નવી દિલ્હીઃ ભારતના લોકો આજે (ગુરુવારે) જાણશે કે દેશના 15માં રાષ્ટ્રપતિ (Presidential Election Result 2022) કોણ હશે. રાષ્ટ્રપતિની ચૂંટણી માટે 18 જુલાઈના રોજ મતદાન થયું છે અને ગુરુવારે સવારે 11 વાગ્યાથી અહીં સંસદ ભવનમાં મતગણતરી શરૂ થશે. દ્રૌપદી મુર્મુ સત્તારૂઢ નેશનલ ડેમોક્રેટિક એલાયન્સ (NDA) તરફથી છે જ્યારે યશવંત સિંહા વિરોધ પક્ષના ઉમેદવાર છે. મુર્મુની જીતની પ્રબળ સંભાવના છે. જો તે જીતશે તો તે દેશની પ્રથમ આદિવાસી મહિલા રાષ્ટ્રપતિ બનશે.
આ પણ વાંચો:Presidential Election 2022: ગુજરાતમાં રાષ્ટ્રપતિની ચૂંટણીનું મતદાન પૂર્ણ, આ ધારાસભ્યએ કર્યું ક્રોસ વોટિંગ
નવા રાષ્ટ્રપતિ 25 જુલાઈએ શપથ લેશે :દેશના વર્તમાન રાષ્ટ્રપતિ રામ નાથ કોવિંદનો (Current President Country Is Ram Nath Kovind) કાર્યકાળ 24 જુલાઈએ સમાપ્ત થશે અને નવા રાષ્ટ્રપતિ 25 જુલાઈએ શપથ લેશે. તમામ રાજ્યોમાંથી બેલેટ પેપર સંસદ ભવનમાં લાવવામાં આવ્યા છે. ચૂંટણી અધિકારીઓ સંસદના રૂમ નંબર 63માં મત ગણતરી માટે તૈયાર છે. આ હોલમાં બેલેટ પેપરની ચોવીસ કલાક સુરક્ષા કરવામાં આવી રહી છે. ચૂંટણી માટે મુખ્ય ચૂંટણી અધિકારી રાજ્યસભાના મહાસચિવ પી.સી. મોદી આજે મત ગણતરીની દેખરેખ રાખશે. સાંજ સુધીમાં ચૂંટણીના પરિણામો જાહેર થવાની શક્યતા છે. મોદી સૌપ્રથમ સાંસદોના તમામ મતોની ગણતરી કર્યા પછી ચૂંટણીના વલણો વિશે માહિતી આપશે અને પછી 10 રાજ્યોના મતોને મૂળાક્ષરોના ક્રમમાં ગણ્યા બાદ ફરીથી માહિતી શેર કરશે.
30 કેન્દ્રો સહિત 31 જગ્યાઓ પર મતદાન થયું : રાષ્ટ્રપતિની ચૂંટણી માટે સવારે 10 વાગ્યાથી સાંજે 5 વાગ્યાની વચ્ચે સંસદ ભવન અને વિધાનસભાની અંદર 30 કેન્દ્રો સહિત 31 જગ્યાઓ પર મતદાન થયું હતું. ઘણા રાજ્યોમાં મુર્મુની તરફેણમાં 'ક્રોસ વોટિંગ'ના અહેવાલો પણ આવ્યા હતા. પ્રમુખપદની ચૂંટણીમાં સભ્યોને વ્હીપ જારી કરવામાં આવતા નથી. સંસદ, લોકસભા અને રાજ્યસભાના બંને ગૃહોના સભ્યો અને નામાંકિત સાંસદો સિવાય તમામ રાજ્યોની વિધાનસભાના સભ્યો રાષ્ટ્રપતિની ચૂંટણીમાં મતદાન કરે છે.
99 ટકાથી વધુ મતદારોએ પોતાનો મત આપ્યો : રાષ્ટ્રપતિની ચૂંટણીમાં 776 સાંસદો અને 4,033 ચૂંટાયેલા ધારાસભ્યો સહિત કુલ 4,809 મતદારો મતદાન કરવા પાત્ર હતા. નામાંકિત સાંસદો અને ધારાસભ્યો અને વિધાન પરિષદના સભ્યો આમાં મતદાન કરી શકશે નહીં. ચૂંટણી પંચના જણાવ્યા અનુસાર સોમવારે યોજાયેલા મતદાન દરમિયાન 99 ટકાથી વધુ મતદારોએ પોતાનો મત આપ્યો હતો. ભારતીય જનતા પાર્ટીના સાંસદો સની દેઓલ અને સંજય ધોત્રે સહિત આઠ સાંસદો મતદાન કરી શક્યા ન હતા. દેઓલ મતદાન દરમિયાન સારવાર માટે વિદેશ ગયા છે જ્યારે ધોત્રે આઈસીયુમાં દાખલ છે.
આ પણ વાંચો:Presidential Election 2022: મતદાન પ્રક્રિયા શરૂ, PM મોદીએ આપ્યો મત
કોવિંદે વર્ષ 2017માં રાષ્ટ્રપતિની ચૂંટણી જીતી હતી : સોમવારે ભાજપ અને શિવસેના, બહુજન સમાજ પાર્ટી, કોંગ્રેસ, સમાજવાદી પાર્ટી અને AIMIMના બે-બે ધારાસભ્યોએ મતદાન કર્યું ન હતું. કોવિંદે વર્ષ 2017માં કુલ 10,69,358માંથી 7,02,044 મત મેળવીને રાષ્ટ્રપતિની ચૂંટણી જીતી હતી. તેમના હરીફ મીરા કુમારને માત્ર 3,67,314 વોટ મળ્યા હતા.
