ચેન્નાઈઃ પૂર્વોત્તર ચોમાસાની શરૂઆત સાથે જ તમિલનાડુના અનેક જિલ્લાઓમાં ભારે વરસાદ જોવા મળી રહ્યો છે. ભારતીય હવામાન વિભાગે રાજ્યમાં ભારે વરસાદને કારણે ઘણા જિલ્લાઓમાં 'ઓરેન્જ એલર્ટ' જાહેર કર્યું છે. આગામી છ દિવસ સુધી તમિલનાડુ, પોંડિચેરી અને કરાઈકલના અલગ-અલગ સ્થળોએ મધ્યમ વરસાદની આગાહી કરવામાં આવી છે.
શાળાઓ બંધ: ભારતીય હવામાન વિભાગ (IMD) દ્વારા 4 અને 5 નવેમ્બરના રોજ પ્રતિકૂળ હવામાનની આગાહીને કારણે ચેન્નાઈ, કન્યાકુમારી, તેનકાસી, થેની, મધુરાઈ, તિરુનેલવેલી, દિંદુક્કલ, શિવગંગાઈ અને નેલ્લાઈમાં નવ જિલ્લાઓમાં શાળાઓ એક દિવસ માટે બંધ રાખવામાં આવી છે. ઉત્તરપૂર્વ ચોમાસાની શરૂઆત તમિલનાડુમાં તીવ્ર બની છે અને દક્ષિણના જિલ્લાઓમાં ભારેથી અતિ ભારે વરસાદ થયો છે.
ક્યાં પડી શકે છે વરસાદ:મેચેન્નાઈ પ્રાદેશિક મેટ્રોલોજી વિભાગે દક્ષિણના જિલ્લાઓ અને પશ્ચિમ ઘાટ જિલ્લાના ભાગોમાં આગામી ત્રણ દિવસ સુધી ભારે વરસાદની આગાહી જારી કરી છે. કન્યાકુમારી, તિરુનેલવેલી, તેનકાસી, થેની અને ડિંડીગુલ, વિરુધુનગર, મદુરાઈ, શિવગંગાઈ, પુડુક્કોટ્ટાઈ, તિરુપુર, કોઈમ્બતુર, નીલગિરિસ, ઈરોડ, કૃષ્ણાગિરી, ધર્મપુરી, થૂથુકુડી અને રામનાથપુરમ જેવા કેટલાક જિલ્લાઓમાં આગામી ત્રણ દિવસમાં ભારે વરસાદની સંભાવના છે. પ્રતિ. હવામાન વિભાગે જણાવ્યું કે છેલ્લા 24 કલાકમાં તમિલનાડુના ચિદમ્બરમમાં 8 સેમી વરસાદ નોંધવામાં આવ્યો હતો જ્યારે અન્નામલાઈ નગર, માંજોલાઈ, રાધાપુરમ, કક્કાચીમાં 7 સેમી વરસાદ નોંધાયો હતો.
આજે પડી શકે છે ભારે વરસાદ: 4 નવેમ્બરના રોજ તમિલનાડુ, પુડુચેરી અને કરાઈકલના વિવિધ ભાગોમાં ભારે વરસાદ (115.6 થી 204.4 મીમી)ની અપેક્ષા છે. લોકોને આ માટે તૈયાર રહેવા માટે કહેવામાં આવ્યું છે. ઉત્તરપૂર્વ ચોમાસું એ દક્ષિણપશ્ચિમ ચોમાસાનો સમકક્ષ છે અને તેને શિયાળાના ચોમાસા તરીકે પણ ઓળખવામાં આવે છે અને તે ફક્ત દક્ષિણ દ્વીપકલ્પ સુધી જ સીમિત છે. ઉત્તરપૂર્વ ચોમાસા દરમિયાન તમિલનાડુ તેના વાર્ષિક વરસાદના 48 ટકા જેટલો વરસાદ મેળવે છે.
- Gujarat Weather Update: રાજ્યમાં ક્યારથી પડશે કડકડતી ઠંડી, જાણો
- Gujarat Weather : હવામાન વિભાગની આગાહી, વાતાવરણમાં ફેરફારને લઇ સપ્તાહનો વર્તારો શું છે જાણો
