કાનપુરઃ છેલ્લા કેટલાક દિવસોથી શહેરના રામ જાનકી મંદિરની જમીન પાકિસ્તાની નાગરિક દ્વારા વેચવાનો મામલો ગરમાયો હતો. હવે સગીરનું ધર્માંતરણ (Dharam parivartan in kanpur ) કરીને 2 બાળકોની માતા સાથે લગ્ન કરવાનો એક સનસનાટીભર્યો કિસ્સો સામે આવ્યો છે. આ ઘટનાનો વીડિયો સામે આવતાં હોબાળો મચી ગયો હતો.
2 બાળકોની માતા સાથે લગ્ન: કાકદેવના ઓમ ચૌરાહા પાસે રહેતી નેન્સીએ સોમવારે મોડી રાત્રે કાકદેવ પોલીસ સ્ટેશનમાં અરજી આપતાં જણાવ્યું હતું કે, તેના 16 વર્ષના પુત્ર નિખિલનું ધર્મ પરિવર્તન (Religious conversion Case) થયું છે. ધર્મ પરિવર્તન બાદ તેણે 2 બાળકોની માતા સાથે લગ્ન કરવાની વાત કરી હતી. ફરિયાદ મળતા પોલીસના હોશ ઉડી ગયા હતા. જ્યારે સમગ્ર ઘટનાનો વીડિયો વાયરલ થયો, ત્યારે હોબાળો મચી ગયો.
આ પણ વાંચો:પિંજરામાં બંધકને જીવતો સળગાવી દેવામાં આવ્યો, ઉત્તરાખંડમાં જોવા મળ્યો ભીડનો ક્રૂર ચહેરો
ઘટનાની જાણ થતાં પહોંચેલા બજરંગ દળના અધિકારીઓએ પોલીસ સ્ટેશનનો ઘેરાવ કર્યો હતો. આ દરમિયાન SHO કાકદેવ આરકે ગુપ્તા સાથે ઉગ્ર બોલાચાલી થઈ હતી. એસએચઓ આરકે ગુપ્તાએ કહ્યું કે, માતાની ફરિયાદ પર કાર્યવાહી કરવામાં આવી રહી છે. જે પણ દોષિત હશે તેની ધરપકડ કરીને જેલમાં મોકલવામાં આવશે.
આ પણ વાંચો:Top News: યાસીન મલિકને આજીવન કેદની સજા. આ અને અન્ય તમામ મહત્વપૂર્ણ સમાચાર, વાંચો માત્ર એક ક્લિકમાં..
કાકદેવની રહેવાસી નેન્સીએ જણાવ્યું કે, પુત્ર નિખિલ રવિવારથી ઘરે આવ્યો ન હતો. જ્યારે તેણે તેની શોધ શરૂ કરી તો ખબર પડી કે, કેટલાક મૌલવીએ તેનો ધર્મ (conversion Case in Kanpur) બદલીને તેના લગ્ન પણ કરાવ્યા છે. સંબંધિત એક વીડિયો પણ સામે આવ્યો છે. વીડિયોમાં દેખાઈ રહ્યું છે કે , નિખિલ એક મૌલવીની સામે બેઠો છે. એડીસીપી બ્રિજેશ શ્રીવાસ્તવે જણાવ્યું કે, કાકદેવ પોલીસ સ્ટેશનમાં એક અરજી મળી છે, જેમાં સગીરનું ધર્માંતરણનો મામલો સામે આવ્યો છે. તપાસ શરૂ કરવામાં આવી છે. બજરંગ દળના અધિકારીઓએ જણાવ્યું કે, આ ઘટના જાજમાઉ વિસ્તારમાં બની હતી. પોલીસે આરોપીઓને વહેલી તકે પકડવા જોઈએ.
