રાજસ્થાન : દેશમાં ઘણા સમયથી યુવાનો હાર્ટ એટેકના શિકાર બની રહ્યા છે. ફરી એક વખત એવોજ કિસ્સો સામે આવ્યો છે. શનિવારે ઇટરાના કેન્ટ વિસ્તારમાં કોન્સ્ટેબલ તરીકે કામ કરતા એક સૈનિકનું કાર્ડિયાક અરેસ્ટને કારણે મૃત્યુ થયું હતું. પરિવારજનોની હાજરીમાં મૃતદેહનું પોસ્ટમોર્ટમ કરવામાં આવ્યું હતું. આ પછી મૃતદેહ પરિજનોને સોંપવામાં આવ્યો હતો. સૈનિકના વતન ગામમાં સરકારી સન્માન સાથે તેમના અંતિમ સંસ્કાર કરવામાં આવશે.
ડ્યુટી પર જવાન થયો હતો બેભાન - MIA પોલીસ અધિકારીએ જણાવ્યું હતું કે, અલવરના ઈટરાના કેન્ટ વિસ્તારમાં કોન્સ્ટેબલ તરીકે કામ કરતા ગામ પાટણ પોલીસ સ્ટેશન સીકરના રહેવાસી સંજય કુમાર ડ્યૂટી પર પોતાના ઘરેથી અલવર આવ્યા હતા. ફરજમાં જોડાયા બાદ અચાનક સંજયની તબિયત બગડતાં તે બેભાન થઈને ઢળી પડ્યા હતા. સાથે રહેલા અન્ય સૈનિકોએ તરત જ સંજયને સારવાર માટે અલવરની આર્મી હોસ્પિટલમાં દાખલ કર્યા હતા. ત્યાં સારવાર દરમિયાન તેમનું મોત થયું હતું. તબીબોએ મૃત્યુનું કારણ કાર્ડિયાક અરેસ્ટ હોવાનું જણાવ્યું છે.
આ પણ વાંચો : Surat News : 44 વર્ષીય યુવકનું યોગાસન કરતી વખતે મૃત્યુ નિપજતા પરિવારમાં શોકનો માતમ