ચંદીગઢ: પંજાબ પોલીસે ખાલિસ્તાન સમર્થક અમૃતપાલ સિંહની ધરપકડ કરવા માટે હાઈ એલર્ટ જાહેર કર્યું છે. રાજ્યભરમાં સુરક્ષા વધારી દેવામાં આવી છે. પોલીસે ખાલિસ્તાન તરફી સંગઠન 'વારિસ પંજાબ ડી'ના વડા અમૃતપાલ સિંહને પકડવા માટે સર્ચ ઓપરેશન શરૂ કર્યું છે. અમૃતસરના જલ્લુપુર ખેડા ગામમાં અમૃતપાલ સિંહના ઘરની બહાર પણ પોલીસકર્મીઓ તૈનાત કરવામાં આવ્યા છે. રાજ્યમાં ઈન્ટરનેટ સેવા સોમવાર બપોર સુધી બંધ કરી દેવામાં આવી છે. અહીં પંજાબ પોલીસ અને રેપિડ એક્શન ફોર્સે જલંધરમાં ફ્લેગ માર્ચ કરી છે.
આ પણ વાંચો:Punjab News: અમૃતપાલ સિંહના 'નજીકના સહયોગી અને ફાઇનાન્સર'ની કરાઈ ધરપકડ
ભાગેડુ જાહેર કર્યો: પોલીસના જણાવ્યા અનુસાર, આ દરમિયાન, ખાલિસ્તાની સહાનુભૂતિ ધરાવતા સંગઠનનો પ્રમુખ હાલમાં ફરાર છે. અગાઉ શનિવારે મોડી સાંજે જલંધરના કમિશનર કુલદીપ સિંહ ચહલે પુષ્ટિ કરી હતી કે કટ્ટરપંથી નેતાને 'ભાગેડુ' જાહેર કરવામાં આવ્યો હતો. જલંધરના કમિશનર કુલદીપ સિંહ ચહલે એક ઈન્ટરવ્યુમાં જણાવ્યું હતું કે વારિસ પંજાબ ડેના ચીફ અમૃતપાલ સિંહની બે કાર જપ્ત કરવામાં આવી છે અને બંદૂકધારીઓની ધરપકડ કરવામાં આવી છે. અમે એ પણ તપાસ્યું કે તેના સુરક્ષાકર્મીઓના હથિયારો કાયદેસર રીતે ખરીદવામાં આવ્યા હતા કે નહીં. કમિશનરે કહ્યું કે કેસ નોંધવામાં આવ્યો છે. પંજાબ પોલીસે અમૃતપાલ સિંહની ધરપકડ માટે પ્રયાસો શરૂ કર્યા છે. એવી આશા છે કે અમૃતપાલ સિંહની ટૂંક સમયમાં ધરપકડ કરવામાં આવશે.
આ પણ વાંચો:Rahul Gandhi News: શ્રીનગરમાં આપેલા વિવાદાસ્પદ નિવેદન મામલે રાહુલ ગાંધીના ઘરે પહોંચી પોલીસ
78 લોકોની કરાઈ ધરપકડ: અમૃતપાલ સિંહના પિતા, તરસેમ સિંહે દાવો કર્યો હતો કે, પંજાબ પોલીસે અમૃતસરમાં તેમના નિવાસસ્થાનની તપાસ કરી હતી, પરંતુ કંઈપણ ગેરકાયદેસર મળ્યું નથી. તરસેમ સિંહે શનિવારે મોડી રાત્રે કહ્યું કે, પોલીસે ઘર છોડતા પહેલા જ તેની ધરપકડ કરી લેવી જોઈતી હતી. પિતાએ કહ્યું કે, તેમને અમૃતપાલ સિંહના ઠેકાણા વિશે કોઈ માહિતી નથી. પોલીસે 3-4 કલાક સુધી તેના ઘરની તલાશી લીધી હતી. આ પહેલા શનિવારે પંજાબ પોલીસે વારિસ પંજાબ દે (WPD) ના સભ્યો વિરુદ્ધ રાજ્યમાં મોટાપાયે સર્ચ ઓપરેશન (CASO) શરૂ કર્યું હતું. પોલીસે 78 લોકોની ધરપકડ કરી છે. પોલીસે અનેક લોકોની પૂછપરછ માટે અટકાયત કરી છે.
