હૈદરાબાદતેલંગાણાના વિવાદાસ્પદ ભારતીય જનતા પાર્ટી (BJP) ધારાસભ્ય રાજા સિંહે વીડિયોમાં પ્રોફેટ મોહમ્મદ વિરુદ્ધ ટિપ્પણી કરવા બદલ હૈદરાબાદ પોલીસે ધરપકડ કરી હતી(MLA Raja Singh arrested by Hyderabad police). જોકે, આ વિવાદાસ્પદ વીડિયોને બાદમાં સોશિયલ મીડિયા પ્લેટફોર્મ પરથી હટાવી દેવામાં આવ્યો હતો. ધરપકડના થોડા કલાકો બાદ રાજા સિંહને સ્થાનિક કોર્ટમાં રજૂ કરવામાં આવ્યો હતો, જ્યાંથી તેને જામીન મળી ગયા હતા. કોર્ટે રાજા સિંહના વકીલની દલીલને સ્વીકારી હતી કે, પોલીસે કેસમાં તેમની ધરપકડ કરતા પહેલા ફોજદારી પ્રક્રિયા સંહિતા (CrPC) ની કલમ-41 હેઠળ તેમના અસીલને નોટિસ જારી કરી ન હતી.
આ પણ વાંચોપયગંબર વિરુદ્ધ વિવાદાસ્પદ ટિપ્પણી કરવા બદલ MLA ટી રાજા વિરુદ્ધ કેસ દાખલ
રાજા સિંહને જામીન આપવાના વિરોધમાં હિંસક વિરોધબીજેપી નેતાને જામીન મળ્યા પછી, સેંકડો વિરોધીઓ હૈદરાબાદના ચંદ્રયાનગુટ્ટા તરફ કૂચ કરવા બરકાસની શેરીઓમાં ઉતર્યા હતા. પ્રદર્શનકારીઓએ પયગંબર મોહમ્મદ વિરુદ્ધ તેમની કથિત અપમાનજનક ટિપ્પણી માટે સસ્પેન્ડ કરાયેલા બીજેપી નેતા રાજા સિંહ વિરુદ્ધ સૂત્રોચ્ચાર કર્યા હતા. કેટલાક દેખાવકારો કાળા ઝંડા સાથે જોવા મળ્યા હતા. એક-બે સ્થળોએ વાહનોને આગચંપી અને તોડફોડ કરવામાં આવી હોવાના અહેવાલો પણ છે. પોલીસ ભીડને કાબૂમાં લેવાનો પ્રયાસ કરી રહી છે. હિંસા અંગે પોલીસ તરફથી કોઈ સત્તાવાર નિવેદન આવ્યું નથી.
પયગંબર મોહમ્મદ વિરુદ્ધ અપમાનજનક ભાષાનો કર્યો ઉપયોગભાજપના ધારાસભ્યએ સોમવારે સ્ટેન્ડ-અપ કોમેડિયન મુનવ્વર ફારૂકીની ટીકા કરતો એક વીડિયો જાહેર કર્યો હતો. આ વીડિયોમાં તે કેટલીક ટીપ્પણી કરતો જોવા મળી રહ્યો છે, જે ઈસ્લામ વિરુદ્ધ લાગે છે. ફારૂકીએ તાજેતરમાં શહેરમાં એક કાર્યક્રમમાં પરફોર્મ કર્યું હતું. ઓલ ઈન્ડિયા મજલિસ એઈત્તેહાદુલ મુસ્લિમીન (AIMIM) એ દાવો કર્યો હતો કે, સિંહે કથિત રીતે પયગંબર મોહમ્મદ વિરુદ્ધ અપમાનજનક ભાષાનો ઉપયોગ કર્યો હતો.
AIMIMના પ્રમુખ અસદુદ્દીન ઓવૈસીએ શું કહ્યુંપત્રકારો સાથે વાત કરતા AIMIMના પ્રમુખ અસદુદ્દીન ઓવૈસીએ કહ્યું કે, મુસ્લિમોને હંમેશા ભાવનાત્મક અને માનસિક ત્રાસનો સામનો કરવો પડે તે સુનિશ્ચિત કરવાની ભાજપની સત્તાવાર નીતિ છે. આ માટે તે તેના સભ્યોને આવી ભાષાનો ઉપયોગ કરવાની છૂટ આપે છે, જેને આપણે પયગંબર વિશે સ્ટ્રીટ પ્રિન્ટ લેંગ્વેજ કહીએ છીએ. ભાજપ દ્વારા આ જાણી જોઈને કરવામાં આવેલો પ્રયાસ છે અને તેઓએ તેમના ધારાસભ્યને આ ભાષામાં બોલવા દીધા હતા.
આ પણ વાંચોUP Election 2022 : ચૂંટણી પંચે બીજેપી ધારાસભ્ય રાજા સિંહ વિરુદ્ધ FIRનો આપ્યો નિર્દેશ
ઓવૈસીએ કહ્યું નુપુર શર્મા પાસેથી કોઈ પાઠ નથી શીખ્યાસસ્પેન્ડેડ ભાજપ નેતા નુપુર શર્મા દ્વારા પયગંબર મોહમ્મદ વિરુદ્ધ કરવામાં આવેલી કથિત ટીપ્પણી બાદ હોબાળો અને પાર્ટીમાંથી તેમના સસ્પેન્ડ કરવાનો ઉલ્લેખ કરતા ઓવૈસીએ કહ્યું કે, 'તેણે નુપુર શર્મા પાસેથી કોઈ પાઠ નથી શીખ્યા.' નૂપુર શર્માએ જે કહ્યું તેની આ સિક્વલ છે. રાજા સિંહ વિરુદ્ધ દબીરપુરા પોલીસ સ્ટેશનમાં મોહમ્મદ વહિઉદ્દીન સલમાન નામના વ્યક્તિ દ્વારા ફરિયાદ દાખલ કરવામાં આવી છે, જેમાં તેણે પયગંબર મોહમ્મદ વિરુદ્ધ અશ્લીલ ભાષાનો ઉપયોગ કરવાનો આરોપ લગાવ્યો છે. હૈદરાબાદ વેસ્ટર્ન ઝોનના ડેપ્યુટી કમિશનર ઑફ પોલીસ જોએલ ડેવિસે જણાવ્યું હતું કે, મંગલહાટ પોલીસ સ્ટેશનમાં નોંધાયેલી ફરિયાદના આધારે રાજા સિંહની ધરપકડ કરવામાં આવી હતી અને તેને કોર્ટમાં રજૂ કરવામાં આવ્યો હતો.
