Seaport and large scale drug infiltration : ખાનગીકરણ અને ડ્રગ ઘૂસણખોરી વચ્ચે કોઇ સંબંધ છે? લોકસભામાં કોંગ્રેસનો સવાલ

આજથી શરુ થયેલા લોકસભા શિયાળુ સત્રમાં ( Parliament winter session 2021 ) ગુજરાતનો મામલો સવાલના ઘેરામાં આવ્યો હતો. કોંગ્રેસના સાંસદ એન્ટો એન્થોનીના (Congress MP Anto Anthony) પૂછ્યું હતું કે શું બંદરો અને એરપોર્ટના ખાનગીકરણને કારણે ડ્રગ્સની દાણચોરીમાં મોટાપાયે વધારો ( Seaport and large scale drug infiltration) થયો છે? આ પ્રશ્નના જવાબમાં સરકારે એવા કોઇપણ જોડાણનો ઇનકાર કર્યો હતો. લોકસભામાં ગૃહ મંત્રાલયે (Union home ministry) જણાવ્યું હતું કે 'એરપોર્ટ, બંદરના ખાનગીકરણ અને મોટા પાયે ડ્રગની દાણચોરી (Massive drug infiltration) વચ્ચે કોઈ સંબંધ નથી'.

• લોકસભામાં ગાજ્યો Mundra Port Drug Seized Case
• Congress MP Anto Anthony એ સરકારને પૂછ્યો પ્રશ્ન
• Seaport and large scale drug infiltration શંકાના દાયરામાં લીધાં

અમદાવાદઃ નવી દિલ્હીમાં આજથી સંસદનું શિયાળુ સત્ર ( Parliament winter session 2021 ) શરુ થઈ ગયું છે. લોકસભામાં કોંગ્રેસના સાંસદ એન્ટો એન્થોનીના (Congress MP Anto Anthony) પ્રશ્નના જવાબમાં સરકારના ગૃહ મંત્રાલય (Union home ministry) ડ્રગની દાણચોરી અને સંસ્થાનોના ખાનગીકરણના ( Seaport and large scale drug infiltration) કોઈપણ જોડાણનો ઇનકાર કર્યો હતો. એન્થોનીએ સવાલ કર્યો હતો કે શું બંદરો અને એરપોર્ટના ખાનગીકરણને કારણે ડ્રગ્સની મોટા પાયે દાણચોરીમાં વધારો થયો છે? અદાણી જૂથ દ્વારા સંચાલિત ગુજરાતના મુંદ્રા પોર્ટ પર સપ્ટેમ્બરમાં લગભગ 3,000 કિલો હેરોઈન જપ્ત (Mundra Port Drug Seized Case) કરવામાં આવ્યા બાદ સરકારનો પ્રતિસાદ નોંધપાત્ર બન્યો હતો.. વિપક્ષ (Congress) આરોપ લગાવ્યો હતો કે અફઘાનિસ્તાનથી ડ્રગ્સ ભારતમાં કેવી રીતે પ્રવેશ્યું તેની તપાસ કરવા માટે સરકાર પૂરતું કામ કરી રહી નથી.

વિશેષપણે પૂછાઇ હતી માહિતી

જ્યારે સપ્ટેમ્બરની ઘટના (Mundra Port Drug Seized Case) વિશે વિશેષરૂપે પૂછવામાં આવ્યું ત્યારે મંત્રાલયે (Union home ministry) જણાવ્યું હતું કે ગુજરાતમાં સપ્ટેમ્બર 2021 સુધી બે કેસમાં 21,000 કરોડની કિંમતનું 2990.97 કિલો હેરોઈન જપ્ત કરવામાં આવ્યું હતું. જ્યારે 2020માં એક પણ નથી. તેમણે વધુમાં જણાવ્યું કે રાષ્ટ્રીય તપાસ એજન્સી આ બાબતની તપાસ કરી રહી છે.

મંત્રાલયે ચૂપ્પી સાધી

જોકે જપ્ત કરાયેલું ડ્રગ મોકલનાર અને પ્રાપ્ત કરનારની વિગતો વિશે પૂછવામાં આવતાં મંત્રાલયે (Union home ministry) કોઈ જવાબ આપ્યો નથી.

મુંદ્રા પોર્ટ ડ્રગ સેઇ્ઝ્ડ મામલો

ડિરેક્ટોરેટ ઑફ રેવન્યુ ઈન્ટેલિજન્સ (DRI), કેન્દ્રીય નાણા મંત્રાલયના તાબા હેઠળની અમલીકરણ એજન્સીએ 15 સપ્ટેમ્બરની આસપાસ મુંદ્રા બંદર પર બે કન્ટેનરમાંથી કુલ 2,988.21 કિલો અફઘાની હેરોઈન જપ્ત (Mundra Port Drug Seized Case) કર્યું હતું. આ બંદર ગૌતમ અદાણી (Gautam Adani) સંચાલિત જૂથ હેઠળ બંદરોનો વ્યવસાય કરતી અદાણી પોર્ટ્સ અને SEZ (APSEZ) દ્વારા સંચાલિત છે. આ ઘટના બાદ અદાણી ગ્રૂપે સ્પષ્ટતા કરતાં કહ્યું હતું કે તે માત્ર એક પોર્ટ ઓપરેટર છે અને તેમની પાસે પોર્ટ પર આવતા શિપમેન્ટની તપાસ કરવાની સત્તા નથી. આ ઘટનામાં ચેન્નાઈ સ્થિત દંપતિ ગોવિંદરાજુ દુર્ગા પૂર્ણા વૈશાલી અને તેના પતિ મચાવરમ સુધાકર, બે અફઘાન નાગરિકો અને અન્ય એક ભારતીય નાગરિક સહિત પાંચ લોકોની ડીઆરઆઈ (DRI) દ્વારા ધરપકડ કરવામાં આવી છે.

આંધ્રપ્રદેશની કંપનીએ મંગાવ્યું હતું ટેલ્ક કન્ટેનર

તાલિબાન શાસન હેઠળના અફઘાનિસ્તાનમાંથી મોટી માત્રામાં ડ્રગ 13-14 સપ્ટેમ્બરના રોજ ઈરાનના બંદર અબ્બાસ પોર્ટ (Port of Abbas in Iran) દ્વારા ગુજરાતમાં મોકલવામાં આવ્યું હતું અને સેમીપ્રોસેસ્ડ ટેલ્કમ પાવડર કન્ટેનરની અંદર છુપાવવામાં આવ્યું હતું. આ કન્ટેનર આંધ્રપ્રદેશના વિજયવાડાથી આશી ટ્રેડિંગ કંપની (Aashi Trading Company) દ્વારા આયાત કરવામાં આવ્યું હતું.

આ પણ વાંચોઃ PARLIAMENT WINTER SESSION 2021 LIVE UPDATES : ક્રિપ્ટોકરન્સી અંગે નાણાપ્રધાનનું રાજ્યસભામાં નિવેદન

આ પણ વાંચોઃ Parliament winter session 2021: રાજ્યસભાના સાંસદોને સસ્પેન્ડ કરવા પર બોલ્યા રાહુલ ગાંધી, પૂછ્યું- કઈ વાતની માફી?