Punjab Assembly Election 2022: ભાજપે અકાલી દળ અને કોંગ્રેસની એકસાથે ખેરવી અનેક વિકેટ, આ નેતાઓ થયા BJPમાં સામેલ

5 રાજ્યોની વિધાનસભા ચૂંટણી (five state assembly election 2022) પહેલા અનેક નેતાઓ ભાજપમાં જોડાઈ રહ્યા છે. નવી દિલ્હીમાં BJP હેડક્વાર્ટર (BJP headquarters Delhi) ખાતે કોંગ્રેસ અને અકાલી દળના ઘણા નેતાઓ ભાજપમાં જોડાયા.

નવી દિલ્હી: પંજાબ વિધાનસભા ચૂંટણી (Punjab Assembly Election 2022) પહેલા કોંગ્રેસ અને અકાલી દળ (akali dal leader joins bjp)ને મોટો ઝાટકો લાગ્યો છે. કોંગ્રેસના પૂર્વ નેતા અરવિંદ ખન્ના (Former Congress leader Arvind Khanna) ભાજપમાં જોડાયા છે. અરવિંદ સિવાય ગુરદીપ સિંહ ગોશા પણ ભાજપમાં જોડાઈ ગયા છે. ગુરદિપ સિંહ ગોશા (gurdeep singh gosha joins bjp) શિરોમણી અકાલી દળના નેતા છે. પંથ રત્ન જથેદાર ગુરચરણ સિંહ તોહરા મેમોરિયલ ટ્રસ્ટના વડા કરણવીર તોઢા પણ ભાજપમાં જોડાઈ ગયા છે.

પૂર્વ ધારાસભ્ય અરવિંદ ખન્ના ભાજપમાં સામેલ

અમૃતસરના પૂર્વ કાઉન્સિલર (Former Councilor of Amritsar) ધરમવીર સરીન પણ ભાજપમાં જોડાઈ ગયા છે. પૂર્વ ધારાસભ્ય અરવિંદ ખન્ના, SAD નેતા ગુરદીપ સિંહ ગોશા અને અમૃતસરના પૂર્વ કાઉન્સિલર ધરમવીર સરીન સહિત પંજાબના ઘણા નેતાઓ કેન્દ્રીય પ્રધાન હરદીપ સિંહ પુરી (union minister hardeep singh puri)અને ગજેન્દ્ર સિંહ શેખાવતની ઉપસ્થિતિમાં ભાજપમાં સામેલ થયા છે.

આ પણ વાંચો:Indecent Comment Against Saina Nehwal: સાઇના પર 'ડબલ મીનિંગ'વાળી કોમેન્ટ કરીને ભરાયો અભિનેતા, મહિલા આયોગ એક્શનમાં

PMને રેલીમાં ભાગ લેતા અટકાવવામાં આવ્યા

પંજાબના ફિરોઝપુરમાંPM મોદીના કાર્યક્રમ (Pm modi rally in Firozpur)માં વિક્ષેપનો ઉલ્લેખ કરતા કેન્દ્રીય પ્રધાન ગજેન્દ્ર સિંહ શેખાવતે આ પ્રસંગે કહ્યું કે, ફિરોઝપુરની ઘટના (pm modi security breach) બાદ ભાજપના કાર્યકરોનો સંકલ્પ વધુ મજબૂત બન્યો છે. પંજાબમાં કોઈપણ રાજકીય રેલીમાં ફિરોઝપુરમાં સૌથી વધુ મતદાન થયું હતું, પરંતુ રાજકીય કાર્યકરોએ પોલીસ સાથે મળીને માત્ર જનતાને જ નહીં પરંતુ PMને પણ રેલીમાં ભાગ લેતા અટકાવ્યા હતા, પરંતુ તેનાથી ભાજપના કાર્યકરોનો સંકલ્પ વધુ મજબૂત થયો છે.

આ પણ વાંચો:SC Hear On PM Security Breach : વડાપ્રધાનની સુરક્ષા અંગેની અરજી પર આજે સુપ્રીમમાં સુનાવણી