, લોકો શિવાંગી ગોયલના ઘરે તેને અભિનંદન આપવા માટે એકઠા થઈ રહ્યા છે. શિવાંગીએ ગાઝિયાબાદની હોલી ચાઈલ્ડ સ્કૂલમાંથી હાઈસ્કૂલ અને ઈન્ટરમીડિયેટ અને દિલ્હીની લેડી શ્રી રામ કોલેજમાંથી B.Com કર્યું છે.
આ પણ વાંચો:bhajan sopori passes away: પ્રખ્યાત સંતૂર વાદક ભજન સોપોરીનું નિધન, ગુરુગ્રામમાં સારવાર ચાલી રહી હતી
સાસરિયાવાળા પરેશાન કરતા હતા: પિલખુવાના તાડપત્રી ઉદ્યોગપતિ રાજેશ ગોયલની પુત્રી શિવાંગી ગોયલ ત્રણ ભાઈ-બહેનોમાં સૌથી નાની છે. શિવાંગી ગોયલે કહ્યું કે, હું IAS બનવા માંગતી હતી. પરંતુ, પરિવારે 2015માં લગ્ન કરાવ્યા હતા. તે પછી મારે અભ્યાસ છોડવો પડ્યો. IAS બનવાનું સપનું અધવચ્ચે જ રહી ગયું હતું. આ દરમિયાન સાસરિયાવાળા પરેશાન કરવા લાગ્યા (The in-laws began to harass). તેથી મારા માતા-પિતા મને ઘરે લઈ આવ્યા. હાલમાં તેના પતિથી અલગ થવા માટે તેના છૂટાછેડાનો કેસ ચાલી રહ્યો છે. હાલમાં, તે તેના માતા-પિતા અને 7 વર્ષની પુત્રી રૈના સાથે તેના માતાના ઘરે રહે છે.
આ પણ વાંચો:Russia Ukraine War: મોરબીનો કુલદીપ દવે પણ અન્ય વિદ્યાર્થીઓ સાથે રોમાનિયા બોર્ડર પર ફસાયો
તૈયારી સાથે કરતી પુત્રીની સંભાળ: શિવાંગી ગોયલે જણાવ્યું કે, તેણે 2019માં અભ્યાસ શરૂ કર્યો હતો. અભ્યાસની સાથે તેણે તેની 7 વર્ષની દીકરી રૈનાનું પણ ધ્યાન રાખ્યું. 2019માં UPSC પરીક્ષા આપવા માટે ઘર બેઠા તૈયારી કરી. કોચિંગ અને તૈયારી માટે ક્યાંય ગઈ નથી. શિવાંગી ગોયલે ઘરે બેઠા સ્વ-શિક્ષણ લઈને UPSC પરીક્ષામાં 177મો રેન્ક મેળવ્યો (Shivangi Goyal got 177th rank) છે. શિવાંગી ગોયલ કહે છે કે, મારી સફળતાનો તમામ શ્રેય મારા માતા-પિતાને જાય છે. મારા માતા-પિતાએ જ મને મુશ્કેલ સમયમાં પ્રોત્સાહિત કરી, જેના કારણે આજે હું UPSC પરીક્ષા પાસ કરી શકી છું.
