Sukhpal Singh Khaira Arrested : કોંગ્રેસના ધારાસભ્ય સુખપાલ ખૈરાની ધરપકડ, દરોડા બાદ પંજાબ પોલીસની કાર્યવાહી

પંજાબ પોલીસે આજે સવારે કોંગ્રેસના નેતા સુખપાલ ખૈરાના ચંદીગઢ સ્થિત નિવાસસ્થાને દરોડા પાડ્યા હતા. જે બાદ તેની ધરપકડ કરવામાં આવી હતી. મળતી માહિતી મુજબ પંજાબ પોલીસ તેને જલાલાબાદ લઈ ગઈ છે.

ચંદીગઢ : પંજાબ પોલીસે આજે સવારે મોટી કાર્યવાહી કરી છે. પોલીસે પંજાબ કોંગ્રેસના નેતા સુખપાલ સિંહ ખૈરાની ચંદીગઢથી ધરપકડ કરી છે. મળતી માહિતી મુજબ, પંજાબ પોલીસે વહેલી સવારે ઝડપી કાર્યવાહી કરી અને ખૈરાના ચંદીગઢ સ્થિત ઘરે દરોડા પાડ્યા અને પછી તેની ધરપકડ કરી અને જલાલાબાદ લઈ ગઈ છે. કોંગ્રેસ નેતા સુખપાલ સિંહ ખૈરાની 2015ના એક જૂના કેસમાં ધરપકડ કરવામાં આવી છે. કોંગ્રેસના નેતા સુખપાલ સિંહ ખૈરા કિસાન સેલના રાષ્ટ્રીય અધ્યક્ષ પણ છે.

સુખપાલ સિંહ ખૈરા હમેશા વિવાદોમાં રહે છે : મળતી માહિતી મુજબ કોંગ્રેસ નેતા સુખપાલ સિંહ ખૈરા અગાઉ પણ વિવાદોમાં રહ્યા છે. અગાઉ વર્ષ 2015માં પણ ડ્રગ્સની દાણચોરીનો કેસ નોંધાયો હતો. ફાઝિલકા કોર્ટે તેમને સમન્સ પણ જારી કર્યા હતા. પોલીસે દાણચોરો પાસેથી 2 કિલો હેરોઈન, 24 સોનાના બિસ્કિટ, બે પાકિસ્તાની સિમ કાર્ડ અને દેશી બનાવટની પિસ્તોલ પણ જપ્ત કરી છે.

આમ આદમી પાર્ટીમાં પણ રહી ચૂક્યા છે : કોંગ્રેસ નેતા સુખપાલ સિંહ ખૈરા અગાઉ પણ આમ આદમી પાર્ટીમાં રહી ચૂક્યા છે. ખૈરા 2017ની વિધાનસભા ચૂંટણી પહેલા આમ આદમી પાર્ટીમાં જોડાયા હતા. બીજા વર્ષે 2018માં તેમણે પાર્ટીમાં બળવો કર્યો અને 2019માં તેમણે AAP પાર્ટીમાંથી રાજીનામું આપ્યું હતું. જાન્યુઆરી 2019 માં, તેમણે કોંગ્રેસ પાર્ટીનું સભ્યપદ લીધું અને વિધાનસભા ચૂંટણી જીતી.