નવી દિલ્હી:સુપ્રીમ કોર્ટે એક પરિણીત મહિલાની 26 અઠવાડિયાની ગર્ભાવસ્થાને ગર્ભપાત કરવાની પરવાનગી માંગતી અરજીને ફગાવી દીધી છે. AIIMSનો રિપોર્ટ આવ્યા બાદ કોર્ટે આ નિર્ણય લીધો છે. સોમવારે, સર્વોચ્ચ અદાલતના નિર્દેશો પર, ઓલ ઇન્ડિયા ઇન્સ્ટિટ્યૂટ ઑફ મેડિકલ સાયન્સ (AIIMS) એ પરિણીત મહિલાની 26 અઠવાડિયાની ગર્ભાવસ્થાને ગર્ભપાત કરવાની અરજી પર પોતાનો અહેવાલ રજૂ કર્યો. AIIMSએ સર્વોચ્ચ અદાલતને જણાવ્યું કે ગર્ભમાં કોઈ અસામાન્યતા જોવા મળી નથી. આ અહેવાલ પછી, સર્વોચ્ચ અદાલતે કહ્યું કે તે 26 અઠવાડિયાથી વધુની ગર્ભાવસ્થાને સમાપ્ત કરવા સંબંધિત અરજી પર પોતાનો ચુકાદો આપવા માટે તૈયાર છે. થોડા સમયમાં નિર્ણય આવી શકે છે.
SC Rejects Pregnancy Termination Plea: સુપ્રીમ કોર્ટે 26 અઠવાડિયાના ગર્ભના ગર્ભપાત માટે મંજૂરી આપવાનો ઇનકાર કર્યો - SC Rejects Pregnancy Termination Plea
AIIMS દ્વારા મહિલાના સ્વાસ્થ્યને લઈને સુપ્રીમ કોર્ટમાં રિપોર્ટ રજૂ કર્યા બાદ કોર્ટે પોતાનો ચુકાદો આપ્યો છે. કોર્ટે પરિણીત મહિલાને તેની પ્રેગ્નન્સીનો ગર્ભપાત કરાવવાની પરવાનગી આપવાનો ઈન્કાર કરી દીધો છે.
SC JUDGEMENT ON PETITION RELATING TO OVER 26 WEEK PREGNANCY TERMINATION
Published : Oct 16, 2023, 5:02 PM IST
મેડિકલ ટર્મિનેશન ઑફ પ્રેગ્નન્સી એક્ટ: મળતી માહિતી મુજબ ચીફ જસ્ટિસ ડીવાય ચંદ્રચુડની અધ્યક્ષતાવાળી જસ્ટિસ જેબી પારડીવાલા અને જસ્ટિસ મનોજ મિશ્રાની બેંચે કહ્યું કે તે સોમવારે લંચ પછી કોર્ટનો ચુકાદો સંભળાવશે. કોર્ટે કહ્યું કે બેંચ આજે જ પોતાનો ચુકાદો આપવાનો પ્રયાસ કરશે અને જો ચુકાદો તૈયાર હશે તો તે લંચ બાદ ચુકાદો આપી શકે છે. AIIMSના રિપોર્ટમાં એમ પણ કહેવામાં આવ્યું છે કે USG અને ફેટલ ઇકો એસેસમેન્ટ મુજબ, હાલમાં ગર્ભમાં કોઈ માળખાકીય વિસંગતતા નથી. AIIMS એ એમ પણ કહ્યું કે સ્ત્રી તેની ગર્ભાવસ્થા દરમિયાન પણ તેની દવાઓ ચાલુ રાખી શકે છે, તેનાથી ગર્ભ માટે કોઈ જોખમ નથી. કોર્ટે AIIMSના રિપોર્ટની નોંધ લીધી. કેન્દ્ર તરફથી હાજર રહેલા એએસજી ભાટીએ કોર્ટને મેડિકલ ટર્મિનેશન ઑફ પ્રેગ્નન્સી એક્ટ, 1971 વિશે માહિતી આપી હતી.
પ્રી-ટર્મ ડિલિવરી અને ફુલ-ટર્મ ડિલિવરી વચ્ચેની પસંદગી: તેમણે વધુમાં કહ્યું કે હવે પસંદગીની વાત નથી પરંતુ પ્રી-ટર્મ ડિલિવરી અને ફુલ-ટર્મ ડિલિવરી વચ્ચેની પસંદગી છે. તેણે કોર્ટને ખાતરી આપી હતી કે સરકાર તેને અને તેના પતિને તબીબી સલાહ સહિત દરેક બાબતમાં મદદ કરશે. વરિષ્ઠ વકીલ કોલિન ગોન્સાલ્વેસે અજાત બાળક સાથે સંબંધિત મુદ્દા પર કોર્ટને માહિતી આપી અને કહ્યું કે આજે આંતરરાષ્ટ્રીય કાયદામાં અજાત બાળક પર કોઈ અધિકાર નથી અને મહિલાના અધિકારો સંપૂર્ણ છે.