હૈદરાબાદ: ફિલ્મ 'ભૂલ ભૂલૈયા 2'ની જોરદાર સફળતા બાદ, કાર્તિક આર્યન અને કિયારા અડવાણીની હિટ જોડી ફિલ્મ 'સત્ય પ્રેમ કી કથા' (satya prem ki katha) સાથે ફરીથી ધૂમ મચાવવા માટે તૈયાર છે. આ કપલ આ દિવસોમાં ફિલ્મનું શૂટિંગ કરી રહ્યું છે. હવે દશેરાના દિવસે શૂટિંગ સેટ પરથી ટીમ સાથે ડાન્સ કરતા કાર્તિક આર્યન અને કિયારા અડવાણીનો વીડિયો અને તસવીરો વાયરલ થઈ રહી છે. નોંધપાત્ર વાત એ છે કે, ફિલ્મનું પ્રથમ શૂટિંગ શેડ્યૂલ પૂર્ણ થઈ ગયું છે.
કાર્તિક આર્યને શેર કર્યો વીડિયો:કાર્તિક આર્યનએ વિડીયો શેર કર્યો અને લખ્યું, 'દશેરાના દિવસે, શેડ્યુલનો જબરદસ્ત અંત (satya prem ki katha first schedule) આવ્યો, આ દિવસે અમે બધાએ સાથે મળીને ખૂબ મજા કરી', કાર્તિકે કેક કટિંગ અને ડાન્સની તસવીરો શેર કરી છે.
ફિલ્મ ક્યારે રિલીઝ થશે:કાર્તિક આર્યન અને કિયારા અડવાણી (Kartik Aaryan And Kiara Advani) સ્ટારર ફિલ્મ સત્ય પ્રેમ કી કથા 29 જૂન, 2023ના રોજ રીલિઝ થશે. સમીર વિધવાસ દ્વારા દિગ્દર્શિત અને સાજિદ નડિયાદવાલા અને નમહ પિક્ચર્સ દ્વારા નિર્મિત ફિલ્મની રાહ હવે પૂરી થવા જઈ રહી છે.
કાર્તિક-કિયારાની જોડી:તમને જણાવી દઈએ કે કિયારા અને કાર્તિકની જોડીને ફિલ્મી પડદે ચાહકો તરફથી જબરદસ્ત પ્રતિસાદ મળ્યો છે. આથી બંનેની ફિલ્મે પણ બોક્સ ઓફિસ પર જોરદાર કમાણી કરી છે. હવે આ જોડી ફરી એકવાર ફિલ્મ 'સત્યપ્રેમ કી કથા'થી અજાયબી કરતી જોવા મળશે.
કાર્તિકની આવનારી ફિલ્મો:બીજી તરફ કાર્તિક આર્યનના વર્કફ્રન્ટની વાત કરીએ તો તે 'ફ્રેડી', 'શહેજાદા' અને કબીર ખાનની અનટાઈટલ્ડ ફિલ્મમાં જોવા મળશે. તે જ સમયે, કિયારા હાલમાં જ ફિલ્મ 'જુગ જુગ જિયો'માં જોવા મળી હતી. આ સિવાય તે તેલુગુ ફિલ્મ 'RC15'ની સાથે 'ગોવિંદા નામ મેરા'માં પણ જોવા મળશે.
