S. Jaishankar News: નેપાલના રાષ્ટ્રપતિ અને વડા પ્રધાન સાથે એસ. જયશંકરે મુલાકાત કરી

વિદેશ પ્રધાન એસ જયશંકર નેપાળના પ્રવાસે છે. નેપાળના વડા પ્રધાન અને રાષ્ટ્રપતિ સાથે જયશંકરે સુભેચ્છા મુલાકાત કરી છે. આ મુલાકાતમાં અનેક મુદ્દે ચર્ચા કરવામાં આવી હતી. વાંચો સમગ્ર સમાચાર વિસ્તારપૂર્વક. S Jaishankar Nepal Visit PM President

કાઠમાંડુઃ વિદેશ પ્રધાન એસ જયશંકરે ગુરુવારે નેપાળના રાષ્ટ્રપતિ રામચંદ્ર પૌડેલ અને વડા પ્રધાન પુષ્પ કમલ દહલ પ્રચંડ સાથે મુલાકાત કરી. આ વર્ષે પોતાની પહેલી વિદેશ યાત્રા અંતર્ગત જયશંકરે નેપાળના મહેમાન બન્યા હતા. જયશંકર નેપાળ ભારતની સંયુક્ત આયોગની સાતમી બેઠકની સહ અધ્યક્ષતા પણ કરશે. જયશંકર સવારે નેપાળ પહોંચ્યા હતા. ત્યારબાદ રાષ્ટ્રપતિ કાર્યાલય શીતલ નિવાસમાં રાષ્ટ્રપતિ પૌડેલ સાથે શુભેચ્છા મુલાકાત કરી.

રાષ્ટ્રપતિ કાર્યાલયના સૂત્ર અનુસાર રાષ્ટ્રપતિ પૌડલે નેપાલ અને ભારત વચ્ચે સંપર્ક, ક્લાઈમેટ ચેન્જ અને જળવિદ્યુત ક્ષેત્રે ભાગીદારી મુદ્દે ચર્ચા કરી હતી. વિદેશ મંત્રાલય જણાવે છે કે રાષ્ટ્રપતિ સાથે મુલાકાત બાદ જયશંકર વડા પ્રધાન પ્રચંડ સાથે તેમની ઓફિસ સિંહદરબારમાં મુલાકાત કરી. નેપાલના વિદેશ પ્રધાન એનપી સઉદે અહીં ત્રિભુવન ઈન્ટરનેશનલ એરપોર્ટ પર જયશંકરનું ભવ્ય સ્વાગત કરવામાં આવ્યું હતું. આ પ્રસંગે ઉચ્ચ અધિકારીઓ ઉપસ્થિત રહ્યા હતા.

જયશંકરે પોતાના એકસ હેન્ડલ પર કહ્યું કે, 2024માં પહેલા વિદેશ પ્રવાસ અંતર્ગત નેપાળ આવીને બહુ ખુશ છું. આવનારા 2 દિવસ થનારા કાર્યક્રમમાં સામેલ થવા માટે હું બહુ ઉત્સુક છું. ભારત નેપાળ સંયુકત આયોગની રચના 1987માં થઈ હતી. આ બંને પક્ષોની દ્વીપક્ષીય ભાગીદારીના દરેક આયામની સમીક્ષા કરવા માટે પ્લેટફોર્મ પૂરુ પાડે છે.

વિદેશ પ્રધાને નવી દિલ્હીમાં કહ્યું કે, નેપાળ, ભારતની પડોશ પ્રથમ નીતિ અંતર્ગત મહત્વપૂર્ણ ભાગીદાર છે. બે નજીકના અને મૈત્રીપૂર્ણ પાડોશીઓ વચ્ચે ઉચ્ચ સ્તરીય આદાન પ્રદાનની પરંપરાને ધ્યાનમાં રાખીને આ પ્રવાસનું આયોજન કરવામાં આવ્યું છે.