ચંદીગઢ: એન્ફોર્સમેન્ટ ડિરેક્ટોરેટએ (ED) ગેરકાયદેસર રેતી ખનન કેસ (Illegal sand mining case) મામલે પંજાબના મુખ્યપ્રધાન ચરણજીત સિંહ ચન્નીના નજીકના સંબંધીઓના નિવાસ્થાન પર દરોડા પાડ્યા છે. CM ચન્નીના સંબંધીના ઠેકાણા સિવાય EDએ વધુ 9 સ્થળોએ દરોડા પાડ્યા છે. EDના આ દરોડા (Sand Mining Case in Punjab) મંગળવારની સવારથી ચાલી રહ્યાં છે.
EDએ CM ચન્નીના સંબંધીઓના ઘરે પાડ્યા દરોડા
મોહાલી સહિત અનેક સ્થળો ઉપર દરોડા પાડવામાં આવી રહ્યા છે. EDના સૂત્રોના જણાવ્યા અનુસાર, મોહાલીમાં હોમલેન્ડ સોસાયટીના જે ઘરમાં દરોડા પાડવામાં આવી રહ્યા છે, તે CM ચન્નીના નજીકના સંબંધી હોવાનું કહેવાય છે. જોકે EDએ આ વાતની સત્તાવાર પુષ્ટિ કરી નથી.