રાજ્યને ભાજપના 'કુશાસન'થી બચાવવા માટેની લડત છે આસામ વિધાનસભા ચૂંટણી: સચિન

કોંગ્રેસના નેતા સચિન પાયલોટે રવિવારે દાવો કર્યો હતો કે, આસામમાં વિધાનસભાની ચૂંટણી રાજ્યને ભાજપના 'કુશાસન' થી બચાવવા માટેવી લડત છે. કોંગ્રેસ નેતાએ કહ્યું, આસામમાં મુખ્યપ્રધાન કોણ છે તે કોઈને ખબર નથી. જેણે પદના શપથ લીધા છે, તે મુખ્યપ્રધાન છે કે મુખ્યપ્રધાન બનવાની ઇચ્છા રાખે તે છે.

• ભાજપના રાજમાં CAA, NRC ફુગાવા, સરમુખત્યારશાહી બધું જ જોયું
• ભાજપના 'કુશાસન'થી બચાવવા માટેની લડત
• GST અને લોકડાઉન દરમિયાન લોકો સંકટમાં હતા ને ભાજપ સરકાર કયાંય નહોંતી

આસામ: આસામના સિલચરમાં ચૂંટણી સભાને સંબોધિત કરતા સચિન પાયલોટે કહ્યું કે, કોંગ્રેસ પાર્ટીએ આજસુધી જે કહ્યું તે કરી બતાવ્યું. ભાજપે પણ વચન આપ્યું હતું કે, 25 લાખ નોકરીઓ મળશે પરંતુ આજે યુવાનો બેરોજગાર બની ગયા છે. પાયલોટે કહ્યું કે, અમે ખાતરી આપીએ છીએ, લેખિતમાં વચન છે, જે પાર્ટી પૂરી કરશે.

ભાજપના રાજમાં CAA, NRC ફુગાવા, સરમુખત્યારશાહી બધું જ જોયું

તેમણે કહ્યું કે, આજે સૌથી મોટી જરૂરિયાત રોજગારની છે. ભાજપની પાંચ વર્ષ સુધી સરકાર રહી, CAA (સિટિઝનશિપ એમેન્ડમેન્ટ એક્ટ), NRC (નેશનલ રજિસ્ટર ઓફ સિટિઝન્સ), ફુગાવા અને સરમુખત્યારશાહી બધું જ જોયું. પરંતુ યુવાનો હજુ ત્યાં જ ઉભા છે. દેશમાં બેરોજગારી છે તેના કરતા કેટલીય વધુ બેરોજગાર આસામમાં છે. જ્યારે કોંગ્રેસ દ્વારા સરકાર બનાવવામાં આવશે ત્યારે અમે વચન આપીએ છીએ કે, આપણે બેરોજગારીનો અંત લાવીશું. પરંતુ યુવાનો કોઈપણ ભોગે ગેરમાર્ગે દોરાવા ન જોઈએ તે જરૂરી છે. તમારે તમારા મતનો વિચારપૂર્વક ઉપયોગ કરવો પડશે.

આ પણ વાંચો: રાહુલ અને પ્રિયંકાને મળ્યા સચિન પાયલટ, કોંગ્રેસે સમાધાન માટે સમિતિ બનાવી

ભાજપના 'કુશાસન'થી બચાવવા માટેની લડત

તેમણે કહ્યું કે, અમે સત્તામાં આવવા નહીં પરંતુ આસામના લોકોને ભાજપના કુશાસનથી બચાવવા માટે લડી રહ્યા છીએ.

GST અને લોકડાઉન દરમિયાન લોકો સંકટમાં હતા ને ભાજપ સરકાર કયાંય નહોંતી

તેમણે કહ્યું કે, જ્યારે નોટબંધી, GST અને લોકડાઉન દરમિયાન લોકો સંકટમાં હતા, ત્યારે ભાજપ સરકાર ક્યાંય દેખાઈ ન હતી. તેથી, સમય આવી ગયો છે કે આપણે આ પાર્ટીને સત્તામાંથી બહાર કાઢીએ.

આ પણ વાંચો: સચિન પાયલોટ માટે રાહત, સુપ્રીમ કોર્ટે હાઇકોર્ટના નિર્ણય પર પ્રતિબંધ લગાવવાનો ઇન્કાર કર્યો

દેશના યુવાનો કોઈપણ ભોગે ગેરમાર્ગે દોરાવા ન જોઈએ

ભાજપે ચૂંટણી પૂર્વે મુખ્યપ્રધાન પદના ઉમેદવારની જાહેરાત કરી નથી અને કહ્યું છે કે આગામી સરકાર બનશે ત્યારે સંસદીય બોર્ડ આ અંગે નિર્ણય લેશે. પાઇલોટે અખિલ ભારતીય મહિલા કોંગ્રેસ અધ્યક્ષ સુષ્મિતા દેવ સાથે કોંગ્રેસના ઉમેદવારોના સમર્થનમાં કરીમગંજ શહેરમાં શોભાયાત્રા કાઢી હતી.