બેંગ્લોર :કર્ણાટકની પ્રતિષ્ઠિત માઉન્ટ કાર્મેલ પીયુ કોલેજ નામની શાળામાં પાઘડીનો વિવાદ (Turban controversy in Karnataka) સામે આવ્યો છે. કોલેજ પ્રશાસને એક શીખ છોકરીને તેની પાઘડી (SIKH GIRL ASKED TO REMOVE TURBAN) ઉતારવા કહ્યું. આના પર વિદ્યાર્થીએ પાઘડી ઉતારવાની ના પાડી. હવે તેના માતા-પિતા આ મામલે કાયદાકીય અભિપ્રાય લેશે. હિજાબ વિવાદ પર સુનાવણી કરી રહેલી કર્ણાટક હાઈકોર્ટે 10 ફેબ્રુઆરીએ આપેલા વચગાળાના આદેશમાં શાળા અને કોલેજોમાં ધાર્મિક પ્રતીકો પહેરવા પર પ્રતિબંધ(Prohibition wearing religious symbols in colleges) લગાવી દીધો છે.
આ પણ વાંચો :યુક્રેનમાં યુદ્ધ પછી કેવી છે સ્થિતિ, જુઓ સેટેલાઇટ ફોટા અને વીડિયો
કોલેજના સત્તાવાળાઓએ શીખ વિદ્યાર્થીનીને પાઘડી ઉતારવા કહ્યું
16 ફેબ્રુઆરીના રોજ બેંગ્લોરની માઉન્ટ કાર્મેલ પીયુ કોલેજમાં એક શીખ છોકરી પાઘડી પહેરીને ક્લાસમાં પહોંચી હતી, તેના પર વર્ગની અન્ય છોકરીઓએ આ અંગે વાંધો ઉઠાવ્યો હતો, આ દરમિયાન માઉન્ટ કાર્મેલ પીયુ કોલેજના સત્તાવાળાઓએ એક શીખ વિદ્યાર્થીનીને હાઈકોર્ટના આદેશનું પાલન કરવા માટે તેની પાઘડી ઉતારવા કહ્યું. અધિકારીઓએ તેના પિતાને પણ આ અંગે ઈ-મેલ દ્વારા જાણ કરી હતી. આ હોવા છતાં, છોકરી તેની પાઘડી ઉતારવા માટે સંમત ન હતી. જ્યારે પીયુ એજ્યુકેશન ડેપ્યુટી ડાયરેક્ટર જી. શ્રીરામે સોમવારે કોલેજની મુલાકાત લીધી હતી. આ દરમિયાન તેમણે હાઈકોર્ટના આદેશ હેઠળ બે યુવતીઓને હિજાબ ઉતારવાની સૂચના આપી હતી. આ હિજાબને ટેકો આપનાર વિદ્યાર્થીનીઓએ તેની સામે વાંધો ઉઠાવ્યો હતો. વાંધો ઉઠાવનાર છોકરીઓએ દલીલ કરી હતી કે જો તેઓ હિજાબ હટાવતા હોય તો અન્ય લોકોને પણ કોઈ ધાર્મિક પ્રતીક પહેરવાની છૂટ ન હોવી જોઈએ.