કિવઃયુક્રેન યુદ્ધની આગમાં સળગી રહ્યું છે. અમેરિકાના રાષ્ટ્રીય સુરક્ષા સલાહકાર (russia ukraine war) જેક સુલિવને કહ્યું કે, રશિયાએ તેના પાડોશી પર હુમલો કર્યા બાદ (Russian attacks continue) મોસ્કો સામે યુક્રેનને સમર્થન આપવામાં અમેરિકા મહત્વની ભૂમિકા (Russia ukraine war 47th day) ભજવશે. સંયુક્ત રાષ્ટ્રની શરણાર્થી એજન્સી અનુસાર, રશિયન હુમલા બાદ યુક્રેન છોડનારા લોકોની સંખ્યા 45 લાખ (45 lakh people left Ukraine) થઈ ગઈ છે. મળતી માહિતી મુજબ, લગભગ 26 લાખ લોકો પોલેન્ડ અને 6,86,000 થી વધુ રોમાનિયા ગયા છે.
આ પણ વાંચો:શહબાજ વડાપ્રધાન બન્યા પણ નથી ને, 'કાશ્મીર રાગ' નો આલાપ કર્યો શરુ
યુક્રેનિયન સંરક્ષણનો ભંગ કરવાનો પ્રયાસ: બીજી તરફ યુક્રેનની સેનાએ દાવો કર્યો છે કે, રશિયા તેના સૈનિકોની સંખ્યા વધારી (russia ukraine Conflict) રહ્યું છે અને યુક્રેનની સંરક્ષણ રેખામાં ઘૂસવાનો પ્રયાસ કરી રહ્યું છે. યુક્રેનિયન સૈન્ય કમાન્ડે રવિવારે કહ્યું કે, રશિયન સૈનિકો ખાર્કિવના દક્ષિણપૂર્વમાં ઇઝુમ નજીક યુક્રેનિયન સંરક્ષણનો ભંગ કરવાનો સતત પ્રયાસ કરી રહ્યા છે. એવા અહેવાલ છે કે, રશિયા ઇઝુમમાં તૈનાતી માટે સૈનિકો મોકલી રહ્યું છે જ્યારે ખાર્કિવમાં તોપમારો ચાલુ છે.
ઘેરાબંધી કરવામાં આવી:રશિયન સેનાએ ઉત્તરપૂર્વીય યુક્રેનના કિવ અને મુખ્ય શહેરોને કબજે કરવાનો પ્રયાસ કર્યો હતો પરંતુ નિષ્ફળ ગયો હતો. યુક્રેન અને પશ્ચિમી દેશોના અધિકારીઓને ડર છે કે, રશિયા પૂર્વ યુક્રેનમાં નવી કાર્યવાહી કરી શકે છે, જ્યાં મોસ્કો સમર્થિત અલગતાવાદીઓ છેલ્લા 8 વર્ષથી યુક્રેનિયન દળો સામે લડી રહ્યા છે.
યુદ્ધના આગામી થોડા દિવસો નિર્ણાયક:યુક્રેનના રાષ્ટ્રપતિ વોલોડીમીર ઝેલેન્સકીએ રવિવારે રાત્રે પોતાના દેશને ચેતવણી આપી હતી કે, આવનારું અઠવાડિયું યુદ્ધમાં એટલું જ મહત્વપૂર્ણ છે જેટલું અત્યાર સુધીના યુદ્ધમાં દર અઠવાડિયું છે. રાત્રે રાષ્ટ્રને સંબોધતા, ઝેલેન્સકીએ કહ્યું, "રશિયન દળો આપણા દેશના પૂર્વમાં વધુ મોટા ઓપરેશન હાથ ધરશે." તેણે રશિયા પર યુદ્ધ અપરાધની જવાબદારીથી ભાગવાનો પ્રયાસ કરવાનો આરોપ પણ મૂક્યો.
યુક્રેનને વધુ મદદ આપવા વિનંતી:ઝેલેન્સકીએ કહ્યું, "જ્યારે લોકોમાં તેમની ભૂલ સ્વીકારવાની, માફી માંગવાની, વાસ્તવિકતા સાથે અનુકૂલન કરવાની અને શીખવાની હિંમત નથી હોતી, ત્યારે તેઓ રાક્ષસ બની જાય છે, અને જ્યારે વિશ્વ તેમને અલગ પાડે છે, ત્યારે આ રાક્ષસો નક્કી કરે છે કે વિશ્વને તેમના અનુસાર ઘડવાનું છે. યુક્રેન આ બધું બંધ કરશે. તેમણે કહ્યું કે, એક દિવસ એવો આવશે જ્યારે તેમને બધું જ સ્વીકારવું પડશે. તેઓએ સત્ય સ્વીકારવું પડશે. તેમણે જર્મની સહિતના પશ્ચિમી દેશોને યુક્રેનને વધુ મદદ આપવા વિનંતી કરી હતી.
યુક્રેનના સમર્થનમાં જર્મનીની સ્થિતિ બદલાઈ: ઝેલેન્સકીએ જણાવ્યું હતું કે, જર્મન ચાન્સેલર ઓલાફ સ્કોલ્ઝ સાથેની વાતચીત દરમિયાન તેમણે "રશિયા સામેના પ્રતિબંધોને કેવી રીતે મજબૂત કરવા અને રશિયાને શાંતિ બનાવવા માટે કેવી રીતે દબાણ કરવું" અંગે ચર્ચા કરી હતી. ઝેલેન્સકીએ કહ્યું, "મને ખુશી છે કે, તાજેતરમાં યુક્રેનના સમર્થનમાં જર્મનીની સ્થિતિ બદલાઈ છે." હું તેને સંપૂર્ણપણે તાર્કિક માનું છું.
આત્મસમર્પણ કરવાનો ઇનકાર: એઝોવ સમુદ્ર પર યુક્રેનિયન બંદર શહેર મેરિયુપોલ પર રશિયન સૈન્યના તોપમારાથી ઘણા માનવતાવાદી કોરિડોર બંધ થઈ ગયા છે, જેના કારણે લોકો માટે બહાર નીકળવું મુશ્કેલ બન્યું છે. જોકે, શનિવારે એ સ્પષ્ટ થઈ શક્યું ન હતું કે, મારિયુપોલમાં કેટલા લોકો ફસાયા છે. યુદ્ધ પહેલા શહેરમાં 430,000 થી વધુ લોકો રહેતા હતા. યુક્રેનના અધિકારીઓએ જણાવ્યું હતું કે, માર્યુપોલમાં લગભગ 100,000 લોકો ફસાયેલા છે. જો કે, બ્રિટિશ સંરક્ષણ અધિકારીઓએ અંદાજ લગાવ્યો છે કે, શહેરમાં 160,000 લોકો ફસાયા છે. મેરીયુપોલમાં, યુક્રેનિયન સૈન્યએ આત્મસમર્પણ કરવાનો ઇનકાર કર્યો છે, જ્યારે શહેરનો મોટો ભાગ નાશ પામ્યો છે.
વધુ શક્તિ એકત્ર કરવાનો પ્રયાસ:બ્રિટનના સંરક્ષણ મંત્રાલયે દાવો કર્યો છે કે, રશિયાના સશસ્ત્ર દળો વધી રહેલા નુકસાનની ભરપાઈ કરવા માટે 2012 થી લશ્કરી સેવામાંથી નિવૃત્ત થયેલા સૈનિકોને પુનઃસ્થાપિત કરીને વર્તમાન સૈનિકોની સંખ્યામાં વધારો કરી રહ્યા છે. ટ્વિટર પર ગુપ્ત માહિતી શેર કરતા, મંત્રાલયે રવિવારે જણાવ્યું હતું કે, રશિયન સૈન્ય "યુક્રેનિયન સરહદ પર, મોલ્ડોવાથી અલગ થયેલા ટ્રાન્સ નિસ્ટોર ક્ષેત્રમાંથી લડાઈ અને ભરતી માટે વધુ શક્તિ એકત્ર કરવાનો પ્રયાસ કરી રહ્યું છે."
આ પણ વાંચો:PM Modi to meet US President : PM મોદી અમેરિકી રાષ્ટ્રપતિ જો બાઇડેન સાથે આજે કરશે વર્ચ્યુઅલી બેઠક
યુક્રેનની એર ડિફેન્સ સિસ્ટમ પર હુમલો: રશિયન સેનાએ યુક્રેનના દક્ષિણ અને પૂર્વમાં યુક્રેનની એર ડિફેન્સ સિસ્ટમ પર હુમલો કર્યો છે. સંરક્ષણ મંત્રાલયના પ્રવક્તા મેજર જનરલ ઇગોર કોનાશેન્કોવે જણાવ્યું હતું કે, સૈન્યએ યુક્રેનની S-300 એર ડિફેન્સ મિસાઇલ સિસ્ટમ પર પ્રહાર કરવા માટે એર-ટુ-એર મિસાઇલનો ઉપયોગ કર્યો હતો, જે દક્ષિણ મિકોલાઇવ પ્રદેશમાં સ્ટારોબોહનીવકા અને ખાર્કિવ પ્રદેશના ચુહુઇ ખાતે તૈનાત હતી. તેઓએ દાવો કર્યો હતો કે, સમુદ્રમાંથી છોડવામાં આવેલી ક્રુઝ મિસાઈલએ ઝ્વોનેટ્સકે, નીપ્રોક્ષેત્રમાં યુક્રેનિયન આર્મી હેડક્વાર્ટરનો નાશ કર્યો હતો. જો કે, રશિયન દાવાને સ્વતંત્ર રીતે ચકાસી શકાયો નથી. બ્રિટનના સંરક્ષણ મંત્રાલયે દાવો કર્યો છે કે, રશિયન સશસ્ત્ર દળો વધી રહેલા નુકસાનની ભરપાઈ કરવા માટે 2012 થી સૈન્ય સેવામાંથી નિવૃત્ત થયેલા સૈનિકોને પુનઃસ્થાપિત કરીને વર્તમાન સૈનિકોની સંખ્યામાં વધારો કરી રહી છે.
