નવી દિલ્હી: 1988 બેચના IPS સંજય અરોરાને દિલ્હી પોલીસ કમિશનર (Sanjay Arora will be new Commissioner of Delhi Police) તરીકે નિયુક્ત કરવામાં આવ્યા છે. તે તમિલનાડુ કેડરના અધિકારી છે. ગૃહ મંત્રાલયે તેમને AGMUT કેડરમાં ટ્રાન્સફર કરી દીધા છે. આ આદેશ બાદ પોલીસ કમિશનર રાકેશ અસ્થાનાનો કાર્યકાળ રવિવારે પૂરો થયો. તેમના એક્સટેન્શનને લઈને ચાલી રહેલી ચર્ચાઓનો પણ અંત આવ્યો હતો.
આ પણ વાંચો:ઝારખંડની સરકાર ખતરામાં : રોકડ સાથે પકડાયેલા ત્રણેય ધારાસભ્યોને કોંગ્રેસે કર્યા સસ્પેન્ડ
નિવૃત્તિના ચાર દિવસ પહેલા જ દિલ્હી પોલીસ કમિશનર બનાવવામાં આવ્યા :માહિતી અનુસાર BSFના ડીજી રહેલા રાકેશ અસ્થાના 31 જુલાઈ 2021ના રોજ નિવૃત્ત થવાના હતા. આવી સ્થિતિમાં નિવૃત્તિના ચાર દિવસ પહેલા જ તેમને દિલ્હી પોલીસ કમિશનર બનાવવામાં આવ્યા હતા. આ સાથે તેમને એક વર્ષનું એક્સટેન્શન પણ આપવામાં આવ્યું હતું. તેમણે 29 જુલાઈ 2021ના રોજ દિલ્હી પોલીસ કમિશનરનું પદ સંભાળ્યું હતું. શુક્રવારનો દિલ્હી પોલીસ કમિશનર તરીકેનો છેલ્લો કાર્યકારી દિવસ હતો.
આ પણ વાંચો:'અમૃત મહોત્સવ' જનઆંદોલનનું રૂપ લઈ રહ્યું છે: PM મોદી
1 ઓગસ્ટથી દિલ્હી પોલીસ કમિશનર તરીકેનો ચાર્જ સંભાળશે :1988 બેચના IPS સંજય અરોરા તમિલનાડુ કેડરના છે. હાલમાં તેઓ આઈટીબીપીના ડાયરેક્ટર જનરલ તરીકે કામ કરી રહ્યા છે. ગૃહ મંત્રાલય દ્વારા જારી કરાયેલા આદેશમાં કહેવામાં આવ્યું છે કે, તેમની તમિલનાડુ કેડરને AGMUT કેડરમાં બદલી દેવામાં આવી છે. આ સાથે તેઓ 1 ઓગસ્ટથી દિલ્હી પોલીસ કમિશનર તરીકેનો ચાર્જ સંભાળશે. તેમના કાર્યકાળ અંગે આ ક્રમમાં સ્થિતિ સ્પષ્ટ કરવામાં આવી નથી, પરંતુ તેઓ 31 જુલાઈ 2025ના રોજ નિવૃત્ત થશે. દિલ્હી પોલીસ કમિશ્નર તરીકે છેલ્લા એક વર્ષ દરમિયાન રાકેશ અસ્થાનાએ ઘણા મહત્વપૂર્ણ કાર્યો કર્યા છે. તેણે દિલ્હી પોલીસના પીસીઆરને પોલીસ સ્ટેશન સાથે મર્જ કરીને ત્યાં પોલીસકર્મીઓની સંખ્યા વધારી. લાંબા સમયથી પ્રમોશનની રાહ જોઈ રહેલા 25 હજારથી વધુ પોલીસકર્મીઓને તેમના કાર્યકાળ દરમિયાન પ્રમોશન મળ્યું છે. આ ઉપરાંત ગુનાખોરીને અંકુશમાં લેવા માટે પણ તેમના દ્વારા મહત્વપૂર્ણ પગલા લેવામાં આવ્યા છે.
